Манчевски: Дополнителни 250 електронски услуги и дигитализацијата на клучните регистри

​ Поставени се клучните столбови за дигитализација во јавниот систем. Голем предизвик останува користењето на услугите по електронски пат од страна на граѓаните. 

Потребна е и дигитализација на клучните бази на податоци, со што преку националниот портал ќе има електронски услуги и за бизносот, како и воспоставување и стартување на 5Г технологијата, оцени денеска министерот за информатичко општество и администрација Дамјан Манчевски.

– Дигитализиацијата мора да биде натпартиска тема, работата е тргната натака и од нас зависи како ќе се одвива.Треба сериозен ангажман и работа, а да бидеме искрени и сериозна поддршка од меѓународни институции затоа што досега дигитализацијата кај нас претежно е финансирана со странски пари, а од националниот буџет не е вложено многу. За тоа да се случува мора да имаме сериозна соработка на сите полиња со тие меѓународни институции, рече Манчевски на дебатата на тема „Дигитални предизвици за општествена транформација, што ја организираше МИОА во дворот на Клубот на пратеници.

Активностите, како што рече, треба да се интензивираат, бидејќи моментно имаме 136 електронски услуги, што е 18 проценти од сите услуги што се нудат од институциите во државата.

– Сега почнуваме нов проект со кој се предвидени 250 дополнителни електронски услуги и дигитализацијата на клучните регистри. Оптимист сум и уверен сум дека следната година ова време ќе можеме да говориме за 400 до 500 електронски услуги, многу поавтоматизирани работа помеѓу институциите каде што нема да се бара граѓаните да бидат курири и да носат документи, туку тие ќе се обезбедува по автоматизам од институциите. Сега прашањето е колку бргу ќе го направиме тоа. Не треба да водиме политика околу оваа тема, таа не обиденува национално, но пак ќе кажам за да се направи тоа потребно е да водиме на друго место паметна политика, наведе Манчевски.

Тој прецизираше дека досега се поставени сите услови и елементи за дигитализација на јавниот сектор, со трите клучни столба: системот за интероперабилност, што е каналот за комуникација помеѓу институциите, националниот портал на електронски услуги, којшто е портата кон граѓаните и електронскиот реистар на население, каде што граѓаните го црпат својот електронски идентиет.

– Ова се трите главни столбови, а наш предизвик е да работиме на употребливоста односно процентот на искористеност. Кај системот за Интероперабилност има висока искористеност на капацитет и ќе треба да се прошируваат. Не сум задоволен од искористеноста на Националниот портал на електронски услуги преку кој се активни само 20 илјади граѓани, рече министерот за информатичко општество.

Тоа, како што појасни, значи дека иако луѓето можат да извадат електронски извод од матична книга на родени, М1 и М2 потврда електронска, историјат за вработеност, сега работиме у на електронско уверени за латени давачки од Управата за јавни приходи упис на дете во градинка и училиште.. но не ги користат доволно.

– Позитивниот ефект на здравствената криза е дека се зголеми барањето на вакви услуги, но ќе треба да помине време и луѓето да се навикат. Јас сум поекстремен, да укинеме нешто на хартија. Ако престане нешто да постои на хартија ќе мора да се побара услугата електронски, како што е рецептот, рече Манчевски, укажувајќи дека покрај граѓаните и институциите истовремено треба да се навикнат на меѓусебно барање и давање услуги.

Предизвик, како што вели, е и тоа што не се дигитализирани сите клучни бази на податоци. Вчера го одржале првот состанок токму за дигитализацијата на клучните регистри на институциите и за граѓаните и за бизнисите.

– Досега преку порталот нудиме услуги само кон граѓаните, а вториот предзвик е да почнеме и кон другите. Како на пример Министерството за економија има многу регистри од кои се барат податоци, посочи Манчевски.

Трет предизвик е воспоставувањето и почнувањето на 5Г технологијата затоа што, потенцираше, без тоа ќе останеме на ова ниво на дигиталзиација.

