Литванија му испрати порака на рускиот претседател: Путин, те чека Хаг

Литванија испрати силна порака до рускиот претседател Владимир Путин откако Меѓународниот суд на правдата во Хаг издаде налог за негово апсење.

Министерството за надворешни работи на земјата објави на Твитер фотографија од транспарент на облакодер во литванскиот главен град Вилнус на кој пишува „Путин, те чека Хаг “.

Градоначалникот на Вилнус, Ремигијус Симасиус, во март минатата година ја напишал истата порака со боја во спреј на патот пред руската амбасада во градот, пишува „Sky News“.

Меѓународниот кривичен суд во Хаг вчера издаде налог за апсење на рускиот претседател Путин за воени злосторства.

Издадени се два налози за апсење – против Путин и руската комесарка за правата на децата Марија Лвова-Белова. Правната пријава гласи: „воени злосторства“. Поточно, станува збор за депортација на деца од Украина во Русија, која наводно се вршела од февруари 2022 година.

Судот тврди дека има доволно причини дека самиот Путин е кривично одговорен за гореспоменатите дела. Во мај, рускиот претседател потпиша указ со кој се овозможува побрзо давање државјанство на украинските деца во Русија. Освен тоа, Путин, како што е наведено во налогот за апсење, не влијаел врз неговите цивилни и воени подредени да ги одврати од извршување воени злосторства.

Финскиот министер за одбрана се противи на испраќањето авиони „Хорнет“ на Украина

Финскиот министер за одбрана Анти Кајконен денеска изјави дека не сака да донира борбени авиони „Хорнет“ на Украина.

„Моето мислење како министер за одбрана на Финска е дека ни требаат тие авиони за да ја заштитиме нашата земја“, рече Кајконен на прес-конференција во Хелсинки.

„Се чувствувам негативно за идејата да ги донирам во следните неколку години. И ако погледнеме понатаму, мислам дека тие ќе се истрошат со текот на времето и ќе бидат малку корисни“, рече тој.

Финска ќе ги замени своите стари Хорнети со Ф-35 што ги нарача во 2021 година, а првиот авион се очекува да биде испорачан за две до три години.

Финска, сепак, ќе обезбеди дополнителна воена опрема за Украина, вклучително и уште три тенкови Леопард 2, како и претходно слична донација, рече министерот. Можноста за донирање на Хорнет на Украина беше спомната за време на неодамнешната посета на финската премиерка Сана Марин на Киев.

На прашањето на новинарите дали на Украина треба да ѝ се дадат борбени авиони, таа рече дека Финска треба да размисли дали нејзините Хорнети ќе бидат соодветни за таа цел, но не ветила.

Мицкоски: Точно е дека има притисоци за уставни измени, но јас нема да попуштам ниту милиметар

Претседателот на ВМРО-ДПМНЕ, Христијан Мицкоски за „Само интервју“ на Канал 5 телевизија говорејќи за уставните измени, истакна дека точно е дека постојат притисоци, но нема да попушти ни милиметар.

Мицкоски за „Само интервју“ на Канал 5 телевизија говорејќи за уставните измени, истакна дека точно е дека постојат притисоци, но нема да попушти ни милиметар, бидејќи не се работи за инает, туку за одбрана на државните интереси.

- Ако ме прашувате дали има притисок и дали има непријатни состаноци, ќе ви кажам да, има притисок и има непријатни состаноци. Но ако ме прашате дали сум подготвен да паднам на тој притисок ќе ви кажам дека ни милиметар нема да се поместам. Затоа што моите аргументи кои јас ги пренесувам на тие состаноци не се аргументи темелени на инает туку на логичен след на настаните. Разговараме и дебатираме, потенцира Мицкоски.

Мицкоски посочи дека ВМРО-ДПМНЕ ставот го кажа уште во 2022 година и дека оттогаш ништо не е променето.

- Нашата позиција беше јасна уште на онаа прес конференција на 28 април 2022 година. Тука не поставиме простор никој да има дилема, втората точка од таа прес конференција беше формирање на тимови кои ќе преговараат со Бугарија и вклучување на тимови од ВМРО-ДПМНЕ кои ќе работат про-боно да и помогна на владата. Затоа што замислете го Ковачевски поставен во јануари 2022, неизбран од народот, веќе во април стигнува информации дека нешто се пдоготвува, зилеговме во јавност у понудивме решение и прашуваме дали овој човек имал воопшто информации за процесот. Секако тој не е вториот Кисинџер да може за 3 месеци да направи нешто со кое сите ќе бидеме задоволни затоа понудивме луѓе кои ќе помагаат, за жал бевме одбиени, рече Мицкоски.

Мицкоски додаде и дека потоа имаше средба заедно со потпретседателот Николоски заедно со пратеникот Милошоски со Маричиќ и координаторот на пратеничката група на СДСМ Јован Митревски на кој власта повторно изнесе плитки аргументи и не сакаше да ги прифати аргументите на ВМРО-ДПМНЕ:

- Бидејќи ги следам пораките кои доаѓаат од СДСМ да сме се вклучеле да работиме на уставните измени и да сме аргументирале тоа за кое ние сме биле против, може тие имале спротивни аргументи. Седевме на тој состанок ги кажавме аргументите, а од другата страна не добивме контрааргументи, туку констатиравме дека нивните аргументи се плитки. Тие одлучија да влезат во авантура и да се создаде проблем, изјави Мицкоски.

Хајди Клум облече фустан што изгледа како течен метал

Хајди Клум привлече внимание со модната комбинација на Fashion Trust Awards.

Германската манекенка се појави во сребрен фустан на Кејт Бартон, што изгледаше како течен метал. Ја стегна половината со огромен метален појас, а во раката носеше чанта во форма на аквариум со риба.

Хајди редовно привлекува внимание со своите модни избори, некои на црвениот тепих, некои имагинативни костими поради кои го доби прекарот „Кралица на Ноќта на вештерките“.

притисни ентер