Македонија

Матурантите се натпреваруваа во примена на микропроцесорски системи на ФЕИТ

Матурантите се натпреваруваа во примена на микропроцесорски системи на Факултетот за електроника и информациски технологии.

Средношколци од десет средни училишта за техничко образование од земјава, на Факултетот за електротехника и информациски технологии (ФЕИТ) во Скопје се натпреваруваа во практична примена на знаењата преку употреба на развојни микропроцесорски системи.

Натпреварот беше во рамките на проектот „Технологија за тебе“ организиран од ФЕИТ-ФАБЛАБ и Логинг Електроникс, кој вклучи и работилници, каде средношколците претставуваа проекти на кои работеле во текот на училишна година, додека нивните професорите следеа обуки и предавања организирани од ФЕИТ. Целта е промоција на електротехниката преку обезбедувањетехничка и професионална поддршка на учениците и професорите, информираат од ФЕИТ.

„Технологија за тебе“ годинава се одржа по петти пат. Оваа традицијата ги спојува потенцијалните студенти со Факултетот и со бизнис заедницата и успешно ги промовира условите за студирање на ФЕИТ.

Деканот на ФЕИТ проф. д-р Владимир Атанасовски на настанот гледа како можност да ги мотивираат матурантите да одберат студии на ФЕИТ. Атанасовски информира дека преку промоција на овие активности Факултетот ги презентира лабораториските капацитети и можностите за практична работа пред заинтересираните матуранти.

-Со учество на „Технологијата за тебе“ младите се запознаваат со современата опрема во ФЕИТ-ФАБЛАБ и практично преку интердисциплинарен пристап нивната идеја да ја развиваат во прототип.Имаме одлична соработка со стопанството, а со настанот и практично ги спојуваме наставата, науката и нејзината апликација во развојот на прототипови, појаснува Атанасовски.

Директорот на Логинг електроникс Златко Крстевски, кој е партнер на проектот од неговото основање пред 7 години потенцираше дека проектот е отворен за нови партнери кои ќе сакаат да вложат во знаењето на средношколците кои покажуваат големи знаења и разбирање за технологијата.

-Верував во знаењето што го имаат учениците и знаев дека нема да биде проблем да ја совладаат технологијата, која последните години стана лесно достапна. Ако претходно ја имаа само на факултетот, сега оваа технологија овозможивме да е достапна и во средните училишта. Во соработка со ФЕИТ обезбедивме и поддршка за наставниците, и еве седум години подоцна, денес имавме презентација на ученици кои развиле проекти од паметен град,паметен автомобил, паметна градина. Целта ни е да ги задржиме овие деца тука, да дознаат дека тука има услови да ги творат идеите и да ги реализираат во корист на сите. На нас е да им обезбедиме достапност на опрема, а на професорите да ги заинтересираат да одат на вежбите, и гледаме дека тоа дава резултати, вели Крстевски.

За натпреварувачкиот тим Андреј Даневски и Матеј Стојчески од СЕТУ на ГС „Михаило Пупин“ натпреварот отвора нови видици за нивните идни можности.

-Натпреварот ми овозможува да ги употребам моите вештини и знаења за забава и натпревар во категории за кои немаме многу можности во нашата држава. Ми овозможи и предвреме да го искусам студентскиот живот на овој кампус и ме убедува сериозно да ја размислам шансата за продолжување на моето образование на овој факултет,потенцира Матеј Стојчески.

Тимовите работеа на развој на протипови на автономни возила кои сами се движат и распознаваат бои.

-Работите кои ни се дел од натпреварот веќе ги имаме совладано во нашето училиште и од тој аспект ние сме подготвени за ФЕИТ или друг сличен факултет, додава Андреј Даневски.

ФЕИТ е единствен факултет во земјава со германска акредитација на додипломските студии и најголем број на научно истражувачки проекти во државата.а

Живот

Американка има хоби: 90% од телото ми е прекриено со тетоважи, но не сум лоша мајка (ФОТО)

Кајла е жена која, како и сите други, има хоби и нешто што ја интересира, меѓутоа, нејзиното хоби е невообичаено на многу начини, бидејќи е опседната со тетоважи.

Иако има околу педесет години, Кајла, која живее во Илиноис, признава дека понекогаш се тетовира двапати неделно, пренесува Мирор.

-Никогаш во животот не замислував дека ќе бидам вака истетовирана - вели Кајла, која признала дека заедно со партнерот Вампиро биле исфрлени од ресторан бидејќи имале премногу тетоважи на телата.

Имено, тие седнале во ресторанот, нарачале оброк, а потоа пристигнал келнерот, кој им рекол дека не се добредојдени на тоа место и дека мора да си заминат. И како што вели Кајла, тие во тој момент биле љубезни како и сите други гости, освен што Кајла и нејзиниот партнер физички изгледале поинаку. Сега стравува дека тоа ќе стане „обичај“, дека нема да смее да користи одредена услуга или слично, само поради нејзиниот изглед и љубовта кон тетоважите.

Сепак, Кајла признава дека најлошите реакции доаѓаат од интернетот.

- Најчестиот коментар што го гледам е 'беше толку убава додека не се уништи себеси со тетоважи'. Ништо од тоа не ми пречи, не е за внимание, едноставно ми се допаѓа како изгледам“, рекла оваа жена.

Коментарите што таа ги чита на социјалните мрежи понекогаш се навистина вознемирувачки: „Каков добар пример за вашите деца! Само не ги разбирам овие луѓе!“, „Каков пример давате?“, „Жал ми е за вашите деца „... се само дел од коментарите.

