Мешовита комисија: Македонската страна со предлози поддржани од СЕ и УНЕСКО,Бугарите ги одбиле

Од македонска страна на денешната средба на мешовитата македонско-бугарска комисија за историски и образовни прашања, беа дадени предлози засновани на современите разбирања за историското образование поддржани од Советот на Европа и УНЕСКО.

Од македонска страна на денешната средба на мешовитата македонско-бугарска комисија за историски и образовни прашања, беа дадени предлози засновани на современите разбирања за историското образование поддржани од Советот на Европа и УНЕСКО, во кои се уважуваат различните погледи и толкувања за минатото и кои се покажале како применливи во надминување на спорови што произлегуваат од различното толкување на минатото. Од бугарска страна тие предлози беа одбиени како неприфатливи и неприменливи, брифираат за МИА од македонскиот тим на Комисијата.

–На првиот ден тема на дискусија беа учебниците по историја и усогласување на препораки за нивно подобрување. Двете страни разменија предлог идеи како да се дојде до решение кое би помогнало во носење на препораки како да се подобри историското образование. Од македонска страна беа дадени предлози засновани на современите разбирања за историското образование подржани од Советот на Европа и УНЕСКО во кој се уважуваат различните погледи и толкувања за минатото и кој се покажале како применливи во надминување на спорови кои произлегуваат од различното толкување на минатото. Од бугарска страна тие предлози беа одбиени како неприфатливи и неприменливи. За жал, очигледно е отсуството на воља кај членовите на Комисијата од Република Бугарија да се дојде до решение преку кое историското образование не би било основа за политичка инструментализација често затскривана позади фразата „историска вистина". Исто така, очигледно е дека бугарската страна го гледа овој процес како можност да го наметнат својот поглед за минатото во друга држава и образовен систем, брифираат оттаму за МИА.

Од македонскиот тим Комисија, која вчера и денеска го одржа 14. состанок, велат дека овие два дена ги имале најтешките разговори досега, а во однос на дискусијата за заедничките чествувања, Комисијата отвори дискусија за Григор Прличев, откако претходно бугарската страна не прифати оваа личност да биде чествувана од страна на Македонија, Бугарија и Грција.

-На предлогот на македонскиот тим, дискусијата да продолжи врз основа на првично усогласениот текст за трипартитно чествување кое се наоѓа во заклучоците на записникот од третата средба и Првиот годишен извештај и прифатено од бугарската страна, бугарските колеги спротивно на заедничките заклучоци предложија нов текст кој македонските членови на Комисијата го оценија како навредлив за чувствата на етничките Македонци и сите граѓани на С Македонија. Членовите на Комисијата имаа можност да дискутираат и за Гоце Делчев, велат оттаму.

Од Комисијата брифираат и дека во текот на двата дена членовите на Комисијата дискутирале и за содржината на Вториот годишен извештај, при што откако на претходни технички средби беше усогласен Извештајот на Комисијата, бугарската страна изрази резерва во однос на некои решенија со што го доведоа во прашање самиот Извештај.

-И покрај овие сериозни пречки во работата на Комисијата, македонскиот тим останува посветен на решавање на историографските прашања, брифираат за МИА од македонскиот тим на Комисијата.

Заедничката македонско-бугарска комисија за историски и образовни прашања вчера и денеска го одржа 14. состанок, којшто е трет од предвидените пет за оваа година. На последниот, 13. состанок на Мешовитата комисија, одржан на 23 и 24 април во он-лајн формат, не беше постигнат никаков резултат, а се разговарало за македонските учебници за седмо одделение, додека темата Гоце Делчев воопшто не била отворена на барање на бугарската страна.

Владата утре со одлука за воведување еколошка такса и помало ДДВ за струјата

Владата утре на седница ќе носи одлука за еколошката такса, но и намалувањето на ДДВ-то на струјата од 18 на 5%. 

