Лидерот на Хезболах негира поврзаност со експлозијата во Бејрут

Лидерот на проиранската група Хезболах, Хасан Насралах ги отфрли обвиненијата дека неговата група го контролирала пристаништето во Бејрут, кое е уништено од катастрофалната експлозија претходно оваа недела.

„Објавувам и категорично отфрлам дека нешто во пристаништето е наше; нема складишта за оружје, ракети, пиштол, бомба, куршум, нитрат“, рече Насралах во телевизиското обраќање, побивајќи ги некои обвинувања во Либан и во странство дека неговата група имала оружје складирано во пристаништето. .

„Нема апсолутно ништо, во сегашноста, минатото и иднината. Истрагите ќе го потврдат тоа“, рече тој.

„Некои ќе им кажат на Либанците дека Хезболах треба да биде обвинет (за експлозијата во пристаништето). Тоа е лажно обвинение“, рече тој.

Насралах повика на фер и транспарентна истрага за експлозијата во вторникот.

Според него, експлозијата што ја погоди либанската престолнина е без преседан во модерната историја и бара меѓународно единство и не треба да се политизира.

Тој ја поздрави солидарноста што ја покажуваат земјите ширум светот, велејќи дека тоа е можност за Либан, кој веќе некое време се соочува со тешка економска криза.

Двојната експлозија со невидена деструктивна моќ што го опустоши Бејрут, според некои аналитичари, дополнително ќе ја ослабне веќе кревката влада во таа банкротирана и високо поларизирана земја.

Владата на Хасан Диаб, формирана во јануари 2020 година, е претставена како кабинет на технократи и е под критики за тоа што е подредена на партијата на претседателот Мишел Аун и на неговиот неуништлив сојузник Хезболах.

Влада која го одложува спроведувањето на економските реформи, побарани од меѓународната заедница и Меѓународниот монетарен фонд (ММФ) за излез од кризата, предизвикува бес и револт кај населението.

Таа дополнително беше ослабена оваа недела со оставката на министерот за надворешни работи, дипломатот од кариера, Насиф Хити, кој посочил на „недостаток на вистинска волја“ за започнување на реформите.

Британската кралица го поништи одликувањето,што му го дала на холивудскиот предатор

Британската Кралица Елизабета официјално му го поништи одликувањето на Харви Вајнштајн, откако е осуден за сексуален напад на асистентката и силување на актерка.

„Кралицата нареди веднаш да се откаже и поништи одликувањето на Харви Вајнштајн за почесен командант на цивилниот огранок на најзначајниот поредок на британската империја, од 29 јануари 2004 година“, се вели во официјалното соопштение.

Шеесет и осумгодишниот Вајнштајн отслужува 23-годишна затворска казна во државата Њујорк откако беше осуден на 24 февруари.

Вајнштајн ја обжали пресудата.

Некогаш еден од најмоќните продуценти на Холивуд, Вајнштајн (67) е прогласен за виновен за сексуален напад врз поранешната асистентка Мими Халеји во 2006 година и за силување на Џесика Ман, поранешна актерка, во 2013 година.

Повеќе од 80 жени, меѓу кои и познати актерки, го обвинија за сексуално вознемирување извршено во последните децении. Тој ги негира сите обвиненија и тврди дека жените се согласиле да имаат секс со него.

Обвинителите го претставија за време на судењето како сериски предатор кој манипулирал со жените ветувајќи им дека ќе им ги отвори вратите во светот на филмот, привлекувајќи ги во хотелски соби и приватни апартмани каде потоа ги напаѓал.

Ман рече дека тој е како „д-р Џекил и мистер Хајд“, шармантен во јавноста, но често застрашувачки бесен кога биле сами.

Вајнштајн е обвинет за сексуален напад и во Калифорнија, а десетици жени поднеле граѓански тужби против него.

Возел со 150км/час и спиел, го разбудила полицијата

Го спуштил седиштето, го вклучил автоматскиот пилот и заспал, а потоа полицијата го запре додека возел со 140 км на час.

Сопствениците на Тесла сега се веќе познати по глупостите зад воланот, сето тоа поради еден систем-автопилотот.

