Лазаров: Намалување на ДДВ за угостителство и туризам од 18 на 10%, средства за помош на фирмите и ослободување на истите од нивно враќање

„Мерките кои ќе ги презентирам денес се однесуваат на поддршка на приватниот сектор и реалната економија со цел амортизирање на економските последици од кризата и многу поважно јакнење на економските фундаменти на државата.“

На денешната прес конференција ќе промовирам дополнителен сет на мерки и политики кои се дел од преодната стратегија која што ВМРО-ДМПНЕ ќе ја спроведе во првите 100 дена од формирањето на новата Влада за поефикасно справување со здравствено-економската криза во државата.

Практично, мерките кои ќе ги презентирам денес се однесуваат на поддршка на приватниот сектор и реалната економија со цел амортизирање на економските последици од кризата и многу поважно јакнење на економските фундаменти на државата.

Во таа насока, првиот сет на мерки предвидува:

-Продолжување на субвенционирањето на плати за вработените во приватниот сектор за месеците јуни и јули во оние компании кои бележат пад на приходите за повеќе од 30% во изминативе два месеците. Дополнително, ќе се разгледа можноста и потребата од продолжување на оваа мерка и за месец август.

Всушност, на овој начин ќе се овозможи зачувување на повеќе работни места кои во моментот се сериозно загрозени поради продлабочување на самата криза.

-Целосно ослободување на компаниите од обврската за враќање на средства по основ на мерката за субвенционирање на плати за месеците април и мај независно од финансиските резултати кои што компаниите ќе ги остварат на крајот на годината.

Практично, со ова ослободување ќе се обезбеди сериозен финансиски импулс за компаниите во процесот на целосно ревитализирање на нивните бизнис активности во периодот после кризата.

-На крајот третата мерка во овој сет на мерки се однесува на отворање на нова бескаматна кредитна линија во износ од 10 милиони евра преку Развојната Банка на Македонија која ќе биде наменета за поддршка на сите компании кои имаат финансиски проблеми и проблеми со нарушена ликвидност како последица од кризата.

Дополнително, се предвидува сериозна поддршка за секторот Туризам и Угостителство како сектори кои се најпогодени од кризата.

За таа цел, ќе бидат имплементирани неколку мерки:

-Прво, намалување на ДДВ од 18% на 10% за секторите угостителство и туризам, мерка која што практично ќе важи до крајот на 2021 година.

-Ослободување или намалување на надоместокот за лиценци, такси и дозволи за угостителските субјекти до крајот на 2020 година.

-И можеби најзначајната мерка за поддршка на туризмот е субвенционирање на трошоците за одмор во домашните туристички капацитети, во износ до 40% (или во висина до 12.000 денари) за сите граѓани кои остваруваат месечни приходи, односно плата не поголема од 20.000 денари.

Со оваа мерка вистински ќе се поддржи туризмот и домашните туристички капацитети, но истовремено ќе се обезбеди поддршка и за туристичките агенции преку кои ќе може да се прават самите аранжмани.

Понатаму, Вториот сет на мерки во делот на поддршката на приватниот сектор се однесува на јакнување на конкурентноста на македонската економија со посебен фокус на преработувачката индустрија и извозниот сектор како сектори кои имаат најголем потенцијал за поттикнување на македонската економија и забрзување на економскиот раст и развој на земјата во пост-кризниот период.

Во таа насока Поддршката за јакнење на конкурентноста на индустријата предвидуваме:

-Поддршка во форма на неповратни грантови за инвестиции во набавка и инсталирање на нови машини и опрема;

-Поддршка за инвестиции во форма на купување лиценци или франшизи за производство;

-Поддршка за инвестиции во градење на нови производни линии или подобрување на постоечките производни процеси;

-Поддршка за воведување нови бизнис и организациски модели;

-Поддршка за воспоставување на современи менаџмент системи за квалитет и стандардизација.

Дополнително, предвидуваме Поддршка за јакнење на човечките ресурси и инвестиции во човечки капитал во домашните производни компании

-Таа поддршка ќе биде во форма на поддршка во форма на покривање на дел од трошоците за организирање на специјалистички обуки за инженери и технички персонал во производните одделенија, поддршка за менаџерски обуки со цел стекнување на нови менаџмент алатки за поефикасно управување на самите компании, како и поддршка за организирање на коучинг и менторинг програми со можност за ангажирање на странски консултантни и експерти;

На крај почитувани, не помалку важна е Поддршката за извозните компании која е базирана на повеќе конкретни мерки во форма на:

-Неповратни грантови за барање на нови партнери и пазари; како и за инвестиции поврзани со отпочнување на извозен процес на компании кои немаат претходно извозно искуство;

