Лазаревска: Инвестираме во образованието

Со Буџетот за 2021, за два и пол пати зголемени средствата за капитални инвестиции.

Почитувани граѓани, почитувани новинари

Предлог Буџетот за 2021 година обезбедува средства за реформа на образовниот систем и унапредување на наставниот процес во основното и средното образование.

Буџетот на Министерството за образование и наука за 2021 година е поголем за 1,1 милијарда денари каде најголем дел од овие средства се насочени директно за подобрување на образовниот систем.

Капиталните инвестиции за 2021 година се предвидени на една милијарда денари, што е за два и пол пати повеќе во однос на 2020 година. Со овие средства обезбедуваме поквалитетен образовен процес за околу 100.000 ученици.

Следува реконструкција на основни и средни училишта, изградба на спортски сали во училиштата, како и реконструкција на студентски домови.

Буџетот за следната година обезбедува и поголема инклузивност. 54 милиони денари се наменети за ангажирање на образовни асистенти, со што овозможуваме секое дете да го развие својот потенцијал преку креирање на инклузивни образовни политики и грижа за индивидуалните потреби на учениците.

Во однос на ученичкиот и студентскиот стандард, веќе од декември следува нова динамика на редовна месечна исплата на студентските и ученичките стипендии.

Со 900 милиони денари наменети за стипендии за ученици и студенти, како и започнување на исплатата на бесплатен студентски оброк, го подобруваме и унапредуваме студентскиот и ученичкиот стандард на околу 50.000 млади лица.

Парламентарното мнозинство и Владата предводени од СДСМ продолжуваат да инвестираат во образованието, кое е клучен сегмент за развојот и напредокот на секое општество.

Остануваме посветени на мерки и програми што обезбедуваат подобри услови за работа на наставниот кадар, поголема помош за учениците и студентите и инклузивен наствно-образовен процес.

Инвестициите во образованието продолжуваат уште повеќе, за да биде уште подобро за сите.

Жаклина Лазаревска, пратеничка на СДСМ

Стоилковски: „Можеле да сокријат“ значи само едно - сокриваат многу

Нема ден да нема нов скандал и ново забегување во самобендисните изјави на државниот политички врв, рече Наум Стоилковски, портпарол на ВМРО-ДПМНЕ.

Министер за одбрана, втор чин во партијата на власт вели:

„Можеше ова да не го кажеме, за да добиваме помалку прашања“ - Радмила Шекеринска порача дека можеле да сокријат дека е вратен капарот за кинеските вакцини!

Внимавајте „можеле да сокријат“- значи само едно - дека сокриваат колку им душа сака!

На пример: сокриваат за случајот со Рашковски тежок осум милиони евра. Нели е сокривање снимен разговор, самиот потврди дека тој зборува, чиста корупција, нема ништо од некаков процес - јавноста не смее да зборува - затоа што ако зборува може да заврши како тројца новинари кои што беа повикани во полиција затоа што ја објавиле аферата?

Сокриваат ли за случајот „ШИК Јелак“ во Тетово - огромен скандал кој што открива можна поврзаност на владата, директно на премиерот, со балкански бизнисмен, поранешен припадник на југословенските служби, а сега го врзуваат со Москва, за пари давани на црно за финансирање на избори, имот, бензински пумпи и што се не, во замена за огромен градежен плац во Тетово? Да потсетам Заев призна дека дал насока СДСМ во Тетово на Советот да гласа за тој контроверзен ДУП!

Дали по принципот на Шекеринска сокриваат кој и што стои зад исчезнувањето на Сашо Мијалков, на пример, што предизвика скандалозни брканици, прес конференции, меѓусебни обвинувања на линија министер за внатрешни – суд - обвинителство? Сокриена ли е вистината за неговото изненадно појавување пред медиуми како слободно шета во Скопје иако има потерница и најавена е меѓународна потерница по него?

Сокриена ли е вистината и за причината зошто и четири месеци по најавата, нема вакцини и Македонија е црна дупка во светот, заради наводни грешки во документи, и со „Фајзер“, а сега и со Кина?

Сокриена ли е вистината за политичкиот договор за пописот? Сокриена ли е вистината за бројот на невработени, за затворени погони, за хаосот во образованието, за изборните манипулации, за поткупи, за висината на меѓународното задолжување, за криминалот и корупцијата заради која што Македонија тоне на сите релевантни мерења и полека полека од хибриден преоѓа во власт на диктатура?

Можеле да сокријат, за да добиеле помалку прашања - порача вториот чин во СДСМ! Прашањата се тука и Шекеринска и Заев и Филипче и Николовски и Спасовски ги знаат одговорите - само што се уште ги сокриваат. Но доаѓа ден, за брзо се ќе се дознае!


Џоди Фостер ја бакна сопругата, кога дозна дека го освоила Златниот глобус (ВИДЕО)

Џоди Фостер ја бакна својата сопруга Александра Хедисон кога дозна дека го освоила Златниот глобус.

58-годишната Џоди и 51-годишната фотографка Александра на кауч, облечени во пижами, го следеле доделувањето на Златните глобуси. Тие не ја криеја радоста кога Џоди беше прогласена за добитничка на наградата за споредна улога во драмата Мавританец.

„Ја сакам мојата сопруга, ти благодарам, Алекс“, рече Џоди, која на светот му објави дека е хомосексуалка уште на Златните глобуси во 2013 година.

Меѓу нив на каучот било и нивното куче Зиги, а објавата на наградата Џоди ја добила од нејзината пријателка, актерката Џејми Ли Кертис.

Џоди и Александра се венчале во април 2014 година, откако биле една година во врска.

Досега 329 пријавени за Нобеловата награда за мир

Досега 329 кандидати се пријавиле за Нобеловата награда за мир за 2021 година, што е најголем број и има повеќе од рекордната 2016 година, кога на крајот се пријавиле вкупно 376 кандидати.

Досега се пријавиле 234 физички лица и 95 организации и иако не се објавени имињата на кандидатите, оние што номинираат кандидати можат јавно да го објават името на нивниот кандидат, па затоа е познато дека меѓу кандидатите повторно е Светската здравствена организација, Сојузот за вакцини (Гави9), Коалиција за иновации за време на епидемијата (Цепи), пренесува Фигаро.

Меѓу кандидатите се повторно Доналд Трамп, неговиот зет Џеред Кушнер, престолонаследникот на ОАЕ, Мухабед бин Зајед ел Нахајан, Грета Тунберг, Алексеј Навални, белорускиот опозициски лидер Светлана Тихановскаја и многу други.

Кандидатите за Нобеловата награда се чуваат во тајност, и можат да бидат номинирани од членови на парламентот и министри од сите земји, поранешни лауреати, универзитетски професори.

Нобеловиот комитет ќе го објави својот избор на 8 октомври.

притисни ентер