Ракомет

Македонија против Украина го почнува Европското ракометно првенство

Македонската ракометна репрезентација вечерва против Украина го почнува настапот на Европското првенство..

Шестиот настап на европските ракометни првенства, репрезентацијата на Македонија ќе го отвори со Украина, во меч што ке се игра во Виена. Според минатиот труд и моменталниот квалитет, Македонија важи за фаворит но непишаното правило вели дека на отварањето им е најтешко токму на оние на кои што им се предвидува триумф. Стартна победа секако би била добродојдена во прсрет на дуелите со Австрија и Чешка во кои што ке се бара пласман на првите две места во групата што водат во втората фаза. Македонија и на овој шампионат има тим составен од искусни и млади ракометари, амбициите како и секогаш е да се помине првиот круг,а потоа да се бара шанса за што подобар пласман. Аналитичарите не го вбројуваат нашиот тим меѓу кандидатите за полуфинале, што е засновано на реално поткрепени проекции но и како состав што би можел да им создаде проблеми на некои од фаворитите. Македонија на досегашните пет првенства освен петтото место во Србија пред 8 години секогаш има пласман меѓу 10-то и 12-то место. Нашиот национален тим во претходните четири врзани шампионати има остварено вкупно седум победи, пет реми и 13 порази.

Нашиот вечерашен противник Украина пак, за шестиот настап на собирот на најдобрите европски селекции се враќа по пауза од 10 години. Во четирите официјални натпревари со Украинците, Македонија има една победа, две реми и еден пораз. Во последниот меѓусебен меч од квалификациите за претходното Европско првенство пред две и пол години Македонија и Украина во суми играа нерешено 27-27.

Дуелот Македонија – Украина во Виена ке почне во 20:30 а ке го води норвешката судиска двојка Ларс Јорум и Хавард Клевен. Штадхале во Виена има капацитет од 16.000, а според најавите и вообичаените навики на македонските љубители на ракометот, нашиот тим ке има поддршка од неколку илјади навивачи.

Регион

Маж од Подгорица исфрлил гола проститутка на улица, полицајците шокирани од полот (ФОТО)

Случајни минувачи кои пред неколку ноќи се нашле во елитната населба Мастер кварт во Подгорица биле сведоци на крајно бизарна сцена - на улица имало сосема гола проститутка.

Како што дознава Телеграф.рс., неименуван маж исфрлил целосно гола проститутка од станот на улица.

Околу 3 часот и 25 минути, случајни минувачи пријавиле во полиција дека преку Блажов мост кон Собранието на Црна Гора се движела сосема гола жена.

Се покажало дека е транс девојка.

Како што дознава Телеграф.рс, претходно дошло до расправија.

Предметната девојка била од Шпанија и работела како деловна придружба.

Била со партнерот и не сакала да соработува со полицијата. Таа била пренесена во Ургентниот центар за да се провери дали е повредена, но таа одбила помош.

Инаку, дотичната има профили на сајтови за придружба, на кои јасно се посочува дека е транс и дека сè уште не направила операција за промена на полот, објави Телеграф заедно со ВИДЕО.

Живот

Старателка призна дека убила дете и го фрлила во шахта: Имав син, му го одзедов животот (ВИДЕО)

Старателката Пами Меј (48) од Колумбус, Охајо, признала дека го убила момчето Дарнел Тејлор (5), а потоа го фрлила неговото тело во шахта.

Таа на 13 февруари годинава збеснала кога го видела како јаде грицки во креветот, а потоа решила да го казни, објави Ен-Би-Си.

Почнала да го дави со рацете, а кога сфатила дека момчето не е живо, телото го фрлила во шахта во близина на куќата во која живееле.

Телото на момчето било пронајдено неколку дена подоцна.

Пеми веднаш била уапсена и во полиција го признала убиството, а нејзиното признание е снимено на камера.

„Барем имаш деца. Имав син, но му го одзедов животот“, се слуша како Пем му кажува на еден од полицајците.

Во видеото таа открила дека решила да го убие Дарнел откако претходно во текот на денот го видела како се прикрадува со грицки во креветот.

Тоа толку ја налутило што точно планирала како да го убие момчето.

Во еден момент влегла во собата и почнала да го гуши. Таа рече дека момчето се обидело да се одбрани, но во еден момент престанало да се движи.

„Тогаш сфатив дека повеќе не е жив“, рече таа.

За време на полицискиот разговор, Пеми не покажала никакви емоции или знаци на каење.

Судењето на Пеми се очекува да започне на 25 април.

Свет

Аргентина бара партнерски статус во НАТО

Аргентина побара од НАТО да стане еден од глобалните партнери на тој безбедносен сојуз, изјави денеска министерот за одбрана Луис Петри во време кога неговата земја бара начин да ги зајакне врските со САД и Европската унија.

Аргентина во вторникот објави дека купува 24 американски борбени авиони Ф-16 од Данска, договор поддржан од Вашингтон.

Министерот Петри се сретна со заменик генералниот секретар на НАТО, Мирчеа Џоана и му врачи писмо во кое се изразува интересот на Аргентина да стане партнер на западната воена алијанса, објави министерот на X.

Според НАТО, глобалните партнери работат со членките на алијансата за споделување разузнавачки информации и учество во воени вежби.

Глобалните партнери на НАТО ги вклучуваат, меѓу другите, Австралија, Колумбија, Ирак, Јапонија, Јужна Кореја, Монголија, Нов Зеланд и Пакистан.