-Реформирање и зајакнување на институционалните капацитети за поддршка на извозот

-Реформирање на Развојната Македонска Банка (РМБ) во Македонска извозна и развојна банка која ќе обезбедува поддршка за извозно ориентирани домашни компании

-Градење мрежа на извозни промотори кои ќе работат со домашните компании во поддршка на извозот на одделни странски пазари;

-Менување на моделот за привлекување на СДИ со таргетирање на конкретни странски компании од одредени сектори кои ќе имаат најголеми потенцијални ефекти за домашната економија. Кога зборуваме за ефекти од странските инвестиции за домашната економија не мислиме само на висината на инвестицијата и бројот на работни места, туку многу повеќе на висината на плати што ќе ги исплаќаат странските компании на домашните вработени и степенот на ангажираност на домашните компании во нивните ланци на снабдување;

-Целосно усогласување на царинските стапки на ниво на соодветните стапки на ЕУ за одделни производи (компоненти) потребни за производство на технолошко-напредни производи. Со тоа ќе се зголеми атрактивноста на земјата за привлекување на компании кои произведуваат технолошко напредни производи.

За спроведување на сите овие презентирани мерки за поддршка на приватниот сектор и јакнење на конкурентноста на македонската економија ќе бидат одвоени буџетски средства во износ од 150 до 200 милиони евра.

Дарко Лазаров, претседател на Комисијата за економија на ВМРО-ДПМНЕ

Сончево и ветровито, утринските температури под нула

Сончево и студено време ќе преовладува денеска во земјава. Во северните делови ќе има мала со умерена облачност. Ќе дува слаб до умерен северен ветер кој долж Повардарието ќе засилува.

Утринските температури ќе бидат ниски и под нулата. Ќе се двиати од минус 14 до минус 4, а дневните од минус 4 до 8 степени.

Во Скопје слично време со утринска температура до минус 6 и дневна до 3 степени.

До среда наутро ќе преовладува ведро и во утринските часови особено студено време проследено со слаб до умерен северен ветер, кој повремено ќе засилува. Од среда ќе почне да дува јужен ветер, а од запад ќе се зголеми облачноста и температурите ќе бидат во пораст. Во четврток преку ден во западните делови на планините ќе има услови за снег, а на пониските места понекаде ќе врне снег кој ќе преминува во дожд. Во петок во западните делови, а во сабота насекаде, ќе има повремен дожд и ќе дува повремено засилен јужен ветер поради кој ќе почне побрзо да се топи снегот.

Водици во Охрид без масовно скокање по крстот

Охриѓани се емотивни врзани за празникот Богојавление –Водици и чинот на осветувањето на езерските води и фрлањето на крстот.

Традицијата е од дамнини, не се знае точно од кога, но последните три децении по осамостојувањето тоа беше без исклучок најмасовната верска манифестација во земјата.

За Водици во Охрид знаело да има и до 800 капачи кои во речиси смрзнувачки води скокале по крстот, проследени и од неколку десеттици илјади верници од сите краишта на земјата, соседството, но и туристи од целиот свет.

Оваа година за прв пат по триесет години фрлање на крстот во езерото нема да има. Околностите наметнати од епидемијата на Ковид-19 ги натераа црквата и цивилните власти да ја откажат манифестацијата, односно таа да се спроведува во строго контролирани околности и без помасовно присуство.

И од Дебарско-кичевската епархија и од Општина Охрид со повици до верниците да се воздржат од масовни групирања.

Оваа година празникот Богојавление – Водици ќе биде одбележан духовно во црквите со утрински богослужби и осветување вода. Потоа свештеник од Варош таа света вода ќе ја истури во езерото, со што тоа симболично ќе биде осветено.

Од Општина Охрид која го украси централното градско подрачје со верски знамиња, повик до граѓаните при посетата на храмовите задолжително да ги почитуваат препораките за заштита, да носат маски и да одржуваат дистанца.

„Да бидеме одговорни и да го прославиме овој празник во кругот на најблиските", стои во апелот од Локалната самоуправа.

Веројатно и покрај апелите на надлежните, ќе има верници кои ќе влезат во студените езерски води да се искапат за здравје, но тоа нема да биде масовно како изминатите години.

Она што сепак ќе биде како изминатите години, тоа е традиционалната крводарителска акција „Водици 2021". Во просториите на Центарот за култура „Григор Прличев" од 9 до 15 часот охриѓани и гостите во градот ќе можат да демонстрараат хуманост и да даруваат крв.

Целосно се откажува и прославувањето на Денот на рибарите по повод празникот Соборот на Свети Јовен Крстител, кога со капењето на рибарите во Охридското Езеро се одбележуваше дамнешната традиција на завршувањето на забраната за риболов во езерото после зимскиот мрест на пастрмката./МИА

Дневен хороскоп за 19. јануари 2021 година

Дневен хороскоп за вторник, 19. јануари 2021 година. 

