Мицкоски со концепт за иднината: Ќе го формализираме тргувањето со криптовалути

 Ќе го формализираме тргувањето со криптовалути и ќе бидеме пионери во регионот во блокчејн технологијата.

Ќе бидеме пионери или меѓу првите во регионот кои што ќе понудат формализиран пристап во трговијата со крипто валутите и „Blockhain" технологијата, нешто што денеска многу млади луѓе не само во Македонија туку и во регионот, Европа, САД претставува сериозен исчекор кон иднината. Да одиме кон иднината, а не пасивно да ја чекаме таа иднина, за тоа што ако пасивно ја чекаме иднината никогаш нема цврсто да зачекориме кон иднината, кажа Мицкоски на вчерашната промоција „Македонија за сите луѓе" во Карпош.

Мицкоски рече дека со формализирање на пазарот за крипто валути ќе се овозможи над половина милијарда евра да завршат во Буџетот. Тоа се половина милијарда евра за образование, за инфраструктура, за болници и за голем број проекти, потенцира тој.

Токму овој проект на ВМРО- ДПМНЕ ќе донесе развој на Република Македонија, овој проект ќе биде за добробит за граѓаните и за државата. Наместо полиња со марихуана ќе имаме модерни технологии и повеќе пари за народот. ВМРО-ДПМНЕ нуди политики за 21 век а СДСМ ја враќа Македонија во 19 век, истакна Мицкоски.

Тој истакна дека моментално пазарот на криптовалути има вредност од 2.5 трилиони долари, што е многу повеќе од капитализацијата на најголемитр светски банки, инвестициски фондови и големи фирми.

Македонија мора да фати чекор со иднината. Во Германија 40- тина банки вршат трговија со круптовалути и овозможуваат на своите клиенти да разменуваат биткоини или етериуми за пари, кажа Мицкоски. И дополни дека тоа ќе биде случај и во Македонија и тоа ќе значи голема можност и за граѓаните на Македонија и за луѓе од соседството да го врамат своето тргување во една легална законска рамка.

Мицкоски: Со концептот „Македонија за сите луѓе" ќе обезбедиме плати од 750 евра за граѓаните

На вчерашната промоција на концептот „Македонија за сите луѓе" во Карпош, претседателот на ВМРО-ДПМНЕ, Христијан Мицкоски го посочи планот на партијата како да се обезбеди просечна плата за граѓаните на Република Македонија од 750 евра или 45.000 денари.

ВМРО-ДПМНЕ во наредниот период ќе промовира еден нов пристап кон решавање на економските проблеми, односно ќе понуди решенија кои ќе бидат навистина привлечни и реални за граѓаните, се со цел да го подобрат нивното секојдневние и нивниот животен стандард. Една од првичните е трговијата со криптовалутите, која што ќе им овозможи на младите луѓе побрз и поефикасен трансфер на финансии, а со тоа македонските граѓани ќе бидат директно инволвирани и запознаени со европските и светските трендови на функционирање, истакна Мицкоски.

Тимот на економисти во ВМРО-ДПМНЕ долг период разработува и концепира еден нов процес на зголемување на просечната плата во државата, односно работат докажување на теоријата за зголемување на просечната плата во државата, базирана на факти и аргументи. Концептот "Македонија за сите луѓе" е концепт кој се заснова на одредени постулати кои што се во тесна корелација со издржаните факти и точните пресметки како граѓаните да стигнат до 45.000 денари просечна плата, додаде Мицкоски.

Наместо Република Македонија да биде земја која што ќе биде лицето на криминалот и дрогата, како што Владата сака да ја претстави пред светот, ВМРО-ДПМНЕ во новата програма ќе го објасни и обзнани концептот за трговијата со криптовалути и учеството на пазар тежок половина милијарда евра. Тоа значи половина милијарда евра во буџетот, образованието, здравството, земјоделието, повисоки пензии, повисоки стипендии за студентите и задржување на младата популација тука во Македонија, рече Мицкоски.

