Македонија

Мицкоски: Со искажаниот став ВМРО-ДПМНЕ не повикува на тивок бојкот

Лидерот на ВМРО-ДПМНЕ Христијан Мицкоски вечерва рече дека на 30 септември ќе се дознае дали ќе излезе или нема да излезе на референдумот.

Мицкоски во интервју на 24 вести рече дека повикот членовите на партијата да постапат според сопственото убедување не значи повик за тивок бојкот на референдумот.

На премиерот Зоран Заев, како што рече, треба најпрво да му биде дозволено да излезе на ТВ дуел па дури тогаш тој би дознал што мисли за бојкотот.

– Премиерот има шанса да дознае само треба да се одважи да дојде и на крајот на дуелот ќе го дознае ставот на Христијан Мицкоски. Дали Христијан Мицкоски ќе излезе или нема да излезе не е важно затоа што ВМРО-ДПМНЕ донесе одлука. 455 илјади граѓани го слушнаа ставот на ВМРО-ДПМНЕ, рече Мицкоски.

Според него, ставот се донел во рамки на партиските тела по состаноците на пратеничката група, на Извршниот и Централниот комитет и бил соопштен притоа посочувајќи на сите штетни последици, како што рече Мицкоски, капитуланскиот договор кој премиерот Зоран Заев го потпишал со јужниот сосед.

-Ова е надпартиско прашање за кое граѓаните треба да одлучат, рече лидерот на ВМРО-ДПМНЕ додавајќи дека договорот не е дел од референдумското прашање и оти тоа е прашање со повеќе значења со цел да се направи забуна кај граѓаните.

На прашањето дали ќе прифати амнестија за поранешниот лидер Никола Груевски и поранешниот директор на ДБК Сашо Мијалков, во замена за поддршка на референудмот, рече дека ќе одбие.

-Не разбирам за каква амнестија станува збор. Ќе одбијам. Не знам кој е тој што би ми ја понудил таа амнестија и не знам на што ќе се однесува таа амнестија, колку што знам правосилна пресуда нема ниту за едниот ниту за другиот, рече лидерот на ВМРО-ДПМНЕ.

За тоа дали се плаши од раскол во партијата Мицкоски вели дека не се плаши ниту, пак, дека има индиции за такво нешто. Кажа исто така дека има голема поддршка од пратеничката група на ВМРО-ДПМНЕ.

Не одговори дали ќе си поднесе оставка од претседателската функција доколку ввласта добие поддршка за Договорот од Преспа, туку рече дека ВМРО-ДПМНЕ и тој ниту биле дел преговорите за него, ниту некој ги прашал за референдумот и референдумското прашање.

- Легитимитетот на еден политичар е под знак на прашање на парламентарни избори, рече Мицкоски.

Лидерот на ВМРО-ДПМНЕ рече дека очекува премиерот Заев да си поднесе оставка доколку референдумот не успее, онака како што претходно кажал./МИА

Регион

Маж од Подгорица исфрлил гола проститутка на улица, полицајците шокирани од полот (ФОТО)

Случајни минувачи кои пред неколку ноќи се нашле во елитната населба Мастер кварт во Подгорица биле сведоци на крајно бизарна сцена - на улица имало сосема гола проститутка.

Како што дознава Телеграф.рс., неименуван маж исфрлил целосно гола проститутка од станот на улица.

Околу 3 часот и 25 минути, случајни минувачи пријавиле во полиција дека преку Блажов мост кон Собранието на Црна Гора се движела сосема гола жена.

Се покажало дека е транс девојка.

Како што дознава Телеграф.рс, претходно дошло до расправија.

Предметната девојка била од Шпанија и работела како деловна придружба.

Била со партнерот и не сакала да соработува со полицијата. Таа била пренесена во Ургентниот центар за да се провери дали е повредена, но таа одбила помош.

Инаку, дотичната има профили на сајтови за придружба, на кои јасно се посочува дека е транс и дека сè уште не направила операција за промена на полот, објави Телеграф заедно со ВИДЕО.

Живот

Старателка призна дека убила дете и го фрлила во шахта: Имав син, му го одзедов животот (ВИДЕО)

Старателката Пами Меј (48) од Колумбус, Охајо, признала дека го убила момчето Дарнел Тејлор (5), а потоа го фрлила неговото тело во шахта.

Таа на 13 февруари годинава збеснала кога го видела како јаде грицки во креветот, а потоа решила да го казни, објави Ен-Би-Си.

Почнала да го дави со рацете, а кога сфатила дека момчето не е живо, телото го фрлила во шахта во близина на куќата во која живееле.

Телото на момчето било пронајдено неколку дена подоцна.

Пеми веднаш била уапсена и во полиција го признала убиството, а нејзиното признание е снимено на камера.

„Барем имаш деца. Имав син, но му го одзедов животот“, се слуша како Пем му кажува на еден од полицајците.

Во видеото таа открила дека решила да го убие Дарнел откако претходно во текот на денот го видела како се прикрадува со грицки во креветот.

Тоа толку ја налутило што точно планирала како да го убие момчето.

Во еден момент влегла во собата и почнала да го гуши. Таа рече дека момчето се обидело да се одбрани, но во еден момент престанало да се движи.

„Тогаш сфатив дека повеќе не е жив“, рече таа.

За време на полицискиот разговор, Пеми не покажала никакви емоции или знаци на каење.

Судењето на Пеми се очекува да започне на 25 април.

Свет

Аргентина бара партнерски статус во НАТО

Аргентина побара од НАТО да стане еден од глобалните партнери на тој безбедносен сојуз, изјави денеска министерот за одбрана Луис Петри во време кога неговата земја бара начин да ги зајакне врските со САД и Европската унија.

Аргентина во вторникот објави дека купува 24 американски борбени авиони Ф-16 од Данска, договор поддржан од Вашингтон.

Министерот Петри се сретна со заменик генералниот секретар на НАТО, Мирчеа Џоана и му врачи писмо во кое се изразува интересот на Аргентина да стане партнер на западната воена алијанса, објави министерот на X.

Според НАТО, глобалните партнери работат со членките на алијансата за споделување разузнавачки информации и учество во воени вежби.

Глобалните партнери на НАТО ги вклучуваат, меѓу другите, Австралија, Колумбија, Ирак, Јапонија, Јужна Кореја, Монголија, Нов Зеланд и Пакистан.