Австрија преговарала со Русија да купи милион дози на вакцината, а Курц на 31 март рече дека најверојатно наредната недела ќе ја нарача вакцината. Сепак, таа наредба сè уште не е објавена.

Курц неодамна избегна да одговори дали неговата земја ќе чека одобрување од ЕМА за вакцината, која од земјите на Европската унија во моментов ја користи само Унгарија. ЕМА започнала со проценка на Спутник В.

„Се надеваме дека ЕМА брзо ќе ја одобри, бидејќи секоја дополнителна доза на вакцина ни помага да спасиме животи“, рече Курц, додавајќи дека неговите конзервативци и нивниот коалициски партнер, Зелените, се согласиле да ја нарачаат вакцината. Портпаролот на Курц потврдил дека ова значи дека вакцината ќе се користи само откако ќе биде одобрена од ЕМА.

Ефективноста на Спутник V, која што се дава во две дози, првично наиде на недоверба од некои западни научници откако Русија ја одобри во август минатата година, без да се чекаат резултатите од целосните клинички испитувања.

Сепак, научниците велат дека таа е скоро 92% ефикасна против ковид-19, засновано на рецензираните резултати од тестовите во доцната фаза објавени во февруари во медицинското списание Лансет.

Многу европски официјални лица остануваат скептични кон намерите на Русија, бидејќи не им е јасно како таа ја извезува во десетици земји, а поголемиот дел од нејзиното население сè уште не е вакцинирано.

Само две членки на ЕУ, Унгарија и Словачка, ја порачаа Спутник V и се користи само во Унгарија. Ова прашање беше толку контроверзно во Словачка што предизвика политичка криза што доведе до оставка на премиерот Игор Матович.