Полициската патрола во Канада не можела да поведува откако добиле извештај за брзо возење на Tesla Model S. Теслата возела преку 140 км на час, а потоа полицијата виде нешто неверојатно - предните седишта биле спуштени. Да бидат работите уште полоши, возачот и совозачот спиеле. Откако полицијата ги вклучила сирените, автомобилот Тесла автоматски забрзал до 150 км на час.

Кога конечно го запреле возилото, утврдиле дека 20-годишник е зад воланот. Тој бил казнет за брзо возење на самото место, а возачката дозвола му била одземена на 24 часа поради замор. По понатамошната истрага и консултација со обвинителот, возачот е обвинет и за опасно возење, што претставува „сериозно дело во кое возачот го вози возилото за да ја загрози јавната безбедност“. Неговата возачка дозвола се очекува да му биде одземена на една година, а тој може да добие казна затвор до пет години.

Емили Ратајковски ги објави снимките кога била сексуално злоставувана(ФОТО)

Во есејот што го напиша за списанието „Њујорк магазин“, Емили Ратајковски го обвини фотографот Џонатан Ледер за сексуален напад врз неа во 2012 година во неговиот дом во Катскилс.

Како што објаснила, никогаш не и било платено за фотографиите што завршиле во списанието Дариус, а позирала во долна облека и гола. Фотографиите ги објавил Ледер во книгата ,,Ледер / Ратајковски колекционерско издание во 2016 година”

Таа самата ги објави на Инстаграм во 2013 година и никогаш не ги отстранила.

"Секогаш е забавно да се гледа неговата работа во печатена форма.Џонатан Ледер за списанието Дариус", напишала таа.

Според Емили, агентот ја испратил на неплатено снимање за списанието Дариус во домот на Ледер, а таму требало да ја помине ноќта.

Кога дошла кај Ледер, Ратајковски открила дека ќе снима во долна облека, а за да изгледа зрело, прифатила чаша црвено вино што и ја понудил фотографот.

"Ме научија дека е важно да изгледам вредно и опуштено. Агентот секогаш ми велеше:" Никогаш не знаеш со кого ќе снимаш после тоа ", напишала Ратајковски.

По снимањето во долна облека, фотографот, наводно, и рекол: „Ајде да пробаме сега без облека“.

Just dropping in

A post shared by Emily Ratajkowski (@emrata) on

"Само што се соблеков , дел од мене се изгасна. Почнав да лебдам, гледав како се враќам во креветот. Се свртев со грбот, ги стиснав усните, размислував како ја гледам камерата. Блесоците беа толку силни и испив толку многу вино, што црни дамки пред ми се гледаа пред очите“, напиша таа.

Кога шминкерката заспала, Ратајковски признава дека се чувствувала многу будна, но и „многу, многу пијана“. Таа и Ледер се покриле со ќебе на каучот, тврдејќи дека тој потоа започнал да ја испрашува за нејзините момчиња и ја гледал како ги трие нозете за да се стопли.

"Тој рече дека му се допаѓа тоа што го правам со нозете, јасно го паметам тој момент. Мразев што тој коментираше за нешто што го правев за да се утешам. Повеќето подоцна ми беше во магла, освен за тоа како се чувствував. Не се сеќавам дека се бакнував, но се сеќавам на неговите прсти во мене. Тој ги туркаше и ги туркаше како што дотогаш никој никогаш не ме допрел, ниту од тогаш. Навистина ме болеше.“, напиша таа.

monday💤

A post shared by Emily Ratajkowski (@emrata) on

Ратајковски тврди дека ниту Ледер ниту Imperial Publishing немале право да ги користат тие фотографии во книгата.

Ледер негираше сè, велејќи дека нејзините обвинувања се „премногу ефтини и детски“.

"Дали сте свесни за кого зборуваме? Таа девојка во тоа време беше гола во магазинот„ Treats! " и гола скокаше во видеото на Робин Тик. Вие навистина сакате некој да верува дека таа е жртвата?" изјави тој за Њујорк магазин.

Неговиот портпарол тврди дека Ратајковски знае дека нема законска основа да се запре објавувањето на фотографиите и затоа го обвинила за сексуално злоставување.

притисни ентер