Македонија

Министерството за правда со иницијатива за критериуми за регистрација на здруженија на граѓани

До ново законско решение, експертско тело да дава мислења околу карактерот на историските личности на здруженијата. 

Ова министерот за правда, Никола Тупанчевски го иницира на владиина седница по бурата од реакции во јавноста за формираните здруженија во земјава кои носат спорни историски имиња, меѓу кои и соработници на Хитлер. Според Тупанчевски, експертското тело треба да профункционира пред да се донесе новото законско решение за здруженија и фондации, за да се спречат злупотреби на законските опции за формирање здуженија под било кое историско име.

„Да се формиа ад – хок тело, меѓуресорско, експертско, коешто ќе дава мислење за карактерот на историските личности, односно на начинот на којшто ќе се формираат или ќе дадат мислење за давање на согласност. Во таа насока мислам дека ќе биде и намалена можноста за злоупотреба на одредени личности кои имаат негативен контекст низ различни историски епохи.“-Никола Тупанчевски, министер за правда

Паралелно во Министерството за правда се работи на новото законско решение. Работната група последно се состана претходната недела, но детали засега не се откриваат, освен дека на маса биле отворени сите прашања, а нов состанок ќе имаат идниот месец. Кога ќе се изготви првичната верзија на законското решение за здруженија таа ќе биде објавна на ЕНЕР за евентуални промени пред конечниот законски предлог, велат од правда за Канал 5.

Во меѓувреме, истражните органи ги испитуваат спорните здруженија. Охридското обвинителство се интересира дали има пропусти од институциите при регистрацијата на здружението цар Борис III во Охрид. Битолското обвинителство пак ја истражува регистрацијата и функционирањето на културниот центар Ванчо Михајлов.

И додека власта бара решение, тие делуваат. Бугарското здружение „Фондација Македонија“ на социјалните мрежи објави дека нуди месечна стипендија од 30 евра за секое дете од Македонија и Србија ако учи бугарски јазик.

Шоу биз

Ќерката на Мадона, Лурд, тврди дека е проколната во љубовта

Ќерката на Мадона, Лурд Леон, иако има само 26 години, е во центарот на вниманието на светската јавност како наследничка на кралицата на попот.

Таа исто така многу рано влезе во светот на музиката, а кариерата ја гради под уметничкото име Лолахол, иако е многу поуспешна во светот на манекенството.

Зад себе веќе има неколку неуспешни љубовни врски кои го привлекоа вниманието на јавноста, а Лурд вели дека за неа љубовта е проклетство.

Ќерката на Мадона, Лурд Леон, иако има само 26 години, е во центарот на вниманието на светската јавност како наследничка на кралицата на попот.

Со години се шпекулира дали и се допаѓаат мажи или жени, а сега таа одлучи да стави крај на таа приказна.

- Би рекла дека мојот најголем грев е што сакам момчиња. Тоа е такво проклетство. Јас сум болно стрејт, тоа е ужасно. Посакувам да не беше така, но за жал, ова се картите што ги добив – изјави таа во интервју за „The Face“.

Свет

Летонија има нов претседател, тој е деклариран геј

Министерот за надворешни работи на Латвија, Едгарс Ринкевичс, беше избран во парламентот за нов претседател на земјата.

Шефот на латвиската дипломатија од 2011 година, 49-годишниот деклариран хомосексуалец ќе го замени Егилс Левитс, кој одлучи да не се кандидира за втор мандат.

„Ќе направам се за да ја направиме нашата земја просперитетна и безбедна“, рече Ринкевичс по гласањето во парламентот. Ринкевичс јавно се изјасни како геј во 2014 година. Тој беше првиот политичар во Латвија што го стори тоа. Летонскиот претседател има главно церемонијална улога.

Летонија е членка на ЕУ и НАТО и силно ја поддржува Украина во војната против руската агресија и нејзиниот пристап во ЕУ и НАТО. Украинскиот претседател Володимир Зеленски му честиташе на Ринкевичс за неговиот избор, велејќи дека тој е „вистински пријател на Украина“.

Летонија ќе биде во добри раце во следните четири години“, рече Левитс по изборот на неговиот наследник. Пред да стане министер за надворешни работи, Ринкевичс работеше како надворешнополитички аналитичар за јавното радио Латвијас Радио, а потоа работеше во Министерството за одбрана и Кабинетот на претседателот, пренесе Индекс.хр.

Технологија

Огромен интерес за најскапиот телефон од „Google“

„Google Pixel Fold“ сега е подготвен за претпродажба, но изгледа дека топ моделот со 512 GB простор официјално го нема на залиха во САД.

Моделот со 512 GB е достапен само во обсидијан црна боја и покрај цената од 1.919 долари (1.899 евра), се чини дека е моделот што предизвикува најголем интерес кај купувачите.

Официјалната продавница на „Google“ сè уште го има на залиха „Pixel Fold“ од 256 GB во обсидијан и порцелан.

„512 GB Pixel Fold“ сè уште е достапен за нарачка однапред во ОК, Германија и Јапонија. Телефонот ќе биде пуштен во продажба на 27 јуни.

За потсетување, првиот телефон на „Google“ на преклопување – „Pixel Fold“ - се напојува со чипот „Tensor G2“, истиот процесор кој ја напојува серијата „Pixel 7“ и има импресивен систем со три камери на задната страна.

притисни ентер