– 5Г технологијата значи поголем проток на информации и само на таков начин ќе ни бидат возможни интернет на нешта, автономни автомобили, комуникација со уреди што ги користиме во домаќинствата и слично. Ова ќе повлече и друг предизвик за државата и за институциите, односно промена на начинот на којшто го работиме урбаното планирање, наведе Манчевски, потенцирајќи дека ќе се поставуават драстично помали базни станици и уреди.

Сите активности, како што рече, ќе се регулираат и во тој се работи согласно сите меѓународни стандарди.

На дебатата беа отворени и прашања за штетноста од зрачењата од новите технологии, потребата од дигитална писменост.

ЛДП организира „Pet Friendly“ ден во канцеларијата „Либерално ќоше“

„Pet Friendly“ ден за дружење, разговори и идеи на граѓаните со претседателката на Либерално-демократската партија Моника Зајкова, ќе се одржи денеска во новоотворената канцеларија на ЛДП „Либерално ќоше“ во срцето на Скопје.

- Водејќи се од нашата совесност, свесност и одговорност, покренавме иницијатива за носење на нов закон за благосостојба на животните. Милениците, се семејство, не потрошен предмет и затоа секој сопственик кој го остава својот миленик на улица треба да сноси одговорност и да се обезбеди регулиран систем на одговорно одгледување и размножување. Воедно да се обезбедат соодветни услови за бездомните кучиња и мачки и при тоа да ги заштити граѓаните од несакани повреди, е пораката на Зајкова, стои во соопштението од партијата.

Граѓаните се добредојдени на петочното дружење заедно со своите миленици, а своите идеи и предлози, се додава, може да ги споделат и во писмена форма.

На полето на заштита на животните, ЛДП до Собранието поднесе и предлог за изменување и дополнување на Законот за заштита и благосостојба на животните, којшто ќе воведе построги мерки против оставање животни на улица, поодговорно сопствеништво и ќе ги подобри нивните услови, стои во соопштението.

Во Собранието седница на Комисијата за одбрана и безбедност

Амандманот 5 кон договорот влада со влада за набавка на лесни оклопни возила на тркала JLTV, е со важност до 07 јуни 2024 година.

Во Собранието денеска седница ќе одржи Комисијата за одбрана и безбедност, на која се очекува да се дискутира за Информација за потребата на доделување на Амандман број 5 (Amendment 5 to Letter of offer and acceptance-LOA MK-B-UCC JLTV) кон склучениот договор влада со влада за набавка на лесни оклопни возила на тркала JLTV, помеѓу Владата на Република Македонија и Владата на Соединетите Американски Држави.

Како што стои во образложението објавано на собраниската веб страна за Информацијата потпишана од министерката за одбрана Славјанка Петровска, Амандманот 5 кон договорот влада со влада за набавка на лесни оклопни возила на тркала JLTV, е со важност до 07 јуни 2024 година.

-Врз основа на член 8 став 5 од Законот за јавните набавки во одбраната и безбедноста и член 13 од Уредбата за начинот на доделување на договори со влади на странски држави и Извадокот од Нацрт-записникот од 12-та седница на Владата на Република Македонија, одржана на 26 март 2024 година, со број 41-3655/2 од 26 март 202 година, предметниот материјал има за цел да ја информира Комисијата за одбрана и безбедност во Собранието на Република Северна Македонија за потребата на доделување на Амандман број 5 Amendment 5 to Letter of offer and acceptance-LOA MK-B-UCC JLTV) кон склучениот договор влада со влада за набавка на лесни оклопни возила на тркала JLTV, помеѓу Владата на Република Северна Македонија и Владата на Соединетите Американски Држави, се вели во Информацијата.

Имено, Министерството за одбрана на Република Македонија со Стратегиски одбранбен преглед ги согледа потребите за реформа на одбранбениот сектор за негова интеграција во НАТО. Со Долгорочниот план за развој на одбранбените способности се трасира патот на реформите во одбрана и дава рамка за модернизација и опремување на Армијата на Република Македонија за постигнување на целосна интероперабилност со армиите на земјите партнери во НАТО.

