Кризен штаб Кавадарци побара 25 луѓе од АРМ заради зголемена контрола на мерките против коронавирус

Општински кризен штаб Кавадарци донесе заклучок да се побара од Министерството за одбрана отстапување на 25 припадници на АРМ.

Заради зголемена контрола за спроведување на мерките и препораките од Владата во врска со Ковид-19, Општински кризен штаб Кавадарци донесе заклучок да се побