Маричиќ на средба со белгиската министерка Лахбиб

Наша цел е да одиме чекор поблиску до ЕУ со поддршка на белгиското претседавање.

Првиот заменик претседател на Владата за европски прашања, Бојан Маричиќ ја предводеше делегацијата на Македонија, која денеска се вклучи во клучните дипломатски разговори со белгиската министерка за надворешни работи Хаџа Лахбиб, во Брисел. потврдувајќи ја непоколебливата посветеност на Македонија на нејзината европска агенда.

Покрај цврстата поддршка на белгиското претседателство, вицепремиерот Маричиќ ја истакна решителната посветеност на Македонија за развој и успешна реализација на европската интеграција.

Состанокот претставуваше основа за изнаоѓање на начини за засилена соработка меѓу Македонија и Белгија, чија цел е зајакнување на регионалната стабилност, економскиот просперитет и културната размена во европската рамка.

Министерката за надворешни работи Лахбиб го пофали напредокот на Македонија во усогласувањето со европските вредности и стандарди, изразувајќи ја цврстата поддршка на Белгија за европските аспирации на Македонија. Во разговорот беше истакната важноста на солидарноста и партнерството во решавање на предизвиците и можностите на европскиот пат.

Вицепремиерот Маричиќ изрази благодарност, истакнувајќи ја важноста на периодот на белгиското претседателство, кога што ќе се одвиваат клучни процеси во ЕУ важни за нас и за регионот.

„Нашата мисија е насочена кон проактивен ангажман на Македонија за исполнување на целта за полноправно членство во ЕУ.“ рече Маричиќ.

Нашите заедничките вредности и заедничките цели што ги обврзуваат Македонија и Белгија, се решителност за продлабочување на соработката во различни сектори, реформи на демократски принципи, раст и развој на државите членки заедно со земјите кандидати од Западниот Балкан, како и реализација на проширувањето на Европската Унија.

Мицкоски утре ќе го стави предлогот за Влада до Собранието, ќе се гласа викендот

Четворицата потпретседатели на ВМРО-ДПМНЕ стануваат министри, мандатарот Христијан Мицкоски синоќа по состаноците на партиските тела го потврди конечниот список на кадрите од неговата партија за идната Влада.

На чело на клучните ресори, по различните варијанти што се споменуваа во јавноста минатите недели, дефинитвниот распоред е Тимчо Муцунски во МНР, Владо Мисајловски во одбрана, во финансии Гордана Кочоска Димитриеска, додека пак Александар Николоски истовремено ќе биде вицепремиер и министер за транспорт и врски.

Освен него, ќе има уште четворица вицепремиери – прв ќе биде Изет Меџити, кој истовремено ќе биде и министер за екологија, од Вреди ќе биде и Арбен Фетаи за добро владење, а од коалицијата „Твоја Македонија“ ќе бидат и Љупчо Димовски како вицепрмеиер за политички систем, како и Иван Стоилковиќ кој ќе биде истовремено и министер за односи меѓу заедниците...

Во Владата на Мицкоски, остануваат и скоро сите кадри на ВМРО-ДПМНЕ во техничката влада, освен Ѓоко Велковски. Панче Тошковски останува на позицијата во МВР, а дополнителните заменици во земјоделство Цветан Трипуновски и Стефан Андоновски во информатичко општество сега ќе бидат министри.. Како луѓе кои се експерти во своите области Мицкоски ги претстави и Весна Јаневска за министерка за образование, Зоран Љутков во култура, Борко Ристовски министер за спорт, а Сања Божиновска во новоформираното министерство за енергетика. Име кое за првпат беше споменато е предложениот министер за локална самоуправа Златко Перински.

Според политичкиот аналитичар Петар Арсосвски кадрите на ВМРО-ДПМНЕ не се големо изненадување, бидејќи уште од почетокот на коалициските преговори беше извесно дека партискиот врв ќе се пресели на Илинденска..

„ Во составот генерално, местата за кои се зборуваше и луѓето за кои се зборуваше се најдоа на тие места. Можеби не на тие места за кои се шпекулираше во изминатиот период, меѓутоа поголеми изненадувања не гледам во составот на кабинетот. Се уште е рано да цениме како ќе се покажат, за тоа треба малку повеќе време, и треба да имаме предвид дека новиот променет закон за државна управа има многу подзаконски акти и амандмани во други закони кои треба да се сменат за тие ингеренции навистина да се случат. “-Петар Арсовски – политички аналитичар

Пред неколку дена и коалициските партнери на ВМРО-ДПМНЕ ги официјализираа своите кадри.. Од редовите на „Вреди“, Орхан Муртезани ќе биде министер за европски прашања, Арбен Таравари за здравство, Фатмир Лимани во социјална политика, а Бесар Дурмиши во економија. Во ресорот администрација оди Горан Минчев од партијата Знам, додека пак неговиот сопартиец Игор Филков ќе биде министер за правда. Како министер без ресор задолжен за декадата на Ромите во владата ќе биде и Шабан Салиу, коалициски партнер на ВМРО-ДПМНЕ.Следниот чекор на мандатарот Мицкоски е како што најави, утре до Собранието да го достави целиот владин состав заедно со програмата за следните четири години. Веќе е договорено седницата за избор на влада да започне во сабота во 11 часот, кога ќе заврши со гласање зависи од дебатата на пратениците, но крајниот рок е в недела надоцна до полноќ.

