Маричиќ: Одложувањето на почетокот на преговорите со ЕУ ќе има негативно влијание во регионот

Одложувањето на почетокот на преговорите со ЕУ ќе има негативно влијание не само врз Македонија, туку до целиот регион.

За време на работната посета на Брисел ја пренесов порака дека понатамошното одложување на почетокот на преговорите со Европската унија ќе има негативно влијание не само врз Македонија, туку врз целиот регион, напиша утрово на Фејсбук министерот за правда Бојан Маричиќ.

– На состанокот со еврокомесарот за проширување Оливер Вархеј повторив дека сите реформи кои беа побарани од нас како држава за почеток на преговорите се спроведени, вклучително и оние во правосудството, истакнува Маричиќ.

Во Европската комисија, министерот за правда, одржал работен состанок и со еврокомесарот за правда Дидие Рејндерс на кој, како што вели, му ги претставил реформите кои во моментот ги прави Владата во однос на владеењето на правото.

– Се сложивме дека е потребно темпото на реформи да се задржи, а отворањето на преговорите со ЕУ ќе биде само дополнителен катализатор на истите, напиша министерот Маричиќ.

Ова беше втора работна посета на министерот Маричиќ на Брисел оваа година.

Министерот за правда Бојан Маричиќ од денеска престојува во дводневна посета на Црна Гора, во рамки на која, како што е најавено, ќе се сретне со потпретседателот на црногорската Влада, Дритан Абазовиќ и со државните секретари на министерствата за внатрешни работи и за правда, на кои ќе се разговара за напредокот на двете земји во спроведувањето на реформите, со акцент на правосудството.

Маричиќ, ќе учествува и на „Балканскиот интегративен форум 2021" во организација на Европското движење на Црна Гора и Фондацијата „Фридрих Еберт", на кој тема ќе биде евроинтеграцијата на државите од Западен Балкан, но и предизвиците со кои се соочува Унијата изминатиот период.

Покрај министерот за правда на форумот, како што е најавено, ќе учествуваат и високи претставници од регионот, функционери, дипломати од Западен Балкан и Европската Унија, како и голем број на експерти.

Разбојници ја убиле сопругата на легендарен музичар

Сопругата на легендарниот музичар Кларенс Авант е убиена во вторникот во нејзиниот дом во елитната населба Трусдејл Естејтс во Лос Анџелес.

Имено, таа била убиена од крадци кои упаднале во нивната семејна куќа.

Полицијата на Беверли Хилс била повикана во куќата во Трусдејл Естејтс во вторникот вечерта околу 2.30 часот по полноќ, откако на телефонскиот број 911 добиле повик дека некој бил застрелан и убиен.

Сопругата на Авант, Жаклин Авант, итно била пренесена во болница, каде што подоцна починала. Таа имала 81 година.

Семеен извор изјавил за ТМЗ дека разбојниците пукале додека влегле во куќата и ја погодиле сопругата на Авант.

Авант (90) во тој момент бил дома, но не е јасно дали е повреден во нападот.Легендарниот музичар беше примен во Куќата на славните во октомври, а покрај него беше неговата сопруга.

Нивната ќерка Никол Авант е во брак со извршниот директор на Нетфликс, Тед Сарандос.

СЗО: За неколку дена ќе знаеме колку е заразен омикрон

Светската здравствена организација очекува за неколку дена да има повеќе информации за тоа колку е заразен новиот сој на корона, омикрон, изјави денеска техничкиот директор на СЗО Марија ван Керхове.

Во соопштението се посочува дека СЗО ќе има податоци за омикрон многу побрзо од предвиденото, бидејќи Женева претходно соопштила дека ќе бидат потребни недели за да се добијат податоците, пренесе Ројтерс.

Некои од главните прашања се дали сојот е позаразен или отпорен на заштитата од вакцини, а одговорите треба да се почекаат, се додава.

Софија Вергара на луда латино забава во кругот на семејството (ВИДЕО)

Софија Вергара (49) изгледа сензационално на прославата на американскиот Ден на благодарноста, а актерката на социјалните мрежи се пофали со фотографии и видеа од забавата на која присуствуваа членовите на нејзиното семејство.

На ѕвездата од ТВ серијата „Модерно семејство“ и` се придружија помладата сестра, музичарката Вероника (21) и внуката Клаудија (29). Веселото трио танцува пред огледалото, а на Софија подоцна во танцовите чекори и се придружила и нејзината баба.

Се чини дека на споменатата забава не присуствувал актерот Џо Манганиело (44) за кого заносната американско-колумбиска дива се омажи во 2015 година.

- Среќна шеста годишнина од бракот, љубов моја! Уште многу години заедно! Те сакам – напишала Софија на Инстаграм во вторникот.

Двојката се свршила на Божиќ за време на романтичен одмор на Хаваи во 2014 година, само шест месеци откако Вергара раскинала со Ник Лоеб. Тие се венчале во 2015 година во Палм Бич, Флорида. Заедно немаат деца, а Софија е мајка на 27-годишниот син Манол, кој го доби со поранешниот сопруг Џо Гонзалес.

притисни ентер