Лукаревска од Крива Паланка: Сработеното ни дава право да кажеме "Најдоброто" е печат на СДСМ!

Денеска започнаа зголемените теренски активности на СДСМ, маалските средби со граѓаните и граѓанските трибини ширум земјава, се наведува во партиското соопштение.

Заменик претседателката на СДСМ, Сања Луаревска на маалска средба со граѓаните на Крива Паланка, зборуваше за сработените проекти во изминатите 4 години на централно и локално ниво за оваа општина.

„Сработеното ни дава право да кажеме гордо дека „Најдоброто за нашата општина" е печат на СДСМ, особено овде во Крива Паланка! Најдоброто затоа што имаме најмногу реализирани проекти и најдобра кадрвоска понуда" рече Лукаревска.

Зборувајќи за политиките на СДСМ за рамномерен развој на целата држава, Лукаревска посочи дека североисточниот дел од државата порано беше целосно заборавен а владата на СДСМ инвестира во огромен број инфраструктурни проекти кои се или реализирани или во фаза на реализација.

„Целиот Исток, целиот овој регион беше заборавен од претходната власт. А, токму овој регион е вратата на нашата држава кон северо-истокот и неговиот инфраструктурен развој е од исклучителна важност за меѓународната соработка и економскиот развој. И еве видливи се промените, за само неколку години откако СДСМ ја има честа и одговорноста да ја води централната и локалната власт. Во паланечкиот регион изминатите четири години се реализирани или се во фаза на реализација сериозни инфраструктурни проекти: како патот Крива Паланка – Огут и патот Крива Паланка – Луке, обновени за прв пат после 40 гидни. Патот Ранковце - Крива Паланка, Страцин - Крива Паланка, Деве Баир – Крива Паланка, но и патниот правец Узем-Тораница, инвестиција која е од огромно значење за економскиот развој на овој регион. Тоа е СДСМ, ние така знаеме, наместо во барок и споменици да инвестираме за граѓаните" рече Лукаревска.

Заменик претседателката потенцираше и неколку проекти и инвестиции кои ги има реализирано локалната самоуправа во Крива Паланка предводена од СДСМ, за градот но и за населените места во општината.

„Гледавме дека и Крива Паланка се инвестира и модернизира. Гледаме обновени училишта, регулација на реки, тротари, проширени капацитети на градинка. Се решаваат долгогодишни проблеми на жителите на населените места. Од водоводна мрежа во село Луке, локален пат во Трново, во Голема Црцорија и многу други. Затоа велиме „Најдоброто" затоа сме фаворити и на следните локални избори " додаде Лукаревска.

СДСМ во периодот што следи со засилено темпо го продолжува континуитетот на теренски активности со директен пристап кон граѓаните. Преку урбани, маалски средби, граѓански трибини и средби со целни групи го презентираме сработеното но и ги слушаме граѓаните и нивните потреби, преку кои заеднички креираме политики и проекти за развој.

Докажавме дека сме партија која се грижи за граѓаните и затоа довербата во СДСМ постојано расте, затоа СДСМ е фаворит на претстојните локални избори.

„Дубаи мол“ лани го посетиле рекордни 105 милиони луѓе

 Сопствениците на „Дубаи мол“ во Обединетите Арапски Емирати, сооопштија дека трговскиот центар лани го посетиле рекордни 105 милиони луѓе, што го прави најпосетуваното место во светот во 2023 година.

Така, трговскиот центар стана светска атракција, според управителите, привлекувајќи посетители од целиот свет. Управата наведува и дека е забележан скок од над 19 отсто во однос на 88 милиони во 2022 година. А пак, само во првите два месеци од оваа 2024 година, забележани се 20 милиони посетители, така што и годинава „Дубаи мол“ најверојатно ќе постави нов рекорди.

- Овие бројки го одразуваат импресивниот статус на трговскиот центар во Дубаи и го одразуваат напредното лидерство на Дубаи и силната економија. Нашиот трговски центар го отелотворува живиот дух на градот и посветеноста на извонредноста, претворајќи ја визијата на менаџментот во реалност. Како составен дел од економското ткиво на Дубаи, ние играме клучна улога во неговиот успех и иновативност, рече Мохамед Алабар, основач на компанијата „Емаар“ којашто управува со трговскиот центар.