Но, имало и такви кои ја поддржале и ја бранеле од разни негативни коментари, велејќи дека „тетовираните луѓе и луѓето со пирсинг се најневеројатните луѓе што сум ги сретнал. Ако моите деца некогаш се изгубат, им велам да најдат некој кој има тетоважи или пирсинг или да најде моторџија Овие луѓе ќе ти помогнат да си го најдеш патот до дома“.

Некои други коментари биле дека тоа што некој има тетоважи, дури и многу од нив, не значи дека тоа е знак дека таа личност е лош родител.

„Таа е апсолутно убава со нив“, беше уште еден коментар кој, барем за кратко, стави крај на оваа преписка и дискусија на социјалните мрежи.

Свет

Осуденик на доживотен затвор, сопственик на озлогласен сајт- Рос Улбрихт е помилуван од Трамп

Американскиот претседател Доналд Трамп потврди дека потпишал целосно и безусловно помилување за Рос Улбрихт, основачот на сајтот Silk Road на дарк вебот, која се користел за масовна трговија со дрога.

Улбрихт е прогласен за виновен во Њујорк во 2015 година за заговор со дрога и перење пари и беше осуден на доживотен затвор. Трамп на својата платформа Truth Social објави дека ѝ се јавил на мајката на Улбрихт за да ја извести дека го помилувал нејзиниот син, објави Би-Би-Си.

Веб-страницата „Silk Road “, беше затворена во 2013 година, откако полицијата го уапси Улбрихт, кој продаваше нелегални дроги користејќи биткоин, како и хакирање опрема и украдени пасоши.

„Олошите што работеа да го осудат беа дел од истите лудаци вклучени во модерното вооружување на моќта против мене денес. Тој доби две доживотни казни, плус 40 години. Глупости!“

Улбрихт беше прогласен за виновен за обвиненија, вклучувајќи заговор за трговија со дрога, перење пари и компјутерско хакирање. За време на судењето, обвинителите тврдеа дека веб-страницата на Улбрихт, сместена на скриената „темна мрежа“, анонимно продавала дрога во вредност од над 200 милиони долари.

Тој го водел Silk Road под псевдонимот „Dread Pirate Roberts“, повикувајќи се на лик од филмот „The Princess Bride“ од 1987 година. Обвинителите, исто така, тврдеа дека Улбрихт наредил шест нарачани убиства, вклучително и едно против поранешен вработен во Патот на свилата, иако немале докази дека убиствата навистина биле извршени.

Патот на свилата го добил името по историските трговски патишта што ги поврзувале Европа, Азија и делови од Африка. Веб-страницата се здоби со слава преку медиумски извештаи и онлајн дискусии. Корисниците можеа да пристапат на страницата само преку Tor, систем кој дозволува анонимно користење на интернет без откривање на идентитетот или локацијата.

Судските документи на ФБИ наведуваат дека страницата имала нешто помалку од милион регистрирани корисници, но иследниците не можеле да утврдат колку од нив биле активни. За време на изрекувањето на пресудата, судијката Кетрин Форест рече дека Улбрихт „не е подобар од кој било друг дилер на дрога“.

Таа рече дека страницата е негова „внимателно планирана животна работа“.

Судијката нагласи дека острата казна е и порака до другите кои би сакале да го имитираат дека ќе се соочат со „многу сериозни последици“.

„Сакав да ги поттикнам луѓето да прават свој избор во животот и да имаат приватност и анонимност“, рече Улбрихт при изрекувањето на пресудата во мај 2015 година.

Трамп претходно навести дека планира да му ја ублажи казната на Улбрихт за време на говорот минатата година на Националната конвенција на слободата. Слободарската партија се залагаше за ослободување на Улбрихт, сметајќи го неговиот случај како пример за прекумерно мешање на владата.

Републиканскиот конгресмен Томас Маси, сојузник на Трамп, ја пофали одлуката на претседателот.

„Ви благодарам што го одржавте зборот кон мене и кон другите кои се залагаа за слободата на Рос“, рече конгресменот од Кентаки.

Свет

Полицијата во САД има голем проблем: Стаорци ја изеле запленетата дрога, станале зависни(ВИДЕО)

Полицијата во Хјустон и градските власти предупредија на „инвазија на глодари“ што предизвикува големи проблеми во складирањето на докази и запленети предмети.

На јавноста ѝ било кажано дека стаорците биле „привлечени од запленетите наркотици“, со кои се хранеле, додека ги уништувале другите докази, пренесува UPI.com.

„Имаме стотици илјади фунти марихуана во магацините во кои уживаат стаорците“, изјави градоначалникот Џон Витмајр, најавувајќи ја новата акција.

Имено, властите планираат да ги реорганизираат просториите во кои се чуваат 1,2 милиони докази, како и да ги уништат запленетите нелегални супстанции пред 2015 година.

„Ние чуваме толку многу докази кои повеќе не се потребни и немаат влијание врз случаите“, додаде Витмајер.

Шефот на Центарот за форензичка наука, Питер Стаут, за новинарите изјави дека запленетите големи количества дрога ставаат во опасност други докази.

„Полицијата ангажираше служба за контрола и истребување на штетници, но глодарите се упорни. Тешко е да се справиш со нив“, рече Стаут.

Официјалните лица откриле дека стаорците еднаш изглодале низ кеса во која имало количество халуциногени печурки.

Овој проблем, сепак, не е ограничен само на Хјустон. Претставници на полицискиот оддел на Њу Орлеанс во март 2024 година рекоа дека доказите биле под „наезда од штетници“, вклучувајќи стаорци и лебарки.

„Стаорците јадат марихуана, сите се зависници“, изјавила портпаролката на полицијата Ен Киркпатрик.

притисни ентер