Минчев: Владата сака по секоја цена да бидат изгласани законите од енергетиката

Владата сака по секоја цена да бидат изгласани законите од енергетиката кои ќе ја оштетат државата и граѓаните.

Владата на Македонија во услови на предизборие, преку скратена постапка, во парламентарна процедура повторно стави закони кои се исклучително штетни за државата и за македонските граѓани, рече Горан Минчев, генерален секретар на Движењето ЗНАМ – За наша Македонија на прес конференцијата одржана денеска.

„Се работи за четири закони за стратешки инвестициски проекти во областа на енергетиката. Оваа Влада, пред да си замине во историјата, сака предложените закони по секоја цена да бидат изгласани во Собранието. Станува збор за проектите: “Митилинеос когенеративна гасна постројка Скопје” и изградба на соларните електрични централи АИМ Греен ТЦХ, Пехчево и Стипион“, посочи Минчев.

Тој потенцира дека тоа се профитабилни базични енергетски проекти што ќе се градат со голема државна помош, како и голем број на поволности и поттикнувања, финансирани од буџетот на државата, средства на државните енергетски претпријатија, но и од самите граѓани, како крајни потрошувачи, преку плаќањето на сметките за електрична енергија.

Минчев рече дека енормниот профит и огромната државна помош на стратешкиот инвеститор Митилинеос, Владата правно сака да го регулира со изгласување во Собранието на „Закон за Митилинeос когенеративата електрана Скопје“. По донесувањето на Законот ќе бидат потпишани бројни договори помеѓу Митилинеос и Владата, како што се: Договор за стратешки инвестиционен проект Митилинеос когенеративна централа Скопје, Договор за државна помош, Договор за откуп на електрична и топлинска енергија, Договор за гаранции, Договор за закуп на градежно земјиште.

„Стратешкиот инвестициски проект „Митилинеос когенеративна електрана Скопје“ и другите три проекти за изградба на фотоволтаични централи се добро осмислен и бескрупулозен стратешки грабеж на буџетот и на граѓаните на Македонија во наредните 30 години’, потенцира генералниот секратер на ЗНАМ, Горан Минчев и објасни:

„Државната помош што Владата треба ќе му ја даде на Мителинeос се состои во следното:

- Директна финансиска поддршка од 49,3 милиони евра.

- Плаќање на давачките за емисии на јаглерод за период од 30 години од над 700 милиони евра.

- Изградба на Индустриската зона „ЕНЕРГИЈА СКОПЈЕ“ што ќе чини најмалку 20 милиони евра.

- Митилинеос се ослободува од плаќање даноци, давачки, такси, според Договорот за гаранција и се ослободува од дополнителни финансиски обврски кои во иднина би се јавиле со измена на законодавството во државата.

- Владата се обврзува на Митилинеос за период од 30 години да му ја откупи вкупната произведена електрична енергија по загарантирани цени што во просек се речиси 17 проценти повисоки од берзанските, како и вкупно произведената топлинска енергија, со што вкупната загуба на Македонија само по овој основ ќе изнесува над 450 милиони евра.

- Во 30-те години, колку што е предвидено да трае Договорот, актуелната Влада се откажува од околу 1,2 милијарди евра профит, којшто всушност ќе му го отстапи како профит на Митилинеос“.

„Движењето ЗНАМ – За наша Македонија, рече Минчев, сака да ја предупреди јавноста за овој огромен скандал, којшто со предложените четири закони е ставен во собраниска процедура и ќе ги чини граѓаните на Македонија најмалку 1,2 милијарди евра во следните 30 години. Доколку се усвојат овие закони, за нивно раскинување се предвидени огромни пенали за Македонија, кои веројатно би ја надминале штетата од самата имплементација на истите. Од оваа точка враќање назад нема. Или сега нема да се усвојат овие закони или граѓаните ќе ги полнат џебовите на одредени економски центри на моќ кои практично ќе станат газди на Македонија“, потенцира тој.

„Ги повикуваме пратениците во Собранието на Македонија, од сите пратенички групи, а посебно се обраќаме до пратениците на СДСМ и нивната коалиција, да не бидат заложници на одредени структури кои потекнуваат од претходното и сегашното раководство на СДСМ’, рече Минчев.

Тој додаде дека ставот на Движењето ЗНАМ-За наша Македонија, согласно програмските определби за самоодржлива држава во сферата на енергетиката, како и искористувањето на природните ресурси, е дека проектот за изградба на когенеративна гасна постројка е несомнено профитабилен базичен енергетски проект, којшто треба да се гради како национален проект, финансиран и изграден од нашата држава, а не од некој надворешен т.н стратешки инвеститор кој нема да инвестира ниту едно евро сопствени средства.

Минчев рече дека следствено со оваа гасна електрана треба да стопанисува државната компанија ЕСМ, при што од остварениот профит во наредниот период ќе се создаваат можности за финансирање нови базични енергетски објекти. Тој, исто така рече дека е апсолутно недозволиво користење на плодно земјоделско земјиште за изградба на фотоволтаични централи.

