Меркел за коронавирусот:Вака веќе не може,немам добро претчувство

Во вториот бран на пандемијата во голем број земји, бројот на новоинфицирани е толку голем што сè уште е тешко да се утврди индивидуалниот извор на инфекција. Во Германија има 8.658 нови случаи, во Франција над 50.000.

На врвот на листата сè уште се САД со скоро 60.000 нови инфекции во последните 24 часа. Но, со оглед на големината и популацијата, многу полошо е во Франција, каде што бројот за прв пат надмина 50.000 нови случаи - и убедливо: здравствените служби сметаат на најмалку 52.010 случаи (26 октомври во 18 часот). Сè уште е многу тешко во Италија, Шпанија, Белгија ..., пишува Дојче веле.

Голем број земји вовеле нови, уште построги регулативи: во Словенија, од денес, на граѓаните не им е дозволено да ја напуштаат својата област без валидна причина, во Италија, угостителите мора да ги затворат вратите уште во 18 часот. Повеќето средношколци сè уште имаат само виртуелна настава, а во Словачка ова важи за сите ученици над 5 одделение. Во Данска не смее да се собираат повеќе од 10 лица на исто место, во Брисел е задолжително да се носи маска и полицискиот час се воведува по 22 часот. Шпанија вчера прогласи вонредна состојба за да дозволи ноќна забрана, а владата најавува дека вонредната состојба може да трае до мај. Забрането е и ноќното движење во 54 оддели на Франција, што опфаќа околу две третини од населението - околу 46 милиони луѓе.

Во Германија, оваа сабота е постигнат рекорд со 14.714 новозаболени, а денешните 8.658 случаи се типични бидејќи во понеделниците секогаш има помалку новорегистрирани заразени.

Вчера германската канцеларка Ангела Меркел одржа состанок со нејзините партиски лидери од сите провинции и ги предупреди дека „нè очекуваат многу многу тешки месеци“. Појдовна точка е дека бројот на новоинфицирани ќе продолжи да расте и дека нема да има поголеми настани барем до февруари. Оваа недела се одржува конференција на владите на сите германски покраини, на која ќе се дискутира за моменталната состојба, а Меркел за Билд изјави дека „нема добро претчувство“ за тоа што сè уште не чека. „Не може повеќе на тој начин“, рече канцеларката.

Како прво, на состанокот на покраинските лидери се очекува договор за мерките за борба против пандемијата. Со оглед на тоа што за мерките се одговорни покраините, ова неизбежно води кон огромен број регулативи и правила. "Потребен ни е единствен список на мерки. Граѓаните сакаат транспарентност, тие сакаат да знаат што значи кога нивната област е прогласена за црвена, жолта или зелена", рече Тобијас Ханс, премиер на сојузната држава Зарланд.

Се поставува и прашањето за наставата во училиштата: и покрај заедничката идеја дека децата не ја шират инфекцијата, претседателот на Германското здружение на наставници Ханс-Петер Мејдингер предупредува дека училиштата можат да имаат многу поголемо влијание врз ширењето на вирусот отколку што се сметало порано. „Образованието во Германија е најголемиот дневен масовен настан со над 10 милиони учесници. Овде советувам огромна претпазливост“.

Викендов Ангела Меркел уште еднаш предупреди дека сегашните околности бараат ограничување на социјалните контакти и усогласеност со прописите. Дали ова ќе значи и карантин во Германија? Некои политичари, како што е Карл Лаутербах (СПД), се залагаат за „многу кратко, временски ограничено делумно блокирање“ затоа што сега е последниот момент да се направи нешто за да се задржи бројот на новоинфицирани.

Васев: ВМРО-ДПМНЕ е изолирана партија во стечај

Недомаќинското и расипничко работење на оваа партија доведе до блокирани сметки и замрзнат имот.

Белата палата зад мене е седиште на партија во стечај која тоне во долгови.

Недомаќинското и расипничко работење на оваа партија доведе до блокирани сметки и замрзнат имот.

Извршителите тропнаа на вратата на ВМРО-ДПМНЕ поради неплатени долгови направени за околу 270 уметнички слики во позлатени рамки со мотивите на поранешното криминално раководство на оваа партија.

Луксузот во овој бел дворец завршува како и секое криминално луксузирање.

Почитувани граѓани,

Во времето кога оваа партија 11 години се богатеше и се расфрлаше со државните пари, граѓаните беа соочени со сиромаштија и борба за опстанок.

Раководство на ВМРО-ДПМНЕ предводено од губитникот Мицкоски покажува неспособност за менаџирање на сопствените средства.

И денес, без срам и перде овие расипници и недомаќини се уште имаат амбиции да ја водат државата и да располагаат со државниот буџет.

Но покрај таквите амбиции, ВМРО-ДПМНЕ треба да даде одговор и на прашањето каде се парите? Дали и во чии џебови завршиле? Особено што политичките партии добиваат и буџетски средства, пари од државата како помош во работата.

Оваа партија која важеше за најбогата партија во Европа, денес тоне во долгови, затоа што Мицкоски е неспособен.

