Левица во Велес: Овие локални избори се клучни за растот на партијата

Во Велес вечерва изборната програма, приоритетите и заложбите на идниот совет и градоначалник на општината ги претстави партијата Левица.

Димитар Апасиев, претседател на Левица во своето обраќање пред велешани, потенцира дека овие локални избори се клучни за растот на партијата.

– Ние сме екипа која се создава одоздола нагоре.И затоа сфативме со текот на нашиот политички активизам уште од студентски денови дека не можеме да одиме со хоризонтални движења.Тоа што и треба на државата е хиерархиска структира и во случајов партија која ќе се бори на рамноправна основа со другите партии и така настана Левица и сите ние сме дел од мозаикот кој се вика Левица, рече Апасиев.

Тој им порача на кандидатите од Левица да не потпаднат под притисоците.

– Јас верувам дека да ве заплашат не можат толку колку што можат да ве поткупат. Секој човек има некоја точка на топење, ќе ви понудат секакви предлози. И јас ќе ви кажам колку кошта советничко место, 30 илјади евра. Немојте да се предадете бидејќи единственото нешто кое го има Левица е кредибилитетот и чистиот образ, им порача Апасиев.

Кандидатот на Левица за градоначалник проф д-р Златко Арсов од пред велешани појасни дека се вклучува во политиката, како што рече, да ја промени безнадежноста на младите, долгата транзиција, сиромаштијата, ниските приходи и класните разлики.

Најави дека ќе се залага за социјална грижа во која сите поединци во општеството ќе имаат еднакви права слободи, граѓански права и слобода на изразувањеи, да гради добра и социјални услуги.

Арсов најави и уредување на просторот на Велес за хумано и здраво живеење, активности за развојот на потенцијалот кај децата и младите, енергетска одржливост, санација на инфраструктира и унапредување на земјоделското земјиште.

– Сакам Велес да биде град од кој нема никој да бега, туку ќе останеме за да го развиваме во иднина, порача Арсов.

Руски боксер со голи раце убил мечка, која смртно го повредила неговиот пријател

Од Русија доаѓаат вести кои делуваат како приказна од хорор филмови.

Илја Медведев, 23-годишен руски боксер, со пријателот ловел риба во Сибир кога ги нападнала мечка. Пријателот Вјечеслав Дудник бил нападнат и убиен од мечката, а потоа се свртела кон Медведев. Боксерот извадил пиштол и пукал, но мечката му го исфрлила од рака. Сепак, Медведев успеал да извади нож и да го избоде животното.

„Имаше крици, а потоа и пукотници. Кога пристигнав, видов дека Вјачеслав е мртов“, рекол рибар кој бил во близина и кој го префрлил Медведев во болница.

Според Дејли Мејл, тој има сериозни повреди и е во критична состојба.

Полициско куче изгризало навивач во Холандија, неговите колеги го нападнаа полицискиот коњ

На синоќешниот натпревар во Лигата одигран во Ротердам помеѓу Феенорд и Унион Берлин, имало жесток судир помеѓу германските навивачи и холандската полиција.

Според германски Билд, претставниците на навивачите тврдат дека конфликтот настанал поради лошата организација. Наводно, имало премал број вработени кои ги прегледувале ковид-потврдитее, а некои скенери биле неисправни.

Потврдите за Ковид се разгледувале многу бавно, што резултирало со голема гужва пред влезот и нервоза кај околу 2400 фанови.

Полицијата во Ротердам известува за настаните сосема поинаку. Велат дека биле цел на група хулигани и се судриле со полицијата. При жестоката тепачка имало повеќе повреди. Еден навивач бил каснат од полициско куче, а хулиганите повредиле полициски коњ. Имено, фрлањето пиротехнички средства го исплашило, па паднал со полицаецот кој го јавал.

Портпаролот на Унион ги поддржал навивачите и тврди дека организацијата била навистина лоша и дека повеќето навивачи целото прво полувреме го поминале во ред пред стадионот. Снимките и сликите, вели, ја потврдуваат крајната бруталност на домашната полиција во пресметката со навивачите.

Позната холивудска актерка е уапсена за време на протестите пред Белата куќа (ВИДЕО)

Полицијата во Вашингтон ја уапси актерката Алиса Милано додека протестирала со група истомисленици пред Белата куќа, барајќи промени на правото на глас.

„Само што бев уапсена додека протестирав и барав од администрацијата на Бајден и Сенатот да го искористат своето право и да го заштитат правото на глас. Застанете со мене и кажете им гласно на Сенатот и Белата куќа дека секој мора да ги има тие права, без разлика каде живеат ", напишала актерката на нејзиниот профил на Инстаграм.

Полицијата прво ја предупредила актерката дека заедно со членовите на здружението People for the American Way мора да се тргне од областа, во спротивно ќе мора да ги уапсат според законот кој забранува собирање толпи и окупирање на улици и тротоари.

Патем, актерката пред протестот објавила дека може да биде уапсена. „Денес ќе ризикувам апсење бидејќи минатата година беа воведени 425 закони кои го ограничуваат правото на глас“, рече Милано во видеото објавено на Твитер. „Затоа ќе барам нашиот претседател да направи се` што е во негова моќ за да ги усвои Законот за слобода на гласот, Законот за правата на глас на Џон Луис и Законот за државност на ДЦ“.

Актерката од порано е позната по својот политички активизам, а во 2019 година зборуваше за своето лично искуство со абортусот во знак на протест против рестриктивните закони, кои ги нарече „напад врз женските тела“.

притисни ентер