Мицкоски додаде дека иднината е дигитализацијата и трговијата со криптовалутите, односно вмрежување во трансакции со целиот свет и учество на најголемиот економски пазар во светот, кој е далеку поголем од многу гиганти од типот на Фејсбук. Република Македонија мора да оди кон иднината и агресивно да граби од она што се случува во модерниот свет и тоа искуство да го практикува во земјата, рече тој.

Додека Владата предводена од СДСМ на дрзок и бескрупулозен начин со европско знаменце сака да изгласа легална продажба и извоз на опојни дроги, односно овозможување богатење на неколку луѓе блиски до семејството Заеви, ВМРО-ДПМНЕ нуди реален проект и концепт кој кај граѓаните со сигурност ќе донесе над половина милијарда евра. Тоа ќе бидат пари кои граѓаните ќе ги почувствуваат во сите сфери на општеството, додава Мицкоски.

ВМРО-ДПМНЕ во овој момент во позиција на опозиција ќе предложи закон кој ќе овозможи легална трговија на криптовалути во државата, што ќе придонесе за далеку поголемо трансферирање на средства во државата, а кога ВМРО-ДПМНЕ ќе ја добие довербата да ја предводи Владата на Република Македонија, ќе овозможи непречено чување и трансферирање на криптовалути, заврши Мицкоски.

Изгоре Бугати на познат музичар, вредно 3 милиони долари (ВИДЕО)

Штетата е голема, а поправката ќе биде обемна и пеколно скапа.

На социјалните мрежи се шират снимки од црвено Бугати уништено во пожар, за кое се верува дека е во сопственост на познатиот музичар од Доминиканската Република, Емануел Ерера Батиста, познат под уметничкото име ЕЛ Алфа Ел Џефе.

Црвено-црниот Bugatti Chiron изгоре додека бил паркиран во гаража во Мајами. Двете снимки објавени на Инстаграм од supercar.fails јасно покажуваат колкава е штетата, но и дека огнот не го зафатил соседното црно Ферари.

На на Chiron ќе му треба нов преден капак, браник, тркала, возачка врата и стакло, како и сите делови што ќе останат црни од саѓите. Лесно е да се претпостави дека ќе биде многу поскапо да се поправи оштетувањето на деловите што не се видливи како резултат на изложеност на високите температури.

За среќа во несреќа, автомобилот не изгорел целосно, зашто некој го изгаснал со противпожарен апарат. Исто така, да кажеме дека се уште се трага по сторителот кој го подметнал пожарот.

Како изгледал овој автомобил вреден најмалку три милиони долари, може да се види во следното видео објавено пред неколку месеци. Ако се докаже дека е навистина тој автомобил, тогаш Ел Алфа нема да стане пешак. Имено, покрај Бугати, овој млад човек поседува и Ролс Ројс Кулинан во кој веќе доживеал напад со огнено оружје.

Борис Џонсон и неговата сопруга Кери го очекуваат второто дете

Британскиот премиер Борис Џонсон и неговата сопруга Кери очекуваат уште едно бебе, објавија денеска британските медиуми.

Нивното прво дете, синот Вилфред, се роди во април минатата година, објави Ројтерс.

Медиумите објавија дека Кери им напишала на своите пријатели на Инстаграм дека се чувствува „неверојатно благословена“ што е повторно бремена.

Хамилтон конечно дојде до пол позиција и шанса за стота победа

Британецот Луис Хамилтон (Мерцедес) беше најбрз во денешните квалификации за ГН на Унгарија, 11 -та трка на Светското првенство во Формула 1.

Неговиот тимски колега, Финецот Валтери Ботас, го имаше второто квалификациско време. Трет беше Холанѓанецот Макс Верстапен (Ред Бул), лидер во генералниот пласман, а четвртиот резултат го постигна Мексиканецот Серхио Перез (Ред Бул).

Во генералниот пласман, водечкиот Верстапен има 185 бодови, потоа Хамилтон со 177, додека на третото место е Британецот Ландо Норис (Мекларен) со 113 поени.

притисни ентер