Граѓаните веќе го препознаваат расипничкиот однос на Мицкоски и ВМРО-ДПМНЕ, и затоа губат на избори и ќе останат длабоко во опозиција.

Стефан Васев од СДСМ

Иванка Трамп сослушана поради злоупотреба на средства

Иванка Трамп, ќерка и советник на американскиот претседател Доналд Трамп, беше испрашувана под заклетва во граѓанска постапка поврзана со злоупотреба на непрофитни средства за инаугурацијата на нејзиниот татко пред четири години.

Обвинителството на округот Колумбија, Карл Расин, вчера во судски допис откри дека се опдржало сослушување.

Во судска постапка од јануари 2020 година, Расин тврди дека компаниите за недвижнини и други субјекти на доналд трамп злоупотребиле непрофитни фондови за да го збогатат семејството Трамп.

Според тужбата, непрофитна корпорација ослободена од даноци, наречена „58. Претседателски основачки комитет“, координирала со семејството Трамп значително да преплати за простор за настани во хотелот „Трамп Интернешнл“ во Вашингтон.

Енергетската иднина е во добивање енергија од вода

Енергетската иднина е во добивање енергија од вода. Златен фонд за обновлива енергија на планетата е водородот!

Македонската компанија Металотехника Прилеп разви специјална технологија за добивање енергија од вода!

Енергијата добиена од вода, со раздвојување на водород и кислород по посебна технологија може да се искористи во секојдневието и индустријата од мали, до средни и големи проекти, тоа да биде ефтин и неисцрпен ресурс и притоа да не се загадува животната средина, сметаат од Металотехника Прилеп.

Енерегетската иднина на Македонија е во искористувањето на обновливите извори на енергија добиени од ветар, сонце, биомаси и вода. Потреба што особено се наметнува во услови на зголемена потрошувачка на енергија, на константно зголемување на цената на енергетските ресурси, посебно на цената на суровата нафта, и особено важно поради константното загадување на животната средина која е неповратен ресурс.

Станува збор за извори на т.н зелена енергија кои се добиваат со релативно ниска цена, не ја загадуваат околината, нема потреба од увоз и се високо ефективен извор. Ветерниците, хидро централите, како и енергија од биомаси се познати на македонската јавноста, но она што е новитет во светот, што во некои високо развиени земји е хит, е добивање на енергија од вода, односно со нејзиното раздвојување на водород и кислород. А токму македонската компанија Металотехника Прилеп која оваа година слави 34 години од своето постоење, има создадено специјална технологија за раздвојување на водород и кислород, која може да се искористи на различни нивоа во секојдневието како и во индустријата од мали, до средни и големи проекти.

“Водата е материја во која најмногу се крие топлина, само е прашање на начинот и цената за одвојување на таа топлина. Водата гори, но за да даде топлина претходно треба да ги одвоиме водородот од кислородот. Благодарение на нашите повеќегодишни истражувања, како и анализа светските трендови за добивање енергија од обновливи извори, создадовме специјална технологија со која може да произведуваме ефтина, сигурна а еколошка енергија, која при нејзино добивање ќе емитува 40 пати помалку штетни гасови од дозволените. А резервите и ресурсите на вода во Македонија се огромни, и не треба да стравуваме дека овој ресурс ќе биде во недостиг во иднина”, смета Јандре Здравески Директор и еден од сопствениците на Металотехника Прилеп.

Со овој проект ние сакаме да изградиме мини термоцентрала до 1 Мегават јачина, а со тоа би добиле ефтина и чиста обновлива енергија, а би користеле водород кој нема потреба од складирање или дистрибуција на истиот, бидејќи се произведува на лице место според потребите на капацитетот на мини термоцентралата, односно обезбедува 100% автономност. Прашање е дали Државата е спремна, овој вид на енергија кој во светот е на далеку познат да го уврсти во обновливи видови на енергија и во нашата земја, додава Здравески.

Македонија има обврска, 20% од вкупното производсто на електрична енергија да ја добива од обновливи извори на енергија, што е просек и на дел од земјите членки на ЕУ, како Бугарија и Естонија, а што е предвидено и според ЕУ регулативите. Исто така и генералната светска политика ја задолжува секоја држава во наредните години до 2025 година да обезбеди од сопствени извори чиста енергија, односно енергија од обновливи извори, и да има своја енергетска стратегија. Македонија е планинска земја богата со вода, со предуслови за енергија која ќе се добива од вода. Во земјава најзастапени се хидропотенцијалот, ветерната енергија, сончевата енергија, и во сосем мали количини енергија добиена од био маса и био гас. Додека енергијата добиена од геотермални води, како и производство на енергија од водород е нешто што постои само во теоријата. А токму енергијата добиена од вода може да биде најефтината

Што би добиле: подобрување на енергетскиот баланс, помала увозна зависност на земјава, помал буџетски и трговски дефицит, на долг рок постабилни извори на енергија и секако намалена цена на електричната енергија, што ќе влијае позитивно на конкурентноста на домашните индустриски капацитети, кои и се најголеми потрошувачи на електрична енергија, и кои поголемиот дел од нив ја добиваат по субвенционирана цена, смета Здравески.

притисни ентер