Министерката Петровска на Безбедносен форум во Варшава

Министерката за одбрана Славјанка Петровска, денеска и утре, ќе учествува на Варшавскиот безбедносен форум 2023 година, еден од најголемите и најреномирани безбедносни форуми во светски рамки.

Како што информираат од Министерството за одбрана, Петровска утрово ќе учествува на дискусијата на високо ниво насловена „Европа во војна: Зацврстување на колективната одбрана на НАТО“, на кој ќе говорат и адмиралот Роб Бауер, претседавач со Воениот комитет на Алијансата, словенечкиот министер за одбрана Марјан Шарец и министерот за одбрана на Бугарија, Тодор Тагарев, модерирани од поранешниот командант на Армијата на САД за Европа, генерал-потполковник во пензија Бен Хоџис.

Според агендата, министерката Петровска утре ќе се обрати на работната сесија на насловена „Жените во меѓународната безбедност“ заедно со повеќе жени-лидерки меѓу кои и министерката за надворешни работи на Исланд, Тордис Колбрун Рејкфјорд Гилфадотир, министерката за одбрана на Холандија, Кајса Олонгрен и британската министерка за Индопацифик Ан-Мари Тревелјан.

Во Варшава, министерката Петровска ќе разговара со повеќе министри за одбрана на земјите-сојузнички во Алијансата, вклучувајќи го и домаќинот, министерот за одбрана на Полска, Мариуш Блашчак.

На овогодинешниот Безбедносен форум учество ќе земат над 40 владини претставници (премиери, министри за одбрана, министри за надворешни работи, министри за европски работи), 40 претставници на парламенти, 14 високи армиски претставници, девет претставници на НАТО и над 70 претставници на меѓународни институции, невладини организации, тинк-тенк организации и индустрискиот сектор.

Варшавскиот безбедносен форум е една од водечките европски безбедносни конференции посветени на трансатлантската соработка и заедничкиот одговор на предизвиците, со фокус на Централна и Источна Европа. Безбедносниот форум се организира од 2014 година, а досега на него учествувале над 1500 претставници на влади, меѓународни организации, невладиниот сектор и тинк-тенк организации од над 90 земји.

Дивата од модните писти слави 58 роденден: Се трудам да бидам добра

Познатата манекенка Синди Крафорд го прслави својот 58 роденден.

- Благодарна за уште еден сет роденденски свеќички - порача таа на Инстаграм.

Жената која упадна на модните писти во деведесеттите продолжува да плени со својата природна убавина. Длабоко во шестата деценија од животот без никаква пластика на себе, таа сè уште се колне во убавина.

Покрај редовните вежби, врвниот изглед го постигнува и со посебен режим на исхрана.

Избира здрава храна и признава дека се труди „80 проценти од времето да биде 80 отсто добра“.

Денот започнува со смути направено од кокосово млеко, третина од замрзната банана, шолја свеж спанаќ, 10 листови нане, една лажичка протеини и малку зрна какао. За ручек најчесто јаде салата со пилешко, а за вечера подготвува ќофтиња од мисирка со салата и зеленчук.

Извор: Аваз

Милитао би можел да се врати на фудбалските терени во март

Одбранбениот фудбалер на Реал Мадрид, Едер Милитао е блиску до враќање во тимот.

Како што пренесе „Relevo“ Бразилецот ќе има време да закрепне навреме за четвртфиналето на Лигата на шампионите доколку мадридскиот клуб стигне до оваа фаза.

Четвртфиналето во елитното фудбалско натпреварување ќе се одржи во средината на март.

Во август 2023 година, во 1. коло од Ла Лига против Атлетик (2:0), Милитао ги скина вкрстените лигаменти на коленото.

За тренерот на Реал Мадрид со евентуалното враќање на Милитао ќе биде големо олеснување пред завршниот дел од сезоната. /МИА

Паолини го освои трофејот во Дубаи

Италијанската тенисерка Јасмине Паолини е победничка на ВТА 1000 турнирот во Дубаи, ОАЕ.

Паолини во денешното финале беше поуспешна од Русинка Ана Калинскаја во три сета. Мечот траеше 2 часа и 16 минути и заврши со резултат 4:6, 7:5, 7:5 во корист на италијанската претставничка.

Дваесет и петгодишната Русинка двапати сервираше ас, направи четири двојни грешки и реализираше шест брејк топки од осум шанси. Паолини немаше ниту еден ас, направи една двојна грешка и седум брејк топки реализира од девет можности.

Паолини го освои својот втор ВТА трофеј во сингл. Пред тоа таа стана победничка и на три турнири во двојки.

Од друга страна, Калинскаја не успеа да ја освои својата прва ВТА титула во сингл. Сепак, за време на турнирот во Дубаи, Русинката победи три претставнички на Топ 10 – Ига Швјонтек (1), Елена Остапенко (9) и Коко Гоф (3). /МИА

притисни ентер