Лефков: Дали модуларната болница во Тетово е поставена за некој да направи профит?

Дали модуларната болница во Тетово е поставена за некој да направи профит? Во кругот на болницата имало објект од тврда градба кој требало само да се опреми!

Владата на чело со Заев е насочена на забошотување на истрагата за трагедијата во Тетово, во која животот го загубија 14 наши сограѓани. Има огромни пропусти од страна на власта, а најновите информации говорат дека во Тетово воопшто немало потреба да се поставува модуларна болница, зошто во склопот на болницата имало веќе постоечки објект од тврда градба со два ката неискористени, се што требало да се направи е да се опреми тој дел, на ист начин како што се опремила и модуларната болница.

Доколку наместо модуларната болница, КОВИД центарот беше во објект од тврда градба, ниту евентуален пожар ќе ја изгореше болницата за три минути, нити ќе имаше загинати.

Ова дополнително го поставува прашањето зошто Филипче и Хасани се одлучиле воопшто за поставување на модуларна болница во Тетово?

Дали модуларната болница само е поставена за да се реализира тендерот кој го доби Брако?

Дали за нечиј профит Филипче и Хасани непотребно ја правеле модуларната болница во Тетово?

Дали огромниот број на грешки, погрешни проценки и непромислени работи сега ќе го плаќаат некои службеници наместо врвот на власта?

Според информациите кои ги објави ЈО на сослушување се повикани само роднините на починатите. Не Филипче, не Хасани, туку роднините. Како тие да се луѓето кои ќе дадат одговори зошто е поставена модуларната болница, имало ли потреба, кој дозволил таа да биде направена токму од такви материјали, кој го вршел надзорот, кој го одобрил пуштањето на објектот во употреба? Наместо тоа ЈО се занимава со луѓето кои претрпеа голема семејна трагедија.

ЈО им овозможи на Филипче, Хасани, директорите на болницата, но и фирмата на изведувачот да ги отстранат или уништат сите можни докази кои би упатувале на нивна вина и одговорност.

ЈО неефикасно и бавно ја води истрагата, а со тоа остава простор за отворен сомнеж дека се забошотува истрагата со цел да нема одговорност за високите раководни структури и се да се сведе на некој ситен функционер, кој треба да биде жртвуван, како што направија во безброј случаи до сега.

Напоменуваме дека трагедијата во Тетово е случај кој ја потресе јавноста и случај каде живот загубија 14 луѓе. Да не им паѓа на памет ниту во влада, ниту во ЈО да ја разводнуваат истрагата. Одговорност ќе има и мора да има.

Миле Лефков, пратеник на ВМРО-ДПМНЕ

Центар за комуникации на ВМРО-ДПМНЕ

Ламборџини има ново лого, го сменија по две децении (ВИДЕО)

И Lamborghini се приклучи на зголемениот број производители кои решија да претстават ново лого.

Познат е рецептот, а тоа е да се поедностави изгледот на логото во согласност со актуелните трендови поврзани со дигиталните услуги. Со други зборови, тродимензионалното печатење повеќе не е во мода, ниту употребата на тешка графика, оптоварена со детали.

„Храбар, неочекуван и автентичен“, вака Lamborghini го најавува првиот редизајн на амблемот по повеќе од две децении.

Важно е дека бесниот бик се уште е таму. Новиот корпоративен идентитет носи само редизајн на постојното решение. И тоа е добро, бидејќи постоечкиот беше беспрекорен, исто како и автомобилите што ги претставува.

Новото лого веќе се користи на дигиталните платформи на Lamborghini и е предвидено за употреба на претстојните модели.

Шпекулациите сугерираат дека би можел да дебитира на наследникот на Huracan, кој се очекува во наредните месеци со plug-in хибриден V8 мотор. Потоа, ревидираниот амблем ќе ги краси постоечките модели, како што се Revuelt V12 или редизајнираниот Urus што го очекуваме.

Друга значајна промена е тоа што бесниот бик сега ќе стои сам на дигиталните канали на Lamborghini, за прв пат одвоени од штитот. Дополнително, ќе има „нов сет на икони“ развиен во соработка со Centro Stile на Lamborghini.