„Дубаи мол“ има околу 1.200 продавници на познати брендови облека, обувки, модни додатоци, апарати за домаќинство итн, а тука се наоѓаат и околу 200 ресторани и кафулиња. Уште една причина за посетеноста е и аквариумот, каде што живеат 33.000 животни. /МИА

Куќен притвор од 48 часа за две лица поради убиството на лекарот во Железара

Куќен притвор во траење од 48 часа е определен за две од лицата кои беа задржани за убиството на докторот во скопската населба Железара, соопшти утринава Јавното обвинителство. 

Оттаму информираат дека ваква мерка е побарана со оглед на тоа што се уште се преземаат дејствија за обезбедување докази.

- Јавен обвинител од скопското Основно јавно обвинителство, синоќа до судијата на претходна постапка од Основниот кривичен суд Скопје, достави предлог за определување мерка краткотраен куќен притвор, во траење од 48 часа, за две од лицата кои беа задржани во врска со убиството на лекар во скопската населба Железара. Тоа, со оглед на тоа што сѐ уште се преземаат дејствија за обезбедување докази. Предлогот е прифатен и бараната мерка е определена, се вели во информацијата од Јавното обвинителство.

Техничкиот министер за внатрешни работи Панче Тошковски вчера изјави дека се приведени вкупно три лица поврзани со убиството на лекарот.

- Претресот е завршен во текот на доцните часови, се продолжува со други истражни дејствија, со цел да може да се утврди соодветно фактичка состојба, штом имаме дополнително нови информации, јавноста ќе биде благовремено известена, изјави Тошковски, при посетата на општина Босилово.

Шеесет и седумгодишниот лекар, минатата недела беше пронајден избоден до смрт во неговиот автомобил. Според првичните информации, мотивот за убиството не е поврзан со професијата на жртвата.

Лек за слабеење кој ја зголемува плодноста кај жената

Лекот за дијабетес „Оземпик“ (Ozempik), којшто многу жени го користат и за губење килограми, има уште еден „неочекуван ефект“ - бременост, објави „Пипл“ (People).

Дека сè ова не е случајност, се чини, укажува тоа што на интернет сè почесто се појавуваат приказни за жени кои забремениле поради „Оземпик“... Се покажа дека тој лек некако „ги неутрализира“ контрацептивните средства коишто корисничката ги зема во истовреме... А пак, други си се сметале за неплодни, па бременоста ги изненадила. Така, една жена раскажува дека не можела да забремени неколку години, па со партнерот им успеало откако таа два месеци редовно земала „Оземпик“ заради слабеење. И, родила здраво дете.

Се испостави дека самото губењето тежина, всушност, влијае врз плодноста и општото хормонално ниво.

- Дури и ако се работи за само неколку килограми, тоа веќе може да доведе до продолжување на овулацијата кај жената и таа ќе може да забремени. Нашите масни клетки произведуваат естроген, којшто може да има негативен ефект врз нашите јајници и овулацијата. Тоа може негативно да влијае и на слузницата на ендометриумот, вели акушер-гинекологот Иман Салех.

Покрај тоа, „Оземпик“ со својата формула го намалува и ефектот на контрацептивни лекови, што бара дополнително внимавање додека се зема овој лек.

Сепак, лекарите забрануваат земање на лекот само заради бременост - тоа е премногу опасно и за мајката, а потоа и за детето.

„Испитувањата на стаорци, зајаци и мајмуни покажуваат дека лековите за слабеење може да предизвикаат и спонтан абортус и вродени деформитети ако се земаат за време на бременоста. Сè уште нема студии за луѓе. Жената, исто така, треба да престане да зема лек за слабеење најмалку две недели пред бременоста“, препорачува компанијата-производител на лекови, „Ново Нордиск“.

Опасностите се, сепак, преголеми за да се експериментира на себе, според лекарите. /МИА

притисни ентер