Милион заболени во Африка , во Сомалија ги горат телата за заштита од корона

Јужноафриканската Република има повеќе од половина милион потврдени случаи на ковид -19, соопшти Министерството за здравство на земјата.

Речиси еден милион луѓе се заразени низ цела Африка.

„Јужна Африка денес ја премина границата од половина милион со вкупно 503.290 потврдени случаи на ковид- 19“, рече министерот за здравство Звели Мекизе.

Повеќе од третина од случаите се пријавени во провинцијата Гаутенг, каде што се сместени Јоханесбург и Преторија, економски и административни центри на земјата.

Министерот додаде дека, иако Јужноафриканската Република е петта земја во светот во однос на бројот на заразени, таа е на 36-то место по бројот на починати во однос на бројот на жители.

Стапката на смртност е мала, 1,6 проценти, според Министерството за здравство.

Јужноафриканската Република е петта земја во светот најтешко погодена од пандемијата во однос на бројот на потврдени случаи. Таа самата регистрира повеќе од половина од случаите од целиот африкански континент.

Бројот на починати надмина 8.150, но експертите веруваат дека е многу повисок отколку што е соопштено, засновано на мислењето дека земјата регистрира скоро 60 проценти повеќе природни смртни случаи во последните недели.

Според официјалните проекции, помеѓу 40.000 и 50.000 луѓе би можеле да умрат од вирусот до крајот на годината.

На крајот на март, Јужна Африка воведе скоро најстроги мерки во светот и потоа ги попушти. Поради новиот раст на инфекцијата, училиштата повторно беа затворени по еден месец и беше воведен ноќен полициски час.

Пандемијата на „ковид- 19“, која првично беше побавна во Африка отколку во другите региони во светот, сега забрзува на континентот каде системите во јавно здравство се слаби, што е причина за загриженост на Светската здравствена организација.

Владата на Република Македонија оддаде почит на загинатите бранители на Карпалак

Во име на Владата на Република Македонија, Драган Василевски, советник за одбрана на претседателот на Владата, денеска, положувајќи свежо цвеќе на спомен-плочата во месноста Карпалак, на автопатот Скопје - Тетово.

Оддаде почит и учествуваше во одбележувањето на 19-годишнината од за загинувањето на десетмината припадници на резервниот состав на Армијата во оружениот конфликт во 2001 година.

Пред спомен обележјето посветено на прилепските бранители, Сашо Китаноски, Нане Наумоски, Бранко Секулоски, Марко Деспотоски, Ердован Шабаноски, Љубе Грујоски, Дарко Вељаноски, Веби Рушидоски, Горан Миноски и Пеце Секулоски, венци со свежо цвеќе положи и делегација од Министерството за одбрана и Армијата на Република Македонија, делегација од Кабинетот на Претседателот на Република Македонија, делегации на прилепската локална самоуправа, претставници од составот на резервните воени обврзници, членови на семејствата и пријатели на загинатите.

Споменот и одбележувањето на годишнината од смртта на десеттемина армиски резервисти започна синоќа во Прилеп, каде во име на Владата на Република Македонија, советникот на претседателот на Владата, Драган Василевски, положи свежо цвеќе пред спомен-обележјето во касарната „Мирче Ацев", како и пред споменикот на бранителите во прилепското село Лениште.

Променливо облачно со повремени врнежи од дожд

Попладне, како и во вечерните и ноќните часови ќе биде нестабилно со пороен дожд, грмежи и засилен ветер, локално во форма на невреме со поинтензивен пороен дожд и појава на град. 

Променливо облачно со повремени врнежи од дожд. Попладне, како и во вечерните и ноќните часови ќе биде нестабилно со пороен дожд, грмежи и засилен ветер, локално во форма на невреме со поинтензивен пороен дожд и појава на град.

Максималната температура ќе биде во интервал од 23 до 29 степени.

Во Скопје променливо облачно, попладне и во текот на ноќта нестабилно со пороен дожд, грмежи и засилен ветер, како и со услови за појава на град.

Одбележани 19 години од нападот кај Карпалак

​ Со панихида и положување цвеќе пред спомен плочата кај месноста Карпалак на автопатот Тетово-Скопје утрово беше оддадена почит кон 10-те загинати бранители од Прилепско кои беа убиени во заседа во оружениот конфликт во 2001 година.

Почит им оддадоа делегација од Министерството за одбрана и Армијата на Република Северна Македонија предводена од началникот на Генералштабот, генерал-потполковник Васко Ѓурчиновски и државниот секретар во Mинистерството за одбрана, Драган Николиќ, претставници на Владата, од кабинетот на Претседателот, Собранието, општина Прилеп, семејствата на загинатите, политичката партија ВМРО ДПМНЕ и поголем број здруженија на бранителите, како и граѓански организации.

-Денеска одбележуваме 19 години од погубието на Карпалак. Деветнаесет години на ова исто место со една иста изјава сме барајќи да се направи достоинствено обележје за загинатите, мислам дека тие тоа го заслужија. И медиумите се сведоци дека и денес цвеќето беше положено на банкина, што не е достоинствено. Го положија животот на браникот на Република Македонија за идеалите за опстој на оваа земја како Република Македонија. Ние преживеаните следбеници на нивните дела со гордост ги почитуваме. Тој кобен 8 авгсут 2001 се случи, но ни тие случки не престануваат, тука е кумановско Диво насеље, Смилковско езеро, да не зборуваме за другите настани као што се Вејце, Бриони, Љуботенски бачила за кои многу малку е кажано за нив, изјави Ацо Јовановски-Реган, кој бил дел од резервните припадници на Армијата во конвојот од Прилеп.

Од одборот на бранителите исто така сметаат дека треба подостоинствено одбележување на местото на настанот.

-Како и претходните години и оваа година се помал е бројот на луѓе за чествување на овој настан. Причините не ни се познати, но некој очигледно работи овој настан полека да се заборава. Затоа што и оваа година како и минатата година никој од државните власти тука на местото не истакна ниту еден збор зошто се дојде овде и што е тоа што денес одбележуваме. Мислам дека Министерството за одбрана ќе смогне сили и подостоинствено ова го чествува, а на бранителите да го даде местото за кое се заслужни. Апелирам и до бранители да смогнат сили да се организираат во смисла да не не заборави нивниот придонес во Република Македонија, изјави Марин Најдов од Одбор на бранители.

На 8 август 2001 околу 10 часот конвој на АРМ беше подмолно нападнат од заседа. При тоа беше погодено едно транспортно возило на Армијата во кое беа осум војници и двајца офицери, сите од резервниот состав. Загинаа Нане Наумоски (48) ,Сашо Китаноски (39) Бранко Секулоски (42), Горан Миноски (29) Ердован Шабаноски (20), Веби Рушитоски (26) сите од Прилеп, Марко Деспотоски (27) од прилепско Новоселани, Љубе Грујоски (31) од прилепско Пашино Рувци, Дарко Велјаноски (27) од прилепско Ропотово, и Пеце Секулоски )29) од прилепско Бело Поле.

притисни ентер