Маричиќ-Могерини: Ја активираме соработката со „Колеџот на Европа“

Ја активираме соработката со „Колеџот на Европа“ за поддршка во процесот на преговори со ЕУ.

Заменик претседателот на Владата задолжен за европски прашања и главен преговарач со ЕУ, Бојан Маричиќ денеска, во рамки на посетата на „Колеџот на Европа“, во Бриж имаше средба со поранешната висока претставничка на Европската Унија за надворешна и безбедносна политика, а сега ректорка на „Колеџот на Европа“ Федерика Могерини.

На средбата, иницирана од вицепремиерот Маричиќ, беше разговарано за можностите за унапредување на соработката во рамки на веќе потпишаниот Меморандум за разбирање, преку различни курсеви, тренинзи и проекти кои ќе го доближат процесот и олеснат преговорите со ЕУ.

- Поддршката од „Колеџот на Европа“ во зајакнување на знаењето на македонската администрација ќе биде од големо значење за евроинтеграцискиот процес. Активирањето на Меморандумот за разбирање со „Колеџот на Европа“ е добар знак за нашата посветеност и желба успешно да го завршиме преговарачкиот процес, рече на средбата Маричиќ изразувајќи верување дека соработката ќе се одвива динамично во позитивна насока и дека резултатите ќе бидат видливи во текот на преговорите со ЕУ.

- Ми претставува чест и задоволство што имаме можност повторно да соработуваме, овој пат во вашата улога на ректор на колеџот. Соработката со вас во изминатите години од позицијата висока претставничка на ЕУ за надворешна и безбедносна политика остави траен печат во развојот и напредокот на евроинтеграцискиот процес, преку вашите лични заложби и придонес на нашиот пат кон преговори, рече Маричиќ на почетокот на средбата.

Ректорката Могерини исто така изрази задоволство иницијативата за активирање на активностите предвидени со Меморандумот за разбирање и од можноста за соработка токму во процесот на преговори на Македонија со Унијата.

Покрај тоа, се разгледаа и можностите за учество на нашата администрација на летните семинари на колеџот, како и можноста за заедничка проектна соработка. Двајцата изразија очекување дека на ваков начин ќе се придонесе во стручното усовршување на сите кои се вклучени во преговарачкиот процес, како и дека јакнењето на капацитетите е чекор кон постигнување на целта членство до 2030 година.

Секретаријатот за европски прашања и „Колеџот на Европа“ во Бриж потпишаа Меморандум за соработка, во мај 2016 година, во однос на размена на знаење и искуства, научни истражувачки и применливи активности, како и едукативна и експертска специјализација на администрацијата во Секретаријатот, согласно капацитетите и ресурсите на двете институции.

После средбата со ректорката Могерини, вицепремиерот и главен преговарач со Европската Унија, Маричиќ ќе има предавање пред студентите и младите дипломати од „Европската дипломатска академија“, основана од Европската служба за надворешни работи (ЕЕАС), на тема: „Процесот на проширување на ЕУ со земјите од Западен Балкан, со фокус на евроинтеграциите на Македонија“.

Дневен хороскоп за 5. март 2024 година

Дневен хороскоп за вторник, 5. март 2024 година. 

Риби 20.2.- 20.3.

Љубов

Мал чекор ве дели до помирување и поквалитетни односи , но потребно е само малку трпение.

Кариера

Веројатно ќе добиете добар договор за спонзорирање на еден проект за што се сомневавте.

Здравје и совет

Имајте малку повеќе верба.

Овен 21.3-20.4.

Љубов

Преодна несигурност би можела да биде поврзана со погрешно изразување или недоразбирање. Не навлегувајте во расправија.

Кариера

Вашите претпоставени денеска ќе бидат полни со елан и нови планови за развој на работата , а вие ќе имате помалку енергија. Издржете.

Здравје и совет

Одете чекор по чекор.

Бик 21.4- 20.5.

Љубов

Ако имате лични проблеми , прифатете еден неврзан повик на кафе , зашто така ќе си ја олесните душата.

Кариера

Можеби ќе ви предложат да одите на кусо деловно патување за да ја согледате состојбата и да донесете нови информации од терен.

Здравје и совет

Средете го ритамот на работата и одморот.

Близнаци 21.5.-21.6.

Љубов

За некои овој ден ќе биде за паметење , а особено вториот дел.Оние кои бараат сродна душа , секако треба да излезат.

Кариера

Ќе биде одлично , координирани и со вистинско чувство за секоја задача. За вас денеска нема препреки.

Здравје и совет

Уживајте во секој момент.

Рак 22.6-22.7.

Љубов

Ќе одработите уште некои работи од минатото , за да можете посмело да тргнете натаму. Нема да ви биде лесно , но ќе бидете доследни.

Кариера

Ќе ви обрнат внимание и ќе може да си го изразите своето мислење. Вашите идеи ќе бидат разгледувани , но за нив ќе нема мислење.

Здравје и совет

Премногу се грижите.

Лав 23.7-22.8.

Љубов

Денеска малку ќе ве измачуваат стари мечти и неисполнети надежи , па затоа најдобро е да се повлечете и смирите. Не инсистирајте на ништо.

Кариера

Иако ќе работите посветено и без застој , денеска ќе ви изгледа како да работите недоволно.

Здравје и совет

Поработете на вашето трпение.

Девица 23.8.-23.9.

Љубов

Ако се чувствувате осамено , побарајте друштво на пријателите. Тие ќе бидат вистибнски мелем за вас.

Кариера

Конечно ќе ви стане јасно дека она што го работите вреди повеќе отколку што мислевте . Со тоа сознание полесно ќе работите.

Здравје и совет

Бидете искрени кон сите.

Вага 24.9.-23.10

Љубов

Пред вас е убав ден за дружење , било да се решите за излегување со саканата личност , било да се прошетате и се напиете кафе со познаници.

Кариера

Денеска лесно ќе излегувате на крај со обврските доколку работите со колеги , но ако сте сами на работното место , ќе ви недостига некој за да поразговарате.

Здравје и совет

Радувајте се на она што е добро.

Шкорпија 24.10-22.11.

Љубов

Можно е решение на некој семеен проблем , што долго ве измачуваше. Веројатно ќе најдете заеднички јазик.

Кариера

Успешно ќе завршите една деловна фаза и ќе свртите нов лист.Ќе биде тоа чекор напред за вас.

Здравје и совет

Не се сомневајте ,туку работете.

Стрелец 23.11.-21.12.

Љубов

Денеска е ден кога во љубовните теми ќе помешате скромност со високи идеали. Резултатот ќе биде збунетост на другата страна.

Кариера

Соработниците ќе ве подржат и ќе ви изразат симпатии , но кога станува збор за стручноста , никој нема да ви прогледа низ прсти.

Здравје и совет

Сѐ е во ред.

Јарец 22.12.-20.1.

Љубов

Вашиот љубовен шоу ќе продолжи со поврзување со личност од надвор. Некои ќе добијат љубовен меил или порака од странство.

Кариера

Својата стручна способност денеска ќе ја надувате до крајни граници , но никој нема да ви замери , зашто ќе бидете уверливи.

Здравје и совет

Почнете да спортувате.

Водолија 21.1.-19.2.

Љубов

Ќе имате вистински баланс за уживање и љубов , апосебно во конкретни ситуации.Оние во врска ќе бидат многу задоволни.

Кариера

Денеска исправно ќе се поставите , зашто ќе знаете да ги испочитувате не само строгите правила, туку и човечките потреби.

Здравје и совет

Мала главоболка.

Колку е штетна течноста за плакнење уста? (фото)

 Стоматолог тврди дека со неа ги уништуваме забите...

Совети за орална хигиена.

Кога станува збор за здравјето на забите, кариесот е еден од најголемите проблеми. Стоматологот Ками Хос предупредува дека некои секојдневни навики би можеле сериозно да ја загрозат состојбата на забите, нагласувајќи дека здравјето на усната шуплина има значајно влијание врз целокупното здравје на организмот.

Течности за плакнење на уста

Стоматологот Хос особено укажува на штетноста на течностите за плакнење на уста, нагласувајќи дека тие можат да предизвикаат сериозно оштетување на забите. Огорчен од нивното дејство, тој тврди дека овие течности убиваат голем број микроби во устата, оставајќи простор за репродукција на најопасните. Ваквиот пристап, според д-р Хос, може да доведе до катастрофални последици.

Хос советува дека усната шуплина треба да се гледа како градина, со многу добри и лоши бактерии од кои треба да се ослободите исто како од плевелот.

- Ако во градината имавте плевел, сигурно немаше да го полевате со киселина. Токму тоа го правиме кога користиме средство за плакнење на устата, тоа убива сè што живее во неа - вели д-р Хос, а пишува Ординација.хр

Совети за одржување на оралното здравје

За да се зачува здравјето на усната шуплина, д-р Хос дава низа совети кои вклучуваат промена на секојдневните навики. Препорачува утринска орална нега пред појадокот, со користење на блага течност за плакнење на устата со цел да се обнови pH вредноста на усната шуплина и да се отстранат наслагите, како и редовно чистење на забите со конец и интердентална четка.

- Исчистете го јазикот со средство за таа намена, бидејќи на него може да се наталожат наслаги штетни за здравјето на усната шуплина. На забите им наштетуваме кога ги негуваме со производи што содржат алкохол или други состојки кои можат да ја променат микробиотата во устата, која се развила во текот на милиони години – тврди стоматологот Хос.

За да се зачува здравјето на усната шуплина, од клучно значење редовните посети на стоматолог, како и употребата на благи препарати за нега на усната шуплина и правилна хигиена.

притисни ентер