Македонија подготвена за старт на преговорите за членство во ЕУ

Македонија е подготвена да ги започне преговорите со Европската Унија и во моментов е во подобра позиција од останатите држави во регионот – вели директорката на институтот за европски политики Симонида Кацарска. 

Според неа, долгогодишното искуство на земјава во чекалната на ЕУ ја има најголемата улога за тоа, бидејќи во тој период, Македонија скоро целосно го има усогласено своето законодавство со тоа на Унијата. Сепак, Кацарска вели дека и покрај тоа што земјава е во добра кондиција и има предност во некои области пред Србија и Црна Гора, процесот ќе се одвива различно, поради новата француска методологија.

Дека Македонија активно се подготвува за почетокот на преговори потврди и главниот преговарач на земјава Бојан Маричиќ во емисијата „Само Вистина“ на Канал 5. Маричиќ кажа дека дел од тимовите за преговори се веќе формирани и очекува Македонија да биде целосно подготвена за старт на преговорите со Унијата.

Одлуката на советот на министри да и даде „зелено светло“ на Македонија за старт на преговори предизвика и внимание во странските медиуми. Австриски „Ди Пресе“ анализира дека земјава ја добила одлуката благодарение на светската пандемија со Корона вирусот, која според нив ја олеснила одлуката на земјите-членки.

Не изостанаа ниту грчките медиуми кои во голем дел, покрај за одлуката на Советот на министри, ги пренесуваат и реакциите на државно – политичкиот врв во земјава.

Мицкоски: Нема да дозволам ВМРО-ДПМНЕ да стане тоа што е СДСМ

Нема да дозволам ВМРО-ДПМНЕ да стане тоа што е СДСМ, ниту пак ќе дозволам „Вреди“ да стане тоа што беше ДУИ. 

Ќе има работа, но и одговорност, порача лидерот на ВМРО-ДПМНЕ и мандатар Христијан Мицкоски од Велес, на прославата на која партијата одбележа 34 години постоење. Мицкоски пред членството вети дека новата Влада наместо со штетни договори, ќе ја води Македонија напред со многу труд, борба со криминалот и корупцијата и достоинствен живот за сите граѓани. „Немаме сто дена, ниту грејс период… Не може никој од вас да има приватни бизнисни и да води институции – порача Мицкоски.

-Во изминатиот период кога се договараше оваа влада внимателно ги следев оние пораки од одредени политички центри од новата опозиција дека премногу им се дало на коалицијата Вреди што е ноторна измислица, замислете тие кои коленичеа во Речица кои 7 години беа главни измеќари на ДУИ нам кои повративме најмалку три четвртини од позициите кои ги изгубија ни велат дека сме дале премногу. Се додека албанските и другите коалициони партнери работат по закон и во интерес на државата ќе бидеме еднакви партнери во Владата, изјави Мицкоски.

Лидерот на ВМРО-ДПМНЕ упати повик и до СДСМ за национално единство за најважните државни прашања, им посака побрзо да се консолидираат во успешна опозиција и покрај длабоката поделеност во партијата кажа дека во него имаат партнер за иднината на државата.

-Им подавам рака за македонско национално единство за сите важни прашања за државата. Посакувам да ги надминат огромните проблеми и да седнеме на маса да разговараме за иднината на нашата татковина. Секако ова никако не треба да го сфатат како амнестирање од одговорноста за криминалите, но значи дека во нив ќе гледам партнер со кого имаме одговорност поради сегашните и идните генерации да работиме на создавање на единствени државни позиции кога станува збор за суштинските прашања од важност за Македонија, изјави Мицкоски.

ВМРО-ДПМНЕ според Мицкоски во изминатите 34 години имала многу светли моменти кои ги направиле горди, но имало и моменти кога се грешело и кои нанесувале штета. Но, како актуелен претседател кажа дека ќе се однесува со еднаква почит кон секој претходен претседател на ВМРО-ДПМНЕ - и кон Љубчо Георгиевски и кон Никола Груевски, како што рече без оглед на тоа колку се далечни или блиски нивните ставови со она што е ВМРО-ДПМНЕ денес.

Лазарини: Израел најави тактички прекин на борбите, но судирите продолжија во Газа

Израелскиот премиер Бенјамин Нетанјаху вчера ги критикуваше плановите објавени од израелската армија за дневни паузи во борбите долж еден од главните патишта што водат во окупираната палестинска енклава.

Судирите продолжуваат во градот Рафа и на југот на окупираната палестинска енклава и покрај соопштението објавено вчера од израелската армија со кое најави тактички паузи во воените операции во зоната на конфликтот во Појасот Газа со цел да се достави хуманитарна помош, изјави денеска шефот на Агенцијата за помош на ОН на Палестинците (УНРВА) Филип Лазарини на прес-конференција во Осло.

Израелскиот премиер Бенјамин Нетанјаху вчера ги критикуваше плановите објавени од израелската армија за дневни паузи во борбите долж еден од главните патишта што водат во окупираната палестинска енклава.

Комесарот на УНРВА, Филипе Лазарини, главната организација за испорака на хуманитарна помош во Појасот Газа, потврди дека нема пауза во борбите.

притисни ентер