Тој посочи дека идејата е заедничка желба на битолските стопанственици, и се совпаѓа со неговите програмски цели.

-Денеска остварив средба со стопанственици од најразлични сектори, и со нив разговаравме за проблемите кои ги има приватниот сектор. Приватниците, ги истакнаа проблемите кои се однесуваат на нивната работа и понудија неколку решенија и искажаа подготвеност активно да се вклучат во процесот на наоѓање на решенија, додаде Милевски.

Подготвен сум, рече Милевски, да формираме Економски совет, кој ќе помага во работата, и тоа нема да биде тело кое еднаш и два пати ќе се среќава во четири години, напротив ќе одржуваме редовни средби, со цел да се изнајдуваат најдобрите решенија.

Тој напомена дека секоја област треба да се препушти на професионалците и нивните концепти и идеи за развој на градот мора да се почитуваат.