Николовски од кавадаречка Марена: Лозарите добиваат гарантирана откупна цена на винското грозје

Министерот за земјоделство, шумарство и водостопанство, вечерва во селото Марена општна Кавадарци, пред лозарите го презентираше новиот Закон за вино, кои денеска беше усвоен од Собранието.

„Убави вести носам за вас лозарите. Собранието го донесе новиот Закон за вино предложен од Министерството за земјоделство, шумарство и водостопанство. Лозарите добиваат гарантирана откупна цена на винското грозје. Исполнуваме уште еден даден збор пред лозарите“, изјави министерот Николовски.

Новиот Закон за вино во целост е усогласен со одредбите на европското законодавство. Се уредува делот на воведувањето нови производи од вино, како органско вино и ароматизирани вински производи. Македонското вино најмногу се извезува, кон земјите членки на Европската Унија и токму овој нов Закон придонесува непречено да се зголеми, но и олесни извозот на македонско вино и производи од вино кон ЕУ.

Законот за вино во целост е на страна на лозарите, решавајќи уште еден голем проблем за лозарите, а тоа е откупната цена. За првпат, преку јасна методологија, се утврдува гарантирана производната цена на винско грозје по килограм, најдоцна до 15 јули во тековната година и тоа за најмалку две најзастапени сорти. Пресметката на трошоците за производство на килограм винско грозје, на определена површина и соодветен квалитет, согласно дадена методологија, ќе биде вршена од високо образовна, или научна институција, од областа во земјоделството. Лозарите добиваат гарантирана цена на винското грозје, односно производствената цена зголемена за 25%.

Новиот Закон предвидува и креирање на нова годиншна, посебна програма за финасиска поддршка во лозарството и винарството, со која уште повеќе треба да се развиваат овие два значјни сектори.

„Новата посебна програма, во себе ќе ги содржи сите досегашни мерки за лозарството и винарството од програмите за директни плаќања и рурален развој. Создаваме и нови можности за поддршка на активности поврзани со промоцијата на виното во Македонија преку регистар на вина, препорачани цени на вина во ресторани, обележување на сите винарии, вински инфлуенсери, продажба на вино преку интернет“, истакна министерот Николовски.

Системот на заштитата на геогравските индикации на виното, во целост е усогласен со европското законодавство. Новиот Закон за вино во овој дел предвидува, истите да се заштитуваат на национално и меѓународно ниво, со заштитена ознака за потекло, или заштитена географска ознака. Традиционалниот назив на виното, на национално и меѓународно ниво, се заштитува со традиционална ознака.

Производството на вино со геогравска ознака ќе биде следено од сертификациони тела, кој процесот ќе го верифицираат во сите фази почнувајќи од самиот почеток на производство на грозје, до производство на вино со геогравска ознака. Сите заштитени ознаки на потекло и нивните корисници ќе бидат регистрирани во соодветен регистар во МЗШВ.

Новиот закон за вино заедно со десетгодишната Стратегија за развој на винарството и лозарството трасираат нов пат и сигурен развој на двата сектори, винарство и лозарство, преку стабилно произвдоство на винско грозје со мотивирани лозари, потоа зголемен извоз на македонско вино и уште повисоко позиционирање на светската винска мапа, нагласи министерот Николовски, соопшти МЗШВ.

Поднесе оставка министерот за надворешни на Латвија- се возел во скапи приватни авиони

Министерот за надворешни работи на Латвија Крисјанис Каринс објави дека се повлекува поради обвинувањата за трошење народни пари во врска со скандалот со чартер летови.

Каринс денеска по средбата со премиерката Евика Силина објави дека на 10 април ќе поднесе оставка од функцијата. Парламентот веќе следниот ден може да одлучи за неговиот наследник.

Каринс беше критикуван за чартер летовите за време на мандатот на премиерот. Тој ја водеше латвиската влада од 2019 до 2023 година, а во тој период леташе околу триесет пати со приватни авиони наместо со поевтини, редовни линии.

Латвиското државно обвинителство минатата недела започна истрага за можното трошење јавни средства.

Каринс ги негира обвинувањата, тврдејќи дека летовите биле неопходни за да се заштеди време или за да може да се врати во земјата што е можно поскоро за работа поврзана со владата.

Силина рече дека Каринс ја презел политичката одговорност и дека се уште не знае кого ќе назначи за негов наследник.

притисни ентер