Македонија

Крстев: Се чувствува добро и немам симптоми

Градоначалникот на Чешиново-Облешево Горанчо Крстев е првиот функционер во Македонија кој е позитивен на коронавирусот.

Тој за Канал 5 вели дека се чувствува добро и е без симптоми. Иста е состојбата и со неговата сопруга. Двајцата се тестирале откако дознале дека берберот, кај кого бил Крстев на 23-ти март е позитивен на вирусот.

“ Јас сум во самоизолација 8 дена се чувствувам многу добро, немам никакви симптомни, ни температура, се чувствувам многу добро . Со тоа што откако имав контакт од 23ти до сега 17-18 дена откако сум имал контакт со заболениот бербер,вели Горанчо Крстев – Градоначалник на о. Чешиново Облешево.

Како направив јас тест, така и мојата сорпуга. И во Систина и во Филип Втори истиот тест и за мојата сопруга се покажа негативен, а во Филип Втори позитивен. За десет дена треба да се тестираме јас денеска имав закажано тест во Центарот за јавно здравјесо тоа што директорката на Инфективно во Штип го одби тестот не знам зошто , со објаснување дека многу брзо сум правел во Филип Втори и дека нема потреба по насоките треба три тестови да се направат, првиот негативен, вториот позитивен, сакав да направам и во центар за јавно здравје со тоа што сабајле полицијата ме извести да не одам во штип во центарот за јавно здравје. “

Градоначалникот Крстев вели дека имал контакт со многу мал број на луѓе, а откако дознал дека е позитивен на вирусот веднаш ги известил сите да се самоизолираат, меѓу кои се и 19 вработени од општината,кои ќе мора да направат тестирања, за што од општинската администрација велат дека веќе е изготвен распоред.

-Луѓето како што имам информација со кои сум имал контакт мислам дека сите се во САМОИЗОЛАЦИЈА со тоа штио само 19 луѓе додека разбравме ние деак овој берберот е позитивен, јас нормално си бев на работа од кај да знам немав никакви симптоми немав ништо и си одев да си ги обавувам обврските во општината, вели Горанчо Крстев – Градоначалник на о. Чешиново Облешево.

Градоначалникот Крстев вели дека во овој период Општина Кочани ќе се грижи за сите неодложни обврски кои ги има општината Чешиново Облешево.

Тој информираше дека зградата на локалната самоуправа е затворена и во текот на денот екипи од Територијалната противпожарна единица од Кочани целосно ќе ја дезинфицираат.

Крстев апелира до сите граѓани да седат дома и да го чуваат своето, но и здравјето другите луѓе.

Регион

Брнабиќ: Седница за измените за локалните избори во понеделник

Дел од опозицијата ги поддржа овие измени.

Претседателката на Собранието на Србија Ана Брнабиќ најави дека седницата на која ќе се расправа за измените на Законот за локални избори, за да тие се одржат на 2 јуни, е закажана за понеделник во 11 часот,јави дописникот на МИА од Белград.

-Она што ме радува е што повеќе од две третини од пратениците го поддржаа предлогот за измени на Законот за локални избори, вкупно 184 пратеници се предлагачи на измени на законот, рече Брнабиќ.

Таа прецизираше дека сите пратеници на владејачката коалиција, потоа од опозицијата-Народното движење на Србија, Новото лице на Србија, Зелено-левиот фронт, Еколошкото востание, независните пратеници на Движењето на слободни граѓани, како и партијата на Шаип Камбери дале поддршка.

Брнабиќ изјави дека одлуката на опозицијата за бојкот на изборите е неодговорна и дека тоа ја покажува нивната врвна несериозност.

-Мислам дека тоа покажува највисоко ниво на неодговорност. Разговаравме 17 дена, тоа беше предлог на маса. Дури ни дадоа рок до 18 април, и ние го испочитувавме тој рок. Ако сакаат да бојкотираат нека бојкотираат Не би се занимавала повеќе со тоа. Нека им објаснат на своите поддржувачи зошто е таква одлуката и повторно сум сигурна дека ќе го сменат мислењето. Тоа е и мојата препора, изјави Брнабиќ.

На новинарско прашање колку е реално да се исполнат барањата на опозицијата во однос на избирачкиот список и медиумите, Брнабиќ рече дека ќе се обиде да ја забрза работата, дека работните тела кои ќе се занимаваат со контрола на избирачкиот список а по препораките на ОДИХР ќе се формираат што е можно поскоро.

-Во однос на медиумите ќе побарам да имаме средба со медиумите и да ја отвориме и таа тема. Ќе дадам се од себе до 2 јуни да спроведам што е можно повеќе, особено во однос на медиумите и избирачкиот список. На крајот на краиштата, неколку пати го поставив тоа прашање „зошто инсистирате на тоа ако се сомневате дека сите препораки на ОДИХР може да се спроведат дотогаш“, рекоа затоа што тоа ќе обезбеди да немаме миграција на гласачи. Тие инсистираа и ние тоа го прифативме, иако се уште мислам дека нашиот предлог да се одржат изборите во Белград сега, а сите други наесен беше многу подобар, рече Брнабиќ. /МИА

Фудбал

Манчестер јунајтед ќе добие четири милиони евра доколку Борусија Дортмунд ја освои ЛШ

Манчестер Јунајтед би можел да добие дополнителни четири милиони евра од Борусија Дортмунд за Џејдон Санчо, пишува „Тајмс“.

Според британскиот весник, Јунајтед ќе ги добие овие средства доколку тимот од Дортмунд ја освои Лигата на шампионите.

Борусија го ангажираше Санчо на позајмица во јануари 2024 година. Дваесет и четиригодишниот Англичанец на 14 натпревари за германскиот клуб има постигнато два гола и две асистенции.

Противник на Борусија Дортмунд во полуфиналето на Лигата на шампионите ќе биде Пари Сен-Жермен.

Во другото полуфинале ќе играа Баерн Минхен и Реал Мадрид. /МИА

Свет

Аеродромот во данскиот град Билунд евакуиран по дојава за поставена бомба

Аеродромот во данскиот град Билунд денеска е евакуиран по дојава за поставена бомба и еден маж е уапсен, соопшти данската полиција.

Летовите на аеродромот се прекинати. На веб-страницата на аеродромот се наведени неколку откажани летови кои требаше да се реализираат попладнево - до Амстердам, Франкфурт и Барселона.

Полицијата се обидува да утврди дали има поврзаност меѓу дојавата за поставена бомба и експлозијата на банкомат во Билунд изутрината.

Аеродромот Билунд е вториот по големина аеродром во Данска. Се наоѓа во близина на седиштето на компанијата „Лего“ и паркот „Леголенд“. /МИА

притисни ентер