Куба е подготвена да и помогне на Македонија во пандемијата

Иако важи за сиромашна земја, Куба се гордее со својот здравствен систем. 

Кубанските лекари, познати по својата хуманост, за време на актуелната пандемијата од коронавирусот им помагаат на луѓето во повеќе држави ширум светот.

По урнекот на помошта што несебично ја пружи во Италија и во Франција, Карипскиот остров е подготвен да и помогне во секое време и на Македонија, доколку е тоа потребно, вели за Канал 5 амбасадорката на Куба во земјава Каридад Јамира Кието Милиан.

“ Куба е подготвена да соработува со било која земја во светот. Да се спротивстави не само на коронавирусот, туку и да помогне во секој случај на итност или болести. Во моментов имаме кубански доктори во 59 земји во светот, а во 37 земји од нив се борат со КОВИД . Во целост 39.000 кубански доктори служат со луѓето ширум светот за да се спротивстават на пандемијата. Секако, ние ќе бидеме подготвени да и помогнеме на Македонија и на македонскиот народ за оваа цел. ” вели амбасадорката на Куба, Милиан.

Куба има 9 лекари на 1.000 жители, најмногу на светот според Светската здравствена организација. Оваа земја има искуство со производство на вакцини, a во моментов е во трка за пронаоѓање и на сопствена вакцина против коронавиурсот.

“ Истражувањето се одвива добро. Сега сме во втората фаза на истражувањето. Во првата група на беа тестирани повеќе од 2000 луѓе, со одлични резултати и без несакани ефекти. Сега сме на половна на клиничко тестирање на втората група на над 5000 кубанци. Официјално ќе биде објавена од кубанската влада и властите најверојатно до февруари - март следната година, кога кубанската вакцина ќе биде подготвена.” вели амбасадорката на Куба, Милиан.

Амбасадорката Милиан претпладнево се сретна со премиерот Зоран Заев. Како што вели, разговарале за зајакнување на економските, инвестициските и трговските односи меѓу двете земји.

Таа им порача на македоските граѓани да ги почитуваат мерките за заштита од коронавирсот – Превенцијата и дисциплината, вели се најважни за да успее борбата против оваа зараза.

СДСМ: Магиите на ВМРО-ДПМНЕ и Мицкоски во општините: над 16 милиони евра долгови за граѓаните

​Скоро година и половина ВМРО-ДПМНЕ има градоначалници и мнозинство советници во најголем дел од општините во државата.

Тоа е година и половина на масовна партизација, на поскапи услуги за граѓаните и на задолжување на општините, тоа е учинокот на ВМРО-ДПМНЕ и шпицниот градоначалник Христијан Мицкоски.

Богати и финансиски стабилни општини како Гази Баба и Аеродром кои до пред 15 месеци имаа плус во буџетските каси се га се задолжуваат со обврзници.

Гази Баба ќе се задолжува со пет милиони, Аеродром со 5.4 милиони евра, Прилеп со пет милиони евра и општина Бутел со два милиони евра.

Ете ги магиите на ВМРО-ДПМНЕ и Мицкоски во општините: над 16 милиони евра долгови за граѓаните за ништо, за градоначалниците на ВМРО-ДПМНЕ да ги трошат на партиски вработувања и непродуктивни трошоци.

Локалната власт предводена од ВМРО-ДПМНЕ е најнеспособната и најнеуспешна локална власт досега.

Центар за комуникации со јавноста на СДСМ

Отворен градскиот базен Куманово

Од денеска повторно е во функција градски базен Куманово, извршени се поправки, уредувања и базенот е подготвен да ги прими клубовите и граѓаните, соопштија денеска надлежните од ЈП „Куманово-Паркинг“ кои од неодамна менаџираат со комплексот.

Базенот беше затворен од 18 октомври, лани поради високи сметки за електрична енергија и гас. Како што соопштија на денешната прес-конференција надлежните, извршен е делумен машински сервис, планирани се дополнителни зафати и сервисирање, се очекуваат филтри од земјите од ЕУ, има и нови мурали. Надлежните од ЈП уверуваат дека хигиената ќе биде на највисоко ниво, топлината ќе биде согласно пропишаните стандарди.

- Донесена е одлука на совет, имаше голем интерес од клубовите и граѓаните за користење. Нема да има зголемување на цените, ги презедовме утврдените цени од ЈП „Чистота и Зеленило“, изјави, директорот на ЈП „Куманово-Паркинг“, Сашо Петрушевски.

Тој најави дека одредени се пет милиони денари за поставување фотоволтаици и пет милиони денари за воведување топлотни пумпи. Овие средства донесени со одлука на советот ќе придонесат да се намалат сметките за енергенсите.

- Ниту еден базен во Европа не е финансиски исплатлив, во развиените држави базените функционираат со дотации од држава, општина и ние работиме на тој систем. Во наредниот период планираме во делот на енергетската ефикасност, базенот да биде независен од гас и струја, затоа се овие средства од десет милиони денари, изјави Петрушевски.

Постапката за поставување фотоволтаици е во тек. Планирано и воведување на бесплатни часови по пливање за учениците.

Цената на еднодневниот билет е 150 денари, месечно е 3.000 денари.

Каевски:Наместо проекти и решенија, градоначалниците на ВМРО-ДПМНЕ ги задолжуваат општините

Масовна партизација, поскапи услуги за граѓаните и задолжување на општините, тоа е учинокот на градоначалницитена ВМРО-ДПМНЕ и шпицниот градоначалник Христијан Мицкоски за првите 16 месеци власт.

Наместо проекти и решенија за развој, градоначалниците и советничките групи од ВМРО-ДПМНЕ ги задолжуваат општините кои важат за едни од најбогатите и финансиски најстабилните.

Градоначалникот на Гази Баба со обврзница од пет милиони евра ја задолжи општината без при тоа да биде наведено на кој рок ќе биде издадена обврзницата, без да биде наведено колкава е каматната стапка.

Тој пример го следи и градоначалникот на општина Бутел, кој ќе издаде обврзница во вредност од два милиони евра или неверојатни 55 отсто од годишниот буџет на општината.

Претходно постапка за издавање обврзница издаде и општина Аеродром предводена од Тимчо Муцунски и ВМРО-ДПМНЕ, а обид за издавање имаше и општина Штип.

Освен што овие обврзници се издаваат во период кога каматните стапки се значително високи, заедничко за сите обврзници е што тие ќе можат да бидат откупени од било кој приватен субјект.

Со тоа се создава опасност, обврзниците да бидат купени од големи градежни компании и крупниот бизнис и потоа да можат да влијаат врз работата на градоначалниците, при носењето урбанистички планови или одредени тендерски постапки.

Ваквото масовно задолжување, лично го најави шпицниот градоначалник Мицкоски.

16 месеци изминаа, а градоначалниците од ВМРО-ДПМНЕ не сработеа ништо.

Потрошија милиони за партиски вработувања, за набавка на скапи мобилни телефони и компјутери, се испокараа за провизии и тендери, а интересите на граѓаните се целосно игнорирани.

Локалната власт предводена од ВМРО-ДПМНЕ е најнеспособната и најнеуспешна локална власт досега.

Прес-конференција, Дарко Каевски, портпарол на СДСМ и пратеник

СДСМ

притисни ентер