Османи издал наредба на Ејупи уште денеска да ѝ се изготви дипломатски пасош

Oсвен за Ејупи, Османи потпишал решенија за испраќање и на други вработени во министерството на неколкумесечна испомош во ДКП-ата каде во летните месеци имало зголемен обем на конзуларни услуги.

На само неколку денови пред збогување со министерската функција Бујар Османи наредил на несудената конзулка во Њујорк и поранешна ТВ презентерка Бесмира Ејупи уште денеска по итна постапка да и се изготви дипломатски пасош и најскоро да почне со работа во дипломатско конзуларното претставништво во Бон, Германија, велат неофицијални извори од МНР. Како што претходно објави Канал 5, освен за Ејупи, Османи потпишал решенија за испраќање и на други вработени во министерството на неколкумесечна испомош во ДКП-ата каде во летните месеци имало зголемен обем на конзуларни услуги. Но, последните решенија на Османи, меѓу кои се и распишаните конкурси за испраќање на 15 нови дипломати ширум светот ќе бидат ревидирани од новата влада, најави мандатарот Христијан Мицкоски.

„ Се што ќе биде констатирано како незаконско и надвор од процедурите не само што ќе биде корегирано, ќе се соочат со законски последици мора да престане праксата на злоупотреба и неказнивост мора да имаме влада која ќе биде одговорна и која сите оние девијантни однесувања, не само во минатото, туки и сега се појават ќе бидат жестоко санкционирани. Идната влада мора да биде слуга на граѓаните, не смееме да ги разочараме. “-Христијан Мицкоски – 12 минута

Наредбите на Османи, кои ги издава пред напуштање на владиниот кабинет, за вицепремиерот Бојан Маричиќ кој исто така е во заминување, се неконректни. Тој во гостување во поткастот „На кавга со Иван“ кажа дека не го оправдува ваквото однесување на Османи.

„ Мислам дека е некоректно во последните денови од мандатот да се прават такви потези. Освен оние неопходни кадровски решенија.

Зарем Бесмира е толку неопходна ?

Тоа треба да си одговори Османи, но јас тоа не би го направил. “-Бојан Маричиќ

Реакција за одлуките на Османи претходно пристигна и од Македонскиот дипломатски синдикат од каде изјавија дека е некоректно да се распишува конкурс во моменти кога се очекува новиот министер Тимчо Муцунски да дојде на функција.

Миле Јанакиески излезе на слобода по шест години во притвор и затвор

По шест години во затвор, поранешниот министер за транспорт и врски Миле Јанакиески од денеска е на слобода. 

Утринава е пуштен од истражниот затвор во Шутка, потврди за Канал 5 неговиот адвокат Еленко Миланов. Таму ја издржуваше казната за предметот Титаник поврзан со изборни нерегуларности за кој призна вина. Во 2022 година беше осуден на 4 и пол години затворска казна а следната година скопска Апелација му ја намали на 3 и пол години. Во март годинава Апелациониот суд одлучи да ја уважи жалбата на Јанакиески со која бараше условен отпуст, но и ова решение со кое првично требаше да излезе од затвор во јануари догодина го преиначи со денешен датум, но под услов до истекот на условниот отпуст обвинетиот да не стори ново кривично дело – беше наведено во одлуката на Апелација.

Случајот Титаник беше еден од првите кои ги отвори сега згаснатото СЈО. Јанакиески беше обвинет и во предметите Топлик и Талир, но со ланските измени на Кривичниот законик кривичните дела во овие предмети застареа.

Јанакиески сепак останува обвинет во два случаи за кои ќе треба да се појави во судница. Првостепената пресуда за Организатори на 27 април Апелација ја укина и го врати предметот на повторно одлучување во Кривичен откако утврди дека понискиот суд сторил суштествени повреди во постапката. Екс министерот е првообвинет за злоупотреба на службената положба во случајот Шпански скали. Вкупно 11 лица опфатени во овој предмет се товарат дека со незаконската продажба на парцелите пред зградата на ЕВН на плоштадот во Скопје ја оштетиле државата за 2,6 милиони евра.

Европскиот суд за човекови права во Стразбур претходно утврди дека на Миле Јанакиески незаконски му бил продолжуван домашниот притвор во случаите за Организатори на 27 април и за „Шпански скали“ а државата да му плати отштета од 3900 евра.

Со условен отпуст од затвор излегоа и поранешниот шеф на УБК Сашо Мијалков каде ја издржуваше затворската казна за случајот Империја, како и поранешната министерка за внатрешни Гордана Јанкуловска која беше осудена на четиригодишна затворска казна за случајот Тенк.

притисни ентер