Христијан Мицкоски, претседател на ВМРО-ДПМНЕ во своето гостување во емисијата „Студио 10“ зборуваше за актуелните состојби во државата и посочи дека не гледа потреба да се состане со економскиот совет во владата затоа што тој совет е составен од истите луѓе кои ги решаваше проблемите со ковидот и ништо не решија. Во врска со справување со кризата посочи дека тој е подготвен да и помогне на граѓаните и на државата.

-Не гледам причина зошто би влегол јас во ова сценарио на претварање на целата оваа работа на пазар која што е многу сериозна, бидејќи се работи за иднината на државата и за иднината на граѓаните, тогаш подобро и ќе беше да излеземе на тв дебата, зошто таму ние да седиме педесетина луѓе или триесетина кој што и до сега и онака ништо не решиле, тие луѓе кој што беа за ковидот, се дел од тој економски совет и ако така ги решаваше работите како што ги решававме за ковидот , јас навистина не сакам ниту нивното, ниту своето време да го губам и затоа им реков одберете тим, подготвен сум да ви помогнам. Јас не сакам ова да се претвори во политиканство и во пазар, затоа и реков оваа работа треба да се реши, ова не е натпревар на пи-ар стратегија, ова не е натпревар чива суета е поголема. Јас уште на 29 септември побарав прием кај премиерот Димитар Ковачевски, денеска сме 3 октомври, 5 дена потоа, од Димитар Ковачевски сеуште не добив одговор, ме кани Битиќи на тело коешто досега ништо успешно не решило, зошто ова би го решило тоа успешно?, рече Мицкоски.

Претседателот Мицкоски укажа дека подготвен е да го презентира концептот кој што нуди помош за излез од оваа кризна ситуација со која се соочува државата.

-Јас сум подготвен да им го презентирам концептот кој што ќе значи сето она кое што го зборувам изминатиов период. Ако се спореди со цените на берзата тоа што го нудам е под 200 евра за мегавет саат концептот за компаниите, да нема зголемување на цената за затоплување на граѓаните кој што го користат и институциите централното затоплување, истовремено да има 100 милиони заштита споредбено со тоа што тие се подготвени да го потрошат за да обезбедат електирична енергија и затоплување, исто така нудам измени во законот за енергетика, додаде Мицкоски.

Понудата која ја давам е двојно поевтина струја за фирмите и зачувување на илјадници работни места, тоа што владата ја одбива покажува дека и е интерес да плаќа двојно

Лидерот на ВМРО-ДПМНЕ Христијан Мицкоски во денешното гостување во емисијата 10 Студио на телевизија 24, вели дека понудата која што ја предложил до владата значи поевтина струја за фирмата и зачувување на илјадници работни места, укажувајќи не прифаќањето од страна на власта всушност покажува дека и одговора стопанството да плаќа двојно поскапа електрична енергија.

Владата вели вака, за да го задоволиме конзумот кој што ЕВН Хоме го снабдува а тоа се граѓаните и индустријата што е на регулиран пазар, ние гарантираме дека ќе работат три блока во РЕК Битола, ќе работи Осломеј, ќе работат двете турбини ТЕЦ Неготино и ќе работи хидропотенцијалот и ќе остануваат 40 мегават вишок. Ова го вели владата. а јас им велам, ако е тоа така а јас тука бизнисот не го гледам, затоа што бизнисот и стопанството е многу важно затоа што 670 илјади наши сограѓани ги хранат семејствата работејќи за тие компании, а веќе Фени ги исклучи печките, не произведува од 1 јули, Бучим Боров Дол од 1ви септември не работи, луѓето се на 70 проценти, а дел од нив ќе бидат отпуштени, прекинати им се договорите. Во најава се и други сериозни компании да го затворат своето производство и тоа директно ќе удри на БДП, односно на македонската економија и голем број десетици илјади наши сограѓани ќе останат без работа, изјави тој.

Мицкоски нагласи дека власта не се грижи за бизнис, а тоа го потврдиле и претставниците од стопанските комори во државата, посочувајќи му дека се оставени без било каква помош од страна на власта.

Бидејќи владата не се грижи за бизнисот, јас имав изминатите две недели состаноци со претседателот на Стопанската комора Азески, со Трајан Ангелески од Управниот одбор на Сојузот на стопански комори, претходно беа претставници од комората на Северозападна Македонија и констатиравме дека сите тие се оставени без било каква помош од страна на владата.

И јас велам ајде ТЕЦ Неготино тоа што го произведува да им го дадеме на бизнисот, ако работат двете турбини тоа се од прилика 160 до 180 мегавати. Да обезбедиме ресурси, бидејќи ТЕЦ Неготино работи на мазут, а државата купува скап мазут односно по регулирана цена, ајде да се обидеме да најдеме евтин ресурс за да работи ТЕЦ Неготино кој што ќе произведува поевтина струја која што ќе му ја дадеме на бизнисот, за бизнисот да ги задржи работници за да не се губат работни места, затоа што ако затвори бизнисот тогаш не може да отвори, тие работници кои што се квалификувани ќе заминат надвор од Македонија или пак ќе ги преземе некој друг и тие компании тешко потоа ќе се рестартираат. И затоа велиме ајде да му помогнеме на бизнисот, рече Мицкоски.

Моите контакти дадоа индикативна цена која што е многу поевтина од таа која што во моментот ја набавува државата, објасни претседателот Мицкоски и додаде:

Тој ресурс енергетски кој што ќе го користи ТЕЦ Неготино плус тулингот или факторингот, преработката на мазут за да произведе електрична енергија според нашите пресметки ќе резултира со цена на електричната енергија на струјата, ако работи со две турбини не повеќе со 150 евра за мегават час, ако работи со една турбина не повеќе од 195 мегават час.

Мицкоски е дециден дека планот кој што го нуди до владата е концепт кој што ќе произведе струја, а не концепт за купување на струја.

Мојот концепт не се темели да донесеме струја, мојот концепт се темели да произведеме струја, потенцираше претседателот Мицкоски.

Вистината е во аферата броило која покажува сериозна трговија на влијание на Ковачевски и кумот, СДС се брани со лаги кон мене, затоа ќе следи тужба за клевета

- Ние докажуваме, ние велиме оваа компанија ја формирал тој и тој, оваа компанија склучила договор со таа компанија, тој кој ја формирал сега е на висока државна позиција, на првата позиција. Ете тој и да нема ништо во моментот, има кумот, дали не е тоа трговија со влијание? запраша Мицкоски.

Мицкоски истакна дека деновиве ќе поднесе тужба за клевета затоа што СДС го нарекува „докажан криминалец“, а немаат докази за тоа.

-Сега ќе треба тоа што го тврдат да го докажат на суд, денеска или најдоцна утре ќе поднесам пријава за клевета бидејќи вчера ме нарекоа, така како што ме нарекоа „докажан криминалец“, сакам да ги видам тие докази каде јас сум осуден правосилно за сторен криминал, морам да го тужам СДС за клевета да се извини или неколку дена да им оставам простор да се извинат бидејќи навистина ја поминуваат секоја пристојна граница. Ги поминавме билбордите, флаерите ги поминавме, ја поминавме кампањата, сепак на крајот од денот јас сум универзитетски професор, еве денеска почна семестарот пред мене имаше 90 студенти во втора година факултетот и сега јас сум бил „докажан криминалец“, треба да го докажат тоа, да ја покажат пресудата каде докажале дека сум криминалец, додаде Мицкоски.

Центар за комуникации на ВМРО-ДПМНЕ