„Сметаме, потенцира Минчев, дека за доброто на граѓаните и на државата, за доброто на идните генерации, овие закони не смеат да ја добијат поддршката во Собранието“.

Прес-конференција на Горан Минчев, генерален секретар на Движењето ЗНАМ – За наша Македонија

Движење ЗНАМ - За наша Македонија

Алегри: Целта е Јувентус да биде во ЛШ, а потоа управата ќе одлучи за мене

 Тренерот на Јувентус, Масимилијано Алегри повторно призна дека не знае дали ќе остане на чело на тимот и следната сезона. Во принцип, тој е врзан за клубот до летото 2025 година, но според многумина, тој сега ќе си замине.

-Целта е место во ЛШ, бидејќи се работи за 100 милиони евра. А за мојата иднина, како и секогаш, клубот ќе одлучи што е најдобро. Пред почетокот на сезоната, пред нас беа поставени две цели: пласман во ЛШ и освојување на Купот на Италија. Сега е важно да останеме заедно и да се бориме. Местото во ЛШ е приоритет и од финансиски причини не можеме да дозволиме да бидеме изоставени од турнирот, потсети Алегри.

Вчера сопственикот на Јуве, Џон Елкан прецизираше дека актуелната сезона е „нула“ за клубот под водство на новиот спортски директор Кристијано Џунтоли. Пред една година тој уверуваше дека Алегри е клучна фигура за иднината на тимот од Торино.

-Работата во Јуве ќе продолжи и во наредните години со новиот директор Џунтоли. Задачата беше да внесеме фудбалери од школата во тимот и мислам дека тоа го исполнивме, убеден е тренерот.

Во следното коло во Серија А, Јувентус за противник ќе го има градскиот ривал Торино.

-Треба да работиме напорно овој месец. Многу е важно да имаме шанси до самиот крај. А особено откако Торино има 15 „суви мрежи“ во текот на сезоната, што значи дека дозволуваат по еден гол на два меча. Ова дерби е секогаш посебно, заклучи Алегри. /МИА

Норвешка е подготвена да ја признае палестинската држава

Норвешка е подготвена да ја признае палестинската држава во соработка со други земји, изјави денеска норвешкиот премиер Јонас Гар Стјоре во присуство на неговиот шпански колега Педро Санчез, кој се залага за такво признавање.

„Норвешка е подготвена да донесе одлука за признавање на палестинската држава. Таа одлука мора да се донесе врз основа на време и контекст, во тесна соработка со истомислениците. Не одредивме конкретен датум“, изјави Стјоре во Осло на заедничката прес-конференција со Санчез.

Норвешкиот парламент во ноември усвои предлог со кој се бара од владата да биде подготвена да признае независна палестинска држава.

Норвешка, исто така, беше домаќин на првите израелско-палестински мировни разговори на почетокот на 1990-тите, кога беше постигнат договор, но не беше спроведен, за мирен соживот меѓу двете независни држави.

Шпанскиот премиер оваа недела тргна на турнеја низ Полска, Норвешка и Ирска за да разговара за „потребата за придвижување кон признавањето на Палестина“.

„Шпанија е јавно посветена да ја признае палестинската држава што е можно поскоро, кога ќе се поволни условите и на начин што ќе има најсилно можно позитивно влијание врз мировниот процес“, рече Санчез во Осло.

Според шпанските медиуми кои го придружуваа Санчез на неговата турнеја низ Јордан, Саудиска Арабија и Катар минатата недела, шпанскиот премиер тогаш го спомена крајот на јуни како можен датум за признавање на палестинската држава.

„Ја поздравувам иницијативата на премиерот Санчез да се консултира со истомислениците за да се зајакне координацијата, а таа координација ќе ја зајакнеме во наредните недели“, рече норвешкиот премиер.

Санчез инаку е многу критичен кон ставот на израелската влада на чело со Бенјамин Нетанјаху од почетокот на конфликтот во Газа. /МИА

Ердоган разговараше со Абас: Израел ќе ја плати цената за угнетувањето во Газа

Претседателот на Република Турција Реџеп Тајип Ердоган изјави дека Израел ќе ја плати цената за угнетувањето во Појасот Газа, јави Анадолија.

Шефот на Дирекцијата за комуникации на турското претседателство Фахретин Алтун соопшти дека Ердоган имал телефонски разговор со палестинскиот претседател Махмуд Абас.

„Ердоган за време на тој разговор рече дека Израел ќе ја плати цената на угнетувањето. Мора да се мобилизираат сите средства за прекин на огнот во Газа, вклучително и спроведување на резолуцијата на Советот за безбедност на Обединетите нации“, рече Алтун.

Повеќе од 33.600 Палестинци се убиени во Газа во нападите што Израел ги спроведува континуирано од 7 октомври минатата година, кога командоси на Хамас упаднаа во Израел и во масакри и ракетни напади убија над 1.000 луѓе и киднапираа околу 200 лица.

притисни ентер