Министерот за правда се оградува од случајот со синот на Талат Џафери

Министерството за правда нема да проверува дали имало масовни злоупотреби со полагање на правосудни испити на лица што се уште немале потребен степен на образование и стаж. 

Случајот се актуелизираше откако антикорупциска уврди дека меѓу нив бил и синот на Талат Џафери, но актуелниот министер Никола Тупанчевски, смета дека ова треба да го расчисти просветниот инспекторат или други истражни институции..

Во тоа време, министерот Јашари го користел дискреционото право да одлучува кој смее да полага правосуден испит, но Тупанчевски вели дека тоа веќе неколку години е променето.

-Во членот 4, став 5 има експлицитна забрана да се повтори она што се случило претходно пред седум години. Некој пред мене констатирал дека има таков недостаток па го коригирал. Јас мислам дека тоа е правилно. Доколку постои било какво дискреционо овластување, треба да биде под сериозен надзор, изјави Никола Тупанчевски – министер за правда.

Дисрекционото право е основен извор на корупција, смета претседателката на антикорупциската комисија Билјана Ивановска, но повтрои дека немаат механизам да продолжат со испитување на случајот.. Предлага правда да отвори електронско досие во кое ќе има архива од сите кои положиле правосуден испит, па преку таа листа да се знае дали некој не ги исполнува критериумите.

-Транспарентноста е најголем борец против корупцијата и затоа побаравме да има електронско досие на нивната веб страна и документите скенирани да се чуваат таму па секој од вас новинарите ќе може да види.Дискрецијата сама по себе создава многу непријатности и е основен извор на корупција, затоа што дозволува да дојде до израз моќта на поединецот, суетата, влијанието од политиката, истакна Билјана Ивановска – претседателка на ДКСК .

Јавното обвинителство веќе потврди дека ги следат информациите со положените правосудни испити и ќе постапат доколку се утврдат елементи на кривично дело. Од Универзитетот пак се огласија дека поради техничко-административна грешка биле издавани уверенија со погрешно звање, а не дипломи, а такви биле помалку од двесте.

Инаку Барлет Џафери во моментов е дел од седмата генерација на Академијата за судии и јавни обвинители, која наскоро треба да заврши, а во неговите поднесени документи немало недостатоци и затоа му било дозволено да полага приемен испит.

Доктор не се туширал 5 години, сега кажува зошто (ВИДЕО)

Џејмс Хамблин го изненади светот кога објави дека не се туширал пет години.

Докторот и предавач на Јејл за неговата книга Clean: The New Science of Skin решил да спроведе експеримент врз себе.

Имено, Хамблин во книгата решил да се фокусира на нашиот најголем орган – кожата. Преку експериментирање и истражување дошол до неколку важни лекции. Прво, тој вели дека опсесијата со сапун може да предизвика алергии.

„Целото патување преку истражување и учење во мојата книга за микробиомот на кожата и историјата на верувањата за хигиената и чистотата навистина ме натера да ги променам моите навики“, вели тој.

Според него, микробите се присутни во околината и тоа нема да се промени ако човек се истушира. Наместо тоа, тој верува дека микробите се неопходни за одржување на здрава рамнотежа, на пример во дигестивниот систем.

„Знаете дека обидот да се искоренат микробите во цревата не е најдоброто нешто што можете да го направите“, истакнува тој.

Иако не користи шампон или гел за туширање, Хамблин ги мие рацете со сапун. Покрај тоа, одржува одредени навики, а водата е сепак важен дел од нив.

"Сè уште понекогаш ја влажнам косата. Кремите, пилинзите и дезодорансите ги нема во мојата бања. Но, сепак ги мијам забите. Го правам само она што сметам дека е задоволително или навистина медицински неопходно", заклучил тој.


Кремљ ја менува временската зона на окупираните подрачја во Украина,се воведува московско време

Кремљ денеска објави дека ќе започне со наметнување на московската временска зона во делови на Украина кои се незаконски анектирани и делумно под контрола на руските сили.

Руското Министерство за индустрија и трговија ја објави веста на својот профил на Телеграм, велејќи дека четирите региони на Украина припоени од Русија - Доњецк, Луганск, Херсон и Запорожје - „ќе се префрлат на московско време“.

Четири украински региони беа незаконски анектирани од рускиот претседател Владимир Путин во есента 2022 година, откако одржаа „лажни“ референдуми. Русија не контролира целосно ниту еден регион, а западните влади го оценија потегот за нелегитимен.

„Во тек е постепена синхронизација на руското законодавство откако во земјата беа примени четири нови субјекти“, соопшти руското Министерство. „Во блиска иднина ДНР [самопрогласена Народна Република Доњецк], ЛНР [самопрогласена Луганска Народна Република], Запорожје и Херсонските области ќе бидат дел од друга временска зона, во која ќе важи московско време.“

Временската зона во Москва е еден час понапред од источноевропското стандардно време, кое е на сила низ цела Украина.

Министерството додаде дека тие поднеле нацрт-закон за ова прашање до руската Државна дума и дека допрва треба да биде потпишан.

Русија веќе го направи тоа на Крим кога режимот на Путин го анектираше полуостровот во 2014 година. Во март 2014 година, временската зона на Крим беше официјално усогласена со онаа на Москва, а целиот полуостров е еден час пред Украина.

Овој потег доаѓа неколку недели откако портпаролот на Кремљ, Дмитриј Песков, рече дека процесот на интеграција на територијата е во „полн замав“. „Обезбедувањето безбедност на цивилите кои живеат таму е главната цел на [специјалната воена] операција“, рече Песков.

Невладина организација: Иран годинава егзекутира над 50 луѓе

Иранските власти годинава веќе егзекутираа 55 лица, објави денеска невладината организација за човекови права, додавајќи дека зголеменото прибегнување кон смртна казна има за цел да се шири „терор“ во земјата потресена од протести.

Невладината организација Иран за човекови права (IHR) со седиште во Норвешка соопшти дека потврдила најмалку 55 егзекуции во првите 26 дена од оваа година.

Четири лица биле егзекутирани поради обвиненија поврзани со протестите, додека мнозинството од обесените (37) се егзекутирани за злосторства поврзани со дрога, рече истиот извор. Од невладината не соопштуваат зошто биле егзекутирани останатите 14 лица.

Најмалку 107 лица остануваат во ризик од егзекуција поради протестите, осудени на смрт или обвинети за злосторства што предвидуваат смртна казна, додаде ИЧП. Секоја егзекуција во Иран е „политичка“, бидејќи главната цел е „да се шири страв и терор во општеството“, нагласува ИЧП.

„За да се запре државната машина за убивање, не треба да се толерира никакво погубување, независно дали е политичко или не“, додаде директорот на ИЧП Махмуд Амири-Могадам.

Активистите го обвинуваат Иран дека ја користи смртната казна како инструмент за заплашување за да ги смири протестите кои започнаа на 16 септември, по смртта во притвор на Махса Амини, 22-годишна Курдка, уапсена три дена претходно за кршење на правилата за облекување на жените.

Според претставникот на ОН за човекови права Волкер Турк, „инструментализацијата на кривичната постапка“ во Иран за казнување на демонстрантите „е еднакво на убиство одобрено од државата“. ИЧП и другите невладини организации за човекови права допрва треба да објават статистички податоци за егзекуциите во Иран за 2022 година.

Но, ИЧП на почетокот на декември објави дека биле обесени повеќе од 500 луѓе, што е рекордна бројка во последните пет години.

притисни ентер