Македонските туристички дестинации на саем за туризам во Варшава

На саемот учествуваат повеќе од 50 држави.

Агенцијата за промоција и поддршка на туризмот (АППТ) е меѓу учесниците на 28. издание на саемската манифестација Internacional travel show TT WARSAW, во рамки на активностите за промоција на македонските туристички дестинации и зголемување на бројот на туристи од полскиот туристички пазар.

На саемот учествуваат повеќе од 50 држави и 450 изложувачи, 130 туроператори и 20 000 посетители кои сакаат да одберат атрактивна дестинација за нивниот следен одмор. Полскиот туристички пазар, како што укажува АППТ, е во петте најбрзорастечки пазари. Очекувањата на Агенцијата за наредната година се зголемување на полските туристи за 15 до 20 проценти.

-На македонскиот штанд чие брендирање ги отсликува туристичките дестинации покрај Агенцијата за туризам учествуваат ко-егзибиторите, МакСан, Туринг Македонија, Експириенс Балкан и ДМЦ Балканс. На покана на АППТ, македонскиот штанд е посетен од в.д амбасадор Илија Псалтиров. Oстварени се повеќе средби со тур оператори од Полска и благодарение на соработката со СИППО- швајцарска програма за промоција на извозот изработена е брошура со учесниците на македонскиот штанд. Овој Инфо буклет како промотивен маил е испратен до туристички субјекти преку мрежата на ЕСЕАТ во Полска. Во соработка со ИМЕ- програмата за зголемување на пазарната вработливост изработени се 3Д видеа со можност на посетителите да им ја покажеме виртуелната реалност од убавините на Македонија, виртуелно ќе можат да нуркаат во заливот на коските, да летаат со праглајдер итн, информира АППТ.

За периодот од јануари до септември годинава споредено со истиот период од минатата година е забележан раст од 16 проценти на бројот на туристи и на остварени ноќевања за 15 проценти од туристичкиот пазар Полска. Полските туристи учествуваат со пет проценти во вкупниот број туристи во државава во првите девет месеци од годинава.

Промотивните активности на АППТ за зголемување на бројот на полски туристи покрај учество на саемски манифестации вклучуваат реализација на прв и втор дел медиумска кампања, информативни патувања за новинари, инфлуенсери и тур оператори. И во вториот дел од медиумската кампања, Агенцијата планира промоцијата да ја насочи на електронски медиуми, со 100 проценти онлајн рекламирање.

-Анализа за посета на веб страна www.northmacedonia-timelss.com ни дава информации за успешната реализација на онлајн промотивната кампања изминатиот период. Пикот на посети на веб страната www.northmacedonia-timeless.com од Полска е во месеците мај и јуни кога беше во тек медиумската кампања за промоција на Македонија на полскиот туристички пазар. Вкупниот број на посети во период јануари-октомври 2022 год. е зголемен за 48,9 проценти споредено со 2021 година, информира АППТ.

Трет дел од хитот на Марвел, трејлерот прегледан 10 милиони пати за еден ден (ВИДЕО)

По долго чекање, последното поглавје од трилогијата на Чуварите на Галаксијата е на пат да се појави во кината.

Првиот трејлер за филмот Guardians of the Galaxy Vol. 3 беше објавен вчера, по премиерата на Brazil Comic Con, а за помалку од еден ден собра над 10 милиони прегледи на YouTube. Третиот дел го означува враќањето во авантурите на група неверојатни херои кои - благодарение на водството на режисерот Џејмс Ган - станаа една од најомилените групи во филмскиот универзум на Марвел.

Трејлерот покажува висока драма меѓу галактичките авантуристи, вклучувајќи ги Старлорд (Крис Прат), Гамора (Зои Салдана), Дракс (Дејв Баутиста), Небула (Карен Гилан), Мантис (Пом Клементиеф), Грут (гласот на Вин Дизел) и Ракет Ракун (глас позајмен од Бредли Купер).

Ракет Ракун често се гледа во трејлерот, вклучително и ретроспективна сцена кога тој е многу мал вселенски ракун, кој им ветува на гледачите приказна за саканиот херој. Помалку присутна е Гамора, која преку настаните од Avengers: Endgame од 2019 година повеќе не е свесна за нејзината поврзаност со тимот.

Првите два филма од трилогијата претежно прикажуваа популарна музика од 60-тите и 70-тите, а изборот на музика во овој трејлер може да биде навестување дека саундтракот на високоочекуваниот трет дел може да биде малку посовремен, со мелодии од 80-тите и 90-тите .

Филмот пристигнува во кината на 5 мај 2023 година.

Германски амбасадор: Наскоро очекуваме нов бран бегалци од Украина

Германскиот амбасадор во Велика Британија, Мигел Бергер, денеска изјави за „Скај њуз“ дека во наредните недели очекува нов бран украински бегалци, што ќе се совпадне со ниските температури.

„Путин продолжува да го тероризира цивилното население. Ние сме многу загрижени поради тоа, бидејќи овие напади врз енергетската инфраструктура значат дека многу луѓе кои се смрзнуваат на ниски температури би можеле да бидат принудени да ја напуштат Украина“, рече Бергер, додавајќи дека очекува „нова бран на бегалци“ како резултат на тоа.

Снег веќе падна во голем број украински градови, вклучувајќи го и главниот град Киев, а жителите се борат со ниските температури и руските напади врз енергетската инфраструктура, што предизвикуваат периодични прекини на струјата, водата и греењето. Од почетокот на војната, стотици илјади украински бегалци избегаа во Германија.

Во однос на дипломатијата, Бергер вели дека Германија не гледа суштинска промена во позицијата на Русија, што не го прави оптимист за преговорите меѓу Москва и Киев: „Не само што не гледаме суштинска промена во позицијата на Русија, туку и нема подготвеност за дипломатско решавање на конфликтот“.

Синот на фудбалска легенда на 13 годишна возраст потпиша договор со Реал

Ензо Алвес Виеира потпиша договор со Реал Мадрид.

Веројатно немаше да добие простор во медиумите доколку зад името не се криеше 13-годишниот син на клупската легенда и најодликуван играч на шпанскиот гигант, Марсело. Бразилскиот лев бек играше за Реал Мадрид од 2007 до оваа година кога потпиша за Олимпијакос.

Со Реал освои 25 титули, од кои шест за најдобриот тим во шпанското првенство и пет за најдобриот тим во Лигата на шампионите. Има две деца. Енцо има 13 години, постар брат на 7-годишниот Лијам. Марка го опишува младиот фудбалер како „голем скапоцен камен“ на младиот тим на Реал. Тој игра на позицијата напаѓач.

притисни ентер