Јарец 22.12.-20.1.

Љубов

Емоции , убавина, хедонизам и страст денеска ќе се спојат во складна целина на взаемно задоволство.

Кариера

Дури и оние кои вредно работат, денеска ќе одмораат , зашто нивните желби ќе бидат насочени кон уживање.

Здравје и совет

Не претерувајте.

Водолија 21.1.-19.2.

Љубов

Зближувањето и топењето на разликите меѓу вас и другата страна денеска ќе оди преку еротика и секс. Ќе чувствувате олеснување.

Кариера

Ве очекува средба со многу дарежлив спонзор и инвеститор кој е сериозен. Некој ќе ви се јави за да се подготвите за тоа.

Здравје и совет

Соработувајте со другите.

Риби 20.2.- 20.3.

Љубов

Сите карти ќе бидат во рацете на вашата најдрага личност , која ќе биде многу расположена за нежности. Не прашувајте зошто.

Кариера

Во мислите ќе ги анализирате вестите поврзани за работата и ќе ви се чини дека сосема добро се снаоѓате.

Здравје и совет

Немојте да се прејадете.

Овен 21.3-20.4.

Љубов

Се повеќе ситуации се вртат во ваша корист , а вие станувате почувствителни . Другата страна ќе знае тоа да го цени.

Кариера

Денеска ќе настојувате што повеќе да ги истакнете своите заслуги во работата.

Здравје и совет

Обновете си го хобито.

Бик 21.4- 20.5.

Љубов

Ви претстои добра забава со пријателите и саканата личност , низ содржини што имаат нешто мистично во себе.

Кариера

Уметниците меѓу вас денеска ќе зрачат многу повеќе од вообичаено , а другите ќе ги имитираат и ќе ги следат.

Здравје и совет

Бидете уште поотворени.

Близнаци 21.5.-21.6.

Љубов

Наеднаш би можело да ви падне на памет необична идеја со која ќе си го збогатите својот и сексуалниот живот на партнерот. Овој пат сте во право.

Кариера

Вашата интуација денеска ќе ви даде одговори на многу прашања. Само добро слушајте и се ќе ви биде јасно.

Здравје и совет

Престанете да анализирате.

Рак 22.6-22.7.

Љубов

Би можеле да наидете на личност со која работите и која би можела да ве наведе на емотивни изливи. Размислувате за оваа личност.

Кариера

Додека полека минува работното време, вие се повеќе ќе размислувате за пари и како да ги заработите на страна. Замислувате необични начини.

Здравје и совет

Останете во реалноста и помалку фантазирајте.

Лав 23.7-22.8.

Љубов

Плима од емоции ќе ве наведе да посакате што повеќе време да минете со саканата личност. Ќе се потрудите околу тоа.

Кариера

Работната недела покажа дека успеавте да покажете што знаете за својата професија. Тоа ви носи задоволство.

Здравје и совет

На некој начин денеска ќе блескате.

Девица 23.8.-23.9.

Љубов

Вашиот љубовен живот квалитетнио се одвива, а вашата самодоверба расте од ден за ден. Самците ќе бидат успешни во додворувањето.

Кариера

Ќе им се препуштите на чувствата и на приватниот живот и ќе заборавите на работните обврски. Занете дека сте силни и џдека напредувате.

Здравје и совет

Одете во природа.

Вага 24.9.-23.10

Љубов

Можете да очекувате ден исполнет со задоволства , што ќе доаѓаат поради низата идеи , што ќе ги следите со саканата личност.

Кариера

Ќе верувате во својата храброст и високиот морал , така што лесно ќе ги решите малите деловни грижи , за кои само вие знаете.

Здравје и совет

Подобро е да верувате , отколку да се сомневате.

Шкорпија 24.10-22.11.

Љубов

Можеби ќе се изненадите кога саканата личност ќе ве повика да излезете на едно сосема невообичаено место.

Кариера

Кога денеска накусо ќе помислите за она што ве очекува , ќе бидете безгрижни. На некои би можело да им се јави шефот за дополнителни задолженија.

Здравје и совет

Уживајте во животот.

Стрелец 23.11.-21.12.

Љубов

Внимание и нежност ќе ви бидат главни преокупации , кога станува збор за љубовниот живот. Ќе знаете како на другите да им се вовлечете под кожа.

Кариера

Сите оние чија работа е поврзана со уметност , денеска ќе имаат инспирација за вистински мали ремек дела.

Здравје и совет

Следете ја интуицијата.

притисни ентер