Маричиќ од Котор: Нема време за губење во успешното спроведување на договорените обврски

Првиот заменик претседател на Владата за европски прашања Бојан Маричиќ учествуваше на Регионалниот состанок на министрите за европски прашања и финансии на Западен Балкан посветен на Планот за Раст. 

Регионалниот состанок му претходи на Лидерскиот самит на западен Балкан кој ќе се одржи утре, 16 мај 2024.

Средбата ја отвори домаќинката на регионалниот состанок, министерката за европски прашања на Црна Гора, Мајда Горчевиќ истакнувајќи ја важноста на соработката во регионот кој има заедничка визија.

На средбата се обрати Герт Јан Копман - Генерален директор на генералниот директорат за соседство и преговори за проширување. (ДГ НЕАР), висок претставник на Европската Комисија со што ги нагласи напорите и заложбата на Европската Комисија за реализација на Планот за раст за Западен Балкан.

На средбата се зборуваше за приоритетите за спроведување на рефорсмките агенди на земјите од Западен Балкан со акцент на конкретните чекори кои треба секој од земјите вклучени во Планот да ги превземат.

Во своето обраќање Маричиќ го наведе усогласувањето на приоритетите на државата со приоритетите на Брисел. Ги истакна договорените и усогласени обврски и мерки кои ќе се спроведуваат. Ја истакна важноста на СЕПА - Пристап до единствената област за плаќање во евра, Зелените ленти за унапредување на олеснувањето на трговијата и транспортот, за слободните Вај-фај зони на јавните простори во 500 општини во регионот и за развој на Дигиталните иновативни центри.

Понатаму во обраќањето ги наброја утврдените, следни чекори односно работата на проектите за Академија за единствен пазар со што се осигурува усогласување на националните системи со оние на ЕУ, важноста за прифаќањето на Дигиталниот паричник, како удобен и безбеден метод за граѓаните и бизнисите да го утврдат нивниот идентитет, користејќи ја нивната дигитална лична карта за интеракција и во јавниот и во приватниот сектор.

Вицепремиерот Маричиќ за крај се заблагодари до Европската Комисија, главниот инцијатор на целиот процес Герт Јан Копман, генералниот директор на ГД Неар, на целиот регион на Западен Балкан како и државната секретарка на Секретаријатот за европски прашања, вработените во администрацијата кои во соработка со министерството за финансии ги поставија главните приоритети, упорно работеа на реализација на Планот за раст за Западен Балкан.

Европската Унија направи голем исчекор и заложба со иницијативата за Планот за раст за соработка на регионот. Затоа, регионот и сите засегнати страни заедно со Европската Комисија мора да продолжат да работат да ја реализираат иницијативата на регионот.

Регионот го постави Планот за раст во функција за забрзување на членството во ЕУ до 2030 и треба сите заедно да бидеме активни, транспарентни и упорни во успешна реализација на оваа важна иницијатива.- рече Маричиќ.

Состанокот на министрите и вицепремиерите на Западен Балкан го носи насловот „Еден регион, заедничка визија“ и му претходи на утрешниот Лидерски самит на кој ќе учествуваат лидерите на земјите од регионот на Западен Балкан, како и највисоките претставници на Европската Комисија.

На средбата учествуваше и државната секретарка на Секретаријатот за европски прашања, Дрита Абдиу Халили.

Словенечката влада го испрати до Парламентот предлогот за признавање на Палестина

Словенечката влада го усвои предлогот за признавање на државата Палестина и го испрати до Парламентот на конечно одобрување, изјави денеска по седницата на Владата словенечкиот премиер Роберт Голоб.

Се очекува собранието да гласа за предлогот следната недела, со што би се комплетирал процесот на признавање на државата Палестина од Словенија, пренесе агенцијата СТА.

Голоб нагласи дека одлуката не е насочена против никого, вклучително и против Израел, туку дека тоа е порака за мир.

-Убеден сум дека и другите земји ќе го следат овој пример и дека целиот свет мора да работи на мир и решение со две држави, рече тој.

Владата ја започна процедурата за признавање на Палестина на 9 мај, најавувајќи дека ќе испрати предлог до Парламентот најдоцна до 13 јуни и соопшти дека признавањето ќе се темели на израелско-палестинските граници од 1967 година, што значи дека државата Палестина го вклучува и Појасот Газа. , Западниот Брег и Источен Ерусалим.

Шефицата на словенечката дипломатија, Тања Фајон, истакна дека неколку земји од ЕУ размислуваат да го сторат истото, откако Шпанија, Норвешка и Ирска ја признаа Палестина претходно неделава.

Столтенберг со повик до членките на НАТО да ѝ дозволат на Украина да гаѓа внатре во Русија

Генералниот секретар на НАТО, Јенс Столтенберг денеска изјави дека „дојде време“ членките на Алијансата да преиспитаат одредени ограничувања во однос на употребата на оружјето доставено до Украина.

Генералниот секретар на НАТО, Јенс Столтенберг денеска изјави дека „дојде време“ членките на Алијансата да преиспитаат одредени ограничувања во однос на употребата на оружјето доставено до Украина, додека сојузниците остануваат поделени кога се работи за употребата од нивното оружје на цели во Русија.

Столтенберг го изјави ова за време на неформалниот состанок на шефовите на дипломатииите на земјите членки на НАТО во Прага, пред самитот на Алијансата во јули во Вашингтон.

Првиот човек на НАТО, во заминување, минатата недела во интервју за „Економист“ ги повика сојузниците да ја повлечат забраната Украина да го користи оружјето на Алијансата при напади врз воени цели на територијата на Руската Федерација.

„Економист“ наведе дека јасната, иако неименувана цел , на Столтенберг беше „политиката на американскиот претседател Џо Бајден“, со која тој ги одредува целите што Украина може да ги нападне со американско оружје.

Украинскиот претседател Володимир Зеленски неколку пати апелираше до западните сојузници да дозволат да се користи донираното оружје на цели во Русија, особено по напредувањето на руските трупи во регионот Харков.

Британските медиуми пренесуваат дека членките се поделени, а меѓу некои сојузници постои страв дека таквото одобрение може да го вовлече НАТО во директен конфликт со Русија.

Рускиот претседател Владимир Путин претходно предупреди дека малите европски земји ќе претрпат „сериозни последици“ доколку оружјето на НАТО погоди цели во Руската Федерација.

Одличниот Ѓоковиќ лесно помина во третото коло на Ролан Гарос

Новак Ѓоковиќ се пласираше во 3. коло на Ролан Гарос откако го совлада Роберто Карбаљес-Баена со 6:4, 6:1, 6:2.

Српскиот тенисер бавно го започна мечот, но во последните два сета одигра фантастично и го разби Шпанецот кој повеќе немаше никакви шанси.

Карбаљес-Баена добро се држеше во првиот сет, но кога Ѓоковиќ водеше со 5:4, го загуби својот сервис, што го одреди остатокот од мечот. Србинот сѐ повеќе го подигнуваше нивото на својата игра, што Шпанецот не можеше да го следи и прашање беше само колку гема ќе му одземе на Карбаљес-Баена до крајот.

За влез во 4.коло Ѓоковиќ ќе игра со победникот од мечот Монфис - Музети што се игра подоцна вечерва.

притисни ентер