-Еден од клучните проекти за опремување на лесната пешадиска баталјонска група со современа борбена техника е проектот за набавка на лесни оклопни возила на тркала, кој е предвиден да се реализира во периодот 2019-2027 година. Со Извадок од Нацрт-записникот од Деведесеттата седница на Владата на Република Македонија, одржана на 25.09.2018 година, донесен е заклучок со кој се задолжува Министерството за одбрана во соработка со Канцеларијата за одбранбена соработка на САД, да ги искористи можностите кои ги нуди Програмата за набавка на нова и современа опрема со западни платформи ERIP (European Recapitalization Incentive Program), потребна з аопремување на декларираните сили, посебно за лесната пешадиска баталјонска група, стои во Информацијата.

Во Информацијата се посочува дека со Извадок од Нацрт-записникот од Сто и седумдесет и втората седница на Владата на Република Македонија, одржана на 24 декември 2019 година, Владата донесе заклучок се го прифати Договорот со владата на САД за набавка на лесни оклопни возила на тркала за потребите на Армијата на Република Северна Македонија согласно Писмото за понуда на прифаќање на понудата (Letter of Offer and Acceptance-LOA0 FMS Case MK-B-UCC од 12 декември 2019 година.

-Целокупниот проект се однесува за набавка на 96 лесни оклопни возила JLTV од производителот OSHKOSH. Во периодот од 2019 година заклучно со 2023 година, во однос на предметната набавка досега се склучени четири Амандмани кон договорот и вкупно се порачани 71 лесно оклопно возило JLTV. На ден 22 март 2024, од Владата на Соединетите Американски Држави добиен е Амандман број 5 (Amendment 5 to Letter of offer and acceptance-LOA MK-B-UCC JLTV) кон склучениот договор влада со влада за набавка на лесни оклопни возила на тркала JLTV, помеѓу Владата на Република Македонија и Владата на Соединетите Американски Држави, кој се донесува на набавката на преостанатите 25 лесни оклопни возила, со што ќе се комплетира набавката на овој вид на возила, се вели во Информацијата.

Се посочува дека Управната група во Министерството за одбрана го разгледала Амандманот број 5 и донесе заклучок дека текстот е усогласен помеѓу Канцеларијата за одбранбена соработка од Амбасадата на САД во Република Македонија и Министерството за одбрана, Амандманот 5 е во согласност со писмото за барање за конкретна набавка, претходните одлуки на Програмска и Управна група во Министерството за одбрана за набавка на лесни оклопни возила на трката JLTV, со што се исполнети условите од членот 11 од Уредбата, односно ги содржи елементите утврдени со ФМС процедурите и истото претставува договор за набавка и да продолжи постапката и пред Владата на Република Македонија, со цел негово донесување.

-Со набавката на преостанатите 25 лесни оклопни возила JLTV и со склучувањето на Амандман 5 кон договорот влада со влада за набавка на лесни оклопни возила на тркала JLTV, помеѓу Владата на Република Македонија и Владата на Соединетите Американски Држави, ќе заврши првата фаза за опремување на Армијата и лесната пешадиска баталјонска група со лесни оклопни возила на тркала JLTV, набавката ќе се изведе поекономично и поефикасно и како краен резултат ќе се реализираат причините поврзани со интероперабилноста на меѓународни операции и мисии, нужните потреби за функционирање на Армијата на Република Македонија во меѓународни операции и мисии, со што сметаме дека се исполнети условите утврдени во член 4 став 1 алинеја 1, 2, 3 и 6 од Уредбата, се посочува во Информацијата.

Состанок на Стопанската комора на Македонија со претставници на СДСМ

Стопанската комора на Македонија денеска ќе одржи работен состанок со претставници на политичката партија СДСМ.

Пред средбата предвидени се изјави за медиумите од страна на претседателот на Стопанската комора на Македонија, Бранко Азески и претседателот на СДСМ, Димитар Ковачевски.

притисни ентер