Македонија

Кузеска: Со СДСМ неколку пати поголеми плати и пензии од времето на ВМРО-ДПМНЕ

Со СДСМ Македонија прерасна во земја фактор на стабилност, кредибилен партнер, со позитивна економска клима која отвара врати за поголеми инвестиции и нови работни места. 

За СДСМ, напредокот на државата, граѓаните и нивниот животен стандард секогаш се на прво место.

Во изминатиот период на кризи и големи предизвици, покажавме што значи вистинска грижа за сите граѓани и со одговорни мерки и системски решенија Владата предводена од СДСМ, овозможи континуиран раст на платите и на пензиите.

Минималната плата од овој месец се зголемува на 20.175 денари.

Во времето на владеењето на ВМРО-ДПМНЕ минималната плата изнесуваше 8.900 денари, а во текстилната кожарската и чевларската индустрија само 6.000 денари. Тогаш, нашите граѓани беа претставувани како евтина работна сила.

За разлика од нив, СДСМ во неколку наврати ја зголеми минималната плата и тоа на 12.000, 15.200, па на 18.000, за сега да изнесува 20.175 денари.

Од 2017 година досега минималната плата е зголемена за 11.375 денари.

Тоа на дело значи вистинска грижа и поддршка за нашите работници.

Задоволни и мотивирани работници се двигател на економијата и гарант за зголемена продуктивност, затоа обезбедивме системско решение за постојан раст на минималната плата.

Постојано расте и просечната плата, која се искачи на 34.364 денари, од 22.445 денари, колку што изнесуваше во времето на ВМРО-ДПМНЕ

За пет години просечната плата во државата е покачена за 44 отсто.

Почитувани, од овој месец рекордно ги зголемуваме пензиите.

Согласно новата методологија, пензиите од месец март се зголемуваат за 8,4 отсто, што значи дека просечната пензија се зголемува за околу 1.500 денари на 19.150 денари.

Просечната пензија од јануари 2016 година до јануари 2023 година е зголемена за над 35 отсто, односно од 13.076 денари на 17.666 денари.

Со новата методологија на усогласување на пензиите со растот на платите и трошоците за живот обезбедивме постојано зголемување на пензиите, но и ставивме крај на уцените и притисоците врз пензионерите, на кои ВМРО-ДПМНЕ се сеќаваше само пред избори.

Пензионерите, нашите највозрасни сограѓани кои ја граделе оваа држава заслужуваат мирна и достоинствена старост.

Разликата меѓу СДСМ и ВМРО-ДПМНЕ е јасна и очигледна.

Ние обезбедивме неколкупати поголеми плати и пензии од времето на ВМРО -ДПМНЕ.

Додека ВМРО-ДПМНЕ парите на граѓаните ги трошеше на споменици, палми и врби, ние ги зголемуваме платите и пензиите.

Грижата за сите граѓани продолжува.

Прес-конференција, Богданка Кузеска, портпаролка на СДСМ

СДСМ

Фудбал

Лут Холанѓанец на скутер влета среде натпревар (ВИДЕО)

Натпреварот помеѓу холандските нисколигаши Веенхуизен и Витесе 63 беше прекинат по десет минути игра бидејќи на теренот влета човек на скутер.

Холандските медиуми објавија дека се работи за локален жител кој го налутило тоа што децата пред натпреварот подметнале огномет, кој ги исплашил неговите коњи.

Тој најпрво разговарал со домашниот тренер Марсел ван Веенен и членот на клубот Ерик Шмит, по што се возел на скутер низ теренот, каде застанал покрај играчот Роберт Елзинг, објаснувајќи му што го налутило. Претседателот на матичниот клуб Веенхуизен ја коментирал ситуацијата.

„Во првенството ни оди лошо, а сега игравме против последниот клуб во лигата. Младите момци сакаа да го бодрат тимот, но дојде до несреќна ситуација. Секако дека ме изнервира ситуацијата.Не, не сакаме никому да пречиме и мора да се грижиме за безбедноста на сите на теренот.

Да, го знаеме соседот. Тој играше во нашиот клуб кога беше млад. Ние сме одговорни како управа на клубот и ни е жал што тоа се случи. Но, и младите сакаа добро“, изјави Кис ван дер Лест. Веенхујзен загуби со 1:4 во натпревар кој е важен за останување во осмата табела на холандскиот фудбал. Првите три гола ги постигнаа до 23. минута.

"Можеби сето тоа влијаеше на концентрацијата. Ќе разговараме со соседот. И тој реагираше со жешка глава, мислам. Сакаме да бидеме во добри односи. На крајот на денот, ние сме соседи“, изјави Ван дер Лест.

Свет

ОН: Иран можеби изврши злосторство против човештвото

Иранските власти потенцијално извршиле злосторства против човештвото во последните месеци, изјави денеска експерт на Советот за човекови права на Обединетите нации.

Тој наведе случаи на убиства, притворање, исчезнувања, тортура, силување, сексуално насилство и гонење.

Протести има ширум Иран откако иранската Курдка Махса Амини почина во полициски притвор во септември минатата година. Говорејќи пред Советот со седиште во Женева, британско-пакистанскиот адвокат Џаваид Реман, назначен за специјален известувач за човекови права во Иран, рече дека има докази дека Амини починала „како резултат на тепање од страна на државната полиција за морал“.

Иранските власти тврдат дека обдукцијата покажала дека Амини починала од претходно постоечки медицински состојби, а не од удари во главата и екстремитетите. Реман посочил дека обемот и тежината на злосторствата извршени од властите за време на задушувањето на протестите предизвикани од случајот Амини „укажуваат на можно извршување на меѓународни злосторства, особено на злосторства против човештвото“.

Тој изразил огорченост поради егзекуцијата на најмалку четири лица поврзани со протестите и рече дека од јануари оваа година во Иран по „многу нефер судења“ биле егзекутирани вкупно 143 лица. Амбасадорот на Иран во Советот, Али Бахреини, рече дека обвинувањата се измислени и дека Иран е цел на прогон.

Живот

Се јави водителката, која се онесвести среде емисија: Овој пат не е срцето (ВИДЕО)

Метеорологот од Лос Анџелес, Алиса Карлсон Шварц се огласи откако ненадејно колабираше за време на утринските вести додека ја читаше временската прогноза, загрижувајќи ги своите колеги.

„Благодарна сум што овој пат не беше срцето. Добив стотици пораки, а тие сè уште доаѓаат, па ако не одговорам, затоа“, напиша таа на Инстаграм.

Инаку, Шварц се осврна на сличен проблем што го имала и претходно, но на друга телевизија. Во 2014 година ѝ се слошило за време на прогнозата, а подоцна било откриено дека има проблеми со срцевите залистоци.

Да потсетиме, откако пред неколку дена се онесвести во студио, нејзините колеги останаа во целосен шок. „Ох“, извика Рејчел Ким, а нејзината колешка Нишел Медина рече дека „ќе мора да направи кратка пауза“.

Алиса брзо била пренесена во болница и таму се опоравува.

притисни ентер