Мицкоски од Демир Хисар: Се обврзавме на најмалку 640 милиони евра субвенции за земјоделците

Претседателот на ВМРО-ДПМНЕ Христијан Мицкоски се обрати пред жителите на Демир Хисар на кој им порача дека власта не направи ништо за граѓаните во изминатиот мандат.

Можеа да го направат македонецот по горд, по достоинствен да го сочуваат она што ни го оставиле нашите предци, за што ги положиле нивните животи. Ама тие капитулираа не засрамија предмет за подсмев сме во Европа.

Можеа да направат пристојно и достоинствено место за живеење но не успеаа. Можеа да направат 30.000 денари просечна плата. Можеа да донесат повеќе странски инвестиции. Можеа ако сакаа и ако малку повеќе работеа и Гугл и Фејзбук и оној помалку шеретски најавувам автомобилски гигант мислејќи на Фолксваген да ги донесат но не успеаа. Можеа многу работи да направат ама ништо не направија. Само не засрамија. Се среќавам на нивната парола нема правда нема мир можеа навистина да донесат правда наместо партократија во обвинителството и во судството можеа да донесат правда наместо Луј Витон куферчиња во обвинителството и трас трас одлуки во судството, истакна Мицкоски.

Можеа а донесат мир наместо немир што го чустуваат синовите и ќерките на оние македонци што животот го загубија за нашата Македонија во Диво Насеље. Можам да го замислам немирот на родителите на дечињата што беа убиени на Смилковско езеро. Денес убијците шетаат слободни без да одговараат за тоа. Можам да го почуствувам гневот на родителите на Нешковски, на Јанушев, на Кољо, подвлече Претседателот Мицкоски.

Можеа земјоделецот вистински горд да го направат бев во Ресен и раговарав таму со луѓето велат беше тука Зоран Заев пред 4 години и ветуваше сигурен откуп за земјоделскиот производ сигурен откуп за ресенското надалеку прочуено јаболко, а што е реалноста? Реалноста е дека со пила ги сечат јаболкниците што ги ранат нивните семејства. Затоа што јаболкото наместо на пазарите и трпезите во светот завршуваат во коритата на реките. Пелагонија остана неожнеана. Наместо во Росоман праските и кајсиите да ги истураат по патиштата, наместо во Пијанец и Малешевијата сливата да се истура, можеа да направат и подостоинствени оризопроизводители во кочанско, подостоинствени лозари, производители на раноградинарски производи, но не успеаа ништо не направија. Се присетуваат на земјоделците само пред избори. Овојпат земјоделецот извлече поука, научи дека не може да биде уценуван и лажен. Можеа да ги реновираа сите болници што ги ветуваа. А не денес лекарите и медицинскиот персонал да ги полнат клиниките во западна Европа, Америка, Канада и Австралија, повика Мицкоски.

Претседателот Мицкоски порача дека ВМРО-ДПМНЕ создаде програма во која се обврза на најмалку 25 % повисока просечна плата во еден четиригодишен мандат. Се обврзавме на најмалку 20 % повисоки пензии за пензионерите во еден мандат и враќање на старото законско решение.

Мицкоски издвои неколку проекти за граѓаните: Се обврзавме на најмалку 640 милиони евра субвенции за земјоделците и загарантиран откуп во овој проект обнова се обврзавме на најмалку 1000 километри реновирани патни правци локални и регионални. Се обврзавме на најмалку еден универзитет да учат нашите млади да се образуваат кој што ќе биде меѓу првите 1000 на Шангајската ранг листа. Се обврзавме на реновирани студентски домови се обврзавме на најмалку еден студентски град почитување на колективниот договор во образованието за повисоки плати на професорите и наставниците во основните и средните училишта. Се обврзавме на нов пристап во економијата привлекување на странски и домашни директни инвестиции со висока додадена вредност наместо нивните криминални иновации..

Мицкоски вети правна држава. Се обврза заедно со професорката Силјаноска на право и правда. Се обврзувам на тоа дека нема да ми требаат четири години, туку само шест месеци да спроведам правда во државата. Без разлика дали е политичар, определен или неопределен, ВМРО или СДСМ, ДУИ, Алијанса или било кој друг. Ако некој ги погазил законите во државата, за тоа ќе одговара. Правда ќе има од Гевгелија до Тетово, од Дебар до Делчево. Правда ќе има низ целата Македонија.

Еве денеска видовме како лажат дека оние 500 евра плата, односно 30.000 денари, сега во овој мандат ќе биле 36.000 денари. На нив им требаа три и пол години за од 22.500 да ја покачат на 25.000 денари, а сега дрско лажат дека таа ќе изнесува 36.000 денари, иако народот не ги дочека ниту оние 30.000 денари. Овие луѓе не само што не веруваат во тоа што го зборуваат, туку веќе и се губат набројувајќи невистини. Зборуваат нелогични и работи кои се надвор од здравиот разум. Многу е важно на 15-ти јули да излеземе масовно, да заокружиме број 14. Да го заокружиме името на маестро Игор Дурловски. Потребна ни е голема победа, за да немаме пост изборни гимнастики и уценувања, оцени Христијан Мицкоски.

На крај сакам да кажам неколку реченици за маестро Дурловски. Тоа е човекот кој е сакан дома, а почитуван надвор, насекаде низ светот. Човекот пред кој се поклонуваат луѓето и уметниците во светските театри. Луѓето со големо воодушевување му ракоплескаат и му се восхитуваат на неговите настапи. Игор Дурловски е човек кој е чесен, честит, патриот. Човек кој ја сака Република Македонија. Затоа на 14-ти јули излезете масовно на гласање. Заокружете го бројот 14 и гласајте за маестро Дурловски. Гласајте за човекот во кој лежат промените, повика Претседателот на ВМРО-ДПМНЕ Христијан Мицкоски.

Центар за комуникации на ВМРО-ДПМНЕ

Убила 19-годишна трудница и ѝ го украла бебето од матката-осудена е на 50 години затвор (ВИДЕО)

Клариса Фигуероа (51) е осудена на половина век затвор откако убила бремена тинејџерка во Чикаго намамувајќи ја во нејзината куќа за да ѝ го украде бебето од утробата, кое потоа го претставила како свое.

Тоа е, накратко, епилогот од страшното злосторство што го потресе овој дел на САД, а се случи во 2019 година, објави Еј-Би-Си Њуз.

Марлин Очоа-Лопез (19), мајка на двегодишно момче, која била во поодмината бременост, била намамена од Клариса во нејзиниот дом со ветување дека ќе ѝ даде бесплатна облека за бебето. Страшното злосторство го извршила со помош на нејзината ќерка Дезире, која во јануари ја признала вмешаноста во убиството кога била осудена на 30 години затвор. Мајката и ќерката ја задавиле трудница со електричен кабел. Клариса, која е медицински работник, сакала да го претстави бебето како свое, а откако го извлекла од стомакот на мајката повикала брза помош. Поради повредите, бебето два месеци било на интензивна нега во болница, но и покрај сите напори на лекарите, починало.

За време на судењето, се тврдело дека Клариса Фигуероа го изгубила своето бебе пред злосторството, а потоа им кажала на членовите на семејството дека повторно е бремена. Во октомври 2018 година, таа ѝ кажала на својата ќерка дека ѝ треба помош да убие трудница и да го украде бебето од нејзината утроба.

Ракел Уриостеки, мајката на убиената трудница, по изрекувањето на пресудата видно се потресе:

- Губењето на ќерка ми е нешто што никогаш нема да го прежалам.

Откако украденото бебе било сместено во болница, Клариса Фигуероа и нејзиниот партнер Пјотр Бобак тврделе дека бебето е нивно, па дури започнале и хуманитарна кампања за собирање помош за негово лекување. Пјотр подоцна на судењето признал дека помогнал да се отстранат трагите по убиството на бремената тинејџерка.

Страшното злосторство било неоткриено неколку недели, иако Џовани Лопез, сопругот на убиената, уредно ја пријавил за исчезната, но немал помош од надлежните да ја пронајдат. Полицијата реагирала дури по анонимна пријава во која било наведено дека е видена како исчезнатата влегува во куќата на Клариса Фигуероа. На 07.05.2019 година полицијата извршила претрес. Автомобилот на жртвата бил пронајден во близина на куќата на убиецот, а набрзо била наредена и ДНК анализа на бебето. Откако дошле резултатите од ДНК, полицијата ги уапсила мајката убиец, нејзината ќерка и нејзиното момче. Телото на жртвата било пронајдено закопано во дворот.

- Казната што ја доби никогаш нема да биде доволна и мојот син никогаш повеќе нема да ја прегрне мајка си. Изгубив дел од семејството и тоа секогаш ќе ме следи – низ солзи изјавил сопругот Џовани Лопез.


Нуркачи снимија како изгледа силен земјотрес под вода: Сега имам уште еден страв (ВИДЕО)

Страшно искуство е да се почувствува силен земјотрес, а група нуркачи го доживеале под вода додека јачината била 7,2 степени според Рихтеровата скала.

Видеото се рашири на социјалните мрежи, а корисниците пишуваат дека откако го погледнале, се наежиле и откриле нов страв.

На видеото се гледаат неколку нуркачи како пливаат меѓу коралниот гребен и уживаат во живописната глетка. Но, сè се менува кога ќе започне земјотресот. Прашина и нечистотија од морското дно се креваат и изгледаат како морничава магла.

So this is what an earthquake looks like underwater
byu/Literally_black1984 ininterestingasfuck

Се гледаат и нуркачи како се држат до коралите додека водата се движи побрзо и побрзо. „Да, мора да е кошмар“, „Изгледа страшно“, „Морничаво“, се само дел од коментарите.

Ужас во Англија: 80- годишен човек е запален во двор, соседите слушнале крици (ВИДЕО)

Две лица се уапсени откако полицијата пронашла изгорено тело на маж во задната градина на домот на едно „многу повлечено“ семејство, како што ги опишале соседите во Бредфорд.

Соседите во тивка уличка во Бредфорд пријавиле дека слушнале врисоци пред да видат како чад се издига зад куќата. Според извештаите, жртвата била 80-годишен маж кој живеел во куќата со помлада жена и нејзиниот син, објави Сан.

Многумина во соседството биле убедени дека човекот починал, затоа што не го виделе од пандемијата на коронавирус.

„Од градината доаѓаше чад, но не можевме да влеземе бидејќи портата беше затворена. Се обидовме насилно да ја отвориме портата и можевме да видиме крв и осакатено тело. Не можев да верувам, беше како нешто од хорор филм“, рекол соседот Мухамед.

„Семејството буквално никогаш не излегуваше надвор, тие се многу повлечени. Ова се случи целосно од ведро небо и сите се многу шокирани од тоа“, рече друг сосед кој сакал да остане анонимен.

Полицијата денеска соопшти дека го идентификувала телото на возрасен маж, но дека се уште се обидуваат официјално да го идентификуваат мажот и да им влезат во трага на неговите најблиски.

„Според информациите достапни во овој момент, ова го третираме како истрага за убиство. Мојот тим работи на утврдување на околностите кои довеле до смртта на човекот. Имаме две лица во притвор и не бараме никој друг во врска со овој инцидент, што се случи во тивка станбена улица, разбирам дека овој инцидент предизвика загриженост во пошироката заедница и има многу шпекулации за тоа што се случило и кој бил инволвиран.“

На местото на настанот се испратени пожарникарски екипи, полиција и брза помош, а соседите велат дека досега не виделе толку големо присуство на итните служби.

Противпожарната и спасувачка служба во Западен Јоркшир соопштија дека екипите го изгаснале пожарот на имотот.

„Ова беше многу шокантен инцидент за многу тивка и мирна заедница“, рече локалниот лабуристички советник Сајмон Канингам.

притисни ентер