Тврди дека над 50 отсто од граѓаните се за укинување на договорот од 2017та, а за со оглед на ставот на власта и претседателот Пендаровски, тројни избори според него се најдоброто решение граѓаните да го дадат последниот збор. Каков и да е исходот, ние ќе го почитуваме, вели Мицкоски.

-Немам ништо против тоа што доаѓа како официјална позиција на Берлин, Вашингтон, Париз, Лондон, Брисел итн. Но, имам против тоа што доаѓа како официјална позиција на Софија затоа што таа позиција не е нити добрососедска, нити пријателска. И затоа да бидеме на сигурната страна, да бидеме овој пат самите тие кои што ќе одлучуваме. – Христијан Мицкоски – претседател на ВМРО-ДПМНЕ.

Пратеничката група на ВМРО-ДПМНЕ веќе ја поднесе во Собранието иницијативата за референдум. Најпрво треба да го помине филтерот на две комисии каде што се утврдува само дали е уредна или не, а потоа пленумот треба да ја потврди на седница по што се отвора патот за собирање на 150 илјади граѓански потписи. Координаторот Мицевски рече дека формалните и техничките детали за доставување се испочитувани, а следно е Собранието кое мора да постапи.

-Се надевам дека претседателот на Собранието нема да користи некои негови познати методи и дека уредноста на Иницијативата ќе биде утврдена и истата ќе почне со процедура во Собрание онака како што налага и Деловникот за работа и како што налага и законот за Референдум и други видови на граѓанско изјаснување, – Никола Мицевски – координатор на ПГ на ВМРО-ДПМНЕ.

Власта има сосема спротивни очекувања за успешноста на референдумот и волјата на граѓаните. Обвинуваат дека ВМРО-ДПМНЕ има намера да ја уназади државата на евроинтеграцискиот пат, а референдумот е процес за партиски цели на ВМРО-ДПМНЕ.

-Оваа иницијатива е едно ретерирање, еден ретрограден процес, којшто има за цел да ја одведе Македонија во едни изолации, во едни минати времиња. Како парламентрано мнозинство ние сме на иста линија во намерата и целта да се изоди европскиот пат на државата. Процеси против ЕУ се осудени на неуспех.– Мартин Костовски – пратеник од СДСМ.

Од Собранието велат дека Џафери се уште ја нема примено иницијативата. Неодамна собранискиот спикер изјави дека кога ќе дојде ред, тој ќе ја стави иницијативата пред пратениците и ќе ги почитува деловничките обврски. ВМРО-ДПМНЕ предлага задолжителен референдум, а за да биде успешен треба да излезат над 900 илјади гласачи, од кои повеќе од половина ќе гласаат ЗА поништување на договорот.