ЛДП: Врвен приоритет останува брзото присоединување кон ЕУ

Извршниот одбор на Либерално-Демократската партија (ЛДП) вечерва донесе одлука за приклучување кон Европската коалиција, што е составена од партии кои се залагаат за полноправна интеграција во Европската унија.

„Согласно стратешките определби на државата, одлучивме на следните избори партијата да биде дел од Европска коалиција. За Македонија не постои друг пат освен брзо приклучување кон европското семејство. Од таа причина, како партија која постојано работи во интерес на граѓаните“, истакнаа од ИО на ЛДП.

Од Извршниот одбор на партијата посочија дека јасно е дека политичките партии во трка за поен плус и од популизам не можат да постигнат консензус за спроведување на големи реформи во клучни области, оттука е неопходно да се почне процесот на преговори низ кои ќе се реформира државата. На седницата на ИО, за шеф на Централниот изборен штаб на ЛДП, е предложен генералниот секретар Боби Мојсоски.

Извршниот одбор на седницата формираше и група за програмски преговори во рамки на претстојната Коалиција, што е предводена од потпретседателот Валентин Груевски, претседателката на Форумот на жени - Билјана Аврамоска Ѓореска, претседателката на ЛиДеМ - Јелена Мишиќ и член на ИО - Горан Петрушев.

,,Не постои друга алтернатива за земјата, како од политички, така и од економски аспект освен полноправно членство во ЕУ. Целта е брзи реформи, за видлив напредок дома. Мнозинството од граѓаните се за членство во унијата каде и природно припаѓаме.

Извршен одбор на Либерално демократска партија (ЛДП)

Видео: На лет на „Ер Азија“ експлодирала надворешна батерија

Патниците се обиделе да го изгаснат пожарот со шише вода

На летот на Ер Азија меѓу Бангкок и градот Након Си Тамарат на југот на Тајланд експлодирала надворешна батерија (power bank) и избувнал пожар во кабината, но никој од патниците не бил повреден.

Патниците виделе пламен и чад 30 минути по полетувањето, по што кабинскиот екипаж дошол во средниот ред на Ербас А320 за да го изгаснат пожарот, додека патниците седнати на таа страна од авионот се префрлиле на другата, тргнувајќи ги работите подалеку од огнот.

Некои од патниците се обиделе да го изгаснат пламенот со шише вода, пред стјуардесата да дојде до апаратот за гаснење пожар и успешно да го изгасне пожарот, пишува Дејли Меил.

Во инцидентот изгорело едно седиште, а авионот слетал навреме.

Техничарите кои го прегледале авионот по слетувањето им рекле на патниците дека надворешната батерија била во мрежата за складирање во кабината.

Авиокомпаниите дозволуваат пакување на овие батерии само во рачен багаж, додека нивното носење во чекирани торби е забрането поради ризик од прегревање на литиум-јонските батерии и предизвикување пожар.

Хамас го предупреди Израел да не им забранува на муслиманите да ја посетуваат Ал Акса

Хамас го предупреди Израел да не им забранува на муслиманите да ја посетуваат Ал Акса за време на Рамазан

Палестински Хамас денеска издаде предупредување до Израел дека ќе следи „експлозија на гнев“ доколку на муслиманите им биде забранет пристапот до џамијата Ал Акса во Ерусалим за време на светиот муслимански месец Рамазан, кој трае од 11 март до 9 април.

- Нашиот непријател нека чуе дека нашите души вријат. Нашиот гнев е моментален, а експлозијата ќе се случи доколку има некакви забрани за муслиманите да влезат во Ал Акса за време на Рамазан, се вели во соопштението на Хамас, пренесе „Џерусалим пост“.

Минатата недела, весник од Ерусалим, цитирајќи неименувани извори, објави дека посетата на Палестинците од Западниот Брег на Ридот на храмовите ќе биде забранета за лица постари од 60 и под 10 години.

Се разгледуваат и можни ограничувања за израелските муслимани. Јавниот сервис КАН неколку пати објави дека се разгледува забрана за пристап до Ридот на храмовите за израелските Арапи помлади од 40 години. /МИА

Борел: Русија најде начини да ги заобиколи западните санкции

Русија најде начини да ги заобиколи западните санкции со диверзификација на нејзините трговски патишта, при што извозот на европските компании во трети земји за понатамошен трансфер во Русија се зголеми експоненцијално.

Ова денеска на Х го напиша високиот претставник на Европската унија за надворешна политика и безбедност, Жозеп Борел.

„Токму поради ова, ја засиливме нашата акција за да се справиме со заобиколувањето на нашите санкции, со посилни контроли на извозот за да се ограничат мрежите за снабдување на Русија и го обновивме ангажманот со нашите партнери во Јужен Кавказ и Централна Азија“, информира Борел. /МИА

притисни ентер