Новините предвидено е да стартуваат од 1 јули, но претходно ќе треба да го поминат и собранискиот филтер. Министерот за финансии Фатмир Бесими очекува се да оди според планот..

Во ниеден момент не реков дека се откажува, туку носи одлука утре. Не можам да зборувам во име на цела Влада,истакна Фатмир Бесими, министер за финансии

Иако стопанството и транспортерите бурно реагираа дека на овој начин ќе следат бран поскапувања и дополнително се оптоварува бизнисот во услови на тешка економска криза, тоа не да ја премисли Владата. Бесими уверува дека новата давачка нема да предизвика инфлација и ценовни шокови, а се надева деказа тоа ќе помогне и намалувањето на ДДВ то за струјата

-Ова е со цел да се помогне транзицијата, односно да се помогне на домаќинствата кога се прави либерализација на пазарот на електрична енергија. Домаќинствата ќе добијат олеснување во однос на цената на електричаната енергија преку намалување на делот на ДДВ, која е конректна мерка која директно влијае врз буџетот на домаќинствата.изјави Фатмир Бесими, министер за финансии.

Новата цена на струјата се очекува да се знае во наредните неколку дена, ДДВ-то на струјата предвидено е од 1 јули да се намали на 5%, но наредната година да се зголеми на 10, за од средината на 2023та да се врати на 18%. Со еколошката такса пак, која за 3,5 денари ќе ги поскапи сите горива веќе од јули, Владата планира да собера по околу 54 милиони евра годишно, пари кои, како што објаснуваат, ќе се користат за инвестиции во обвновливи извори на енергија.

Притвор од 30 дена за битолчанец за поседување кокаин и марихуана

Основното јавно обвинителство Битола, постапувајќи по поднесена кривична пријава, донесе Наредба за спроведување истражна постапка против лице на возраст од 26 години.

Лицето е осомничено за кривичо дело „неовластено производство и пуштање во промет на наркотични дроги, психотропни супстанции и прекурсори" од член 215 став 1 од Кривичниот законик, соопштија од ОЈО Битола.

– Осомничениот, на 18 јуни, во автомобил марка Ауди А6, неовластено за продажба држел наркотична дрога – 11,02 грама кокаин во повеќе полиетиленски пакувања. При претрес на неговиот дом, пак, полицијата пронашла и 2,59 грама марихуана, информираат од битолското Обвинителство.

Јавниот обвинител до судијата на претходна постапка достави предлог за определување мерка притвор за осомниченото лице, поради проценката дека постои опасност да се даде во бегство или да го повтори делото. Судијата го прифати предлогот на Обвинителството и на осомничениот му определи притвор во траење од 30 дена.

Довербата во судството и обвинителството и понатаму најниска, во банките најголема

Само 3 % од граѓаните целосно веруваат во ефикасноста на правосудните органи, покажува најновото истражување на Меѓународниот републикански институт (ИРИ).

Според анкетата, довербата е ниска во речиси сите институции, а судовите и јавното обвинителство се речиси на дното.. Целосна или делумна доверба имаат едвај четвртина од луѓето.. На слично ниво се и партиите и Парламентот..

Во истражувањето на ИРИ, дури 29 отсто од испитаниците одговориле дека силно не се согласуваат дека има владеење на правото, исто како на нивото во 2016 година. Тогаш имало и еден процент помалку недоверба. Дека има владеење на правото во Македонија се убедени едвај 12 % од испитаниците..

Освен во судството и обвинителството, граѓаните не веруваат ниту дека антикорупциската комисија си ја врши работата.. Силна доверба во инситуцијата имаат само 4 % од граѓаните...

Нешто подобро котира владата, во која некаква доверба имаат 35% од испитаниците, а на слично ниво, со 34% доверба е и опозицијата...

Од институциите, на листата најдобро стојат полицијата и здравството со околу 50% доверба.. Изненадувачки, први на листата со најголема доверба се банките.. Во нив цврсто веруваат 13 % од граѓаните, а делумно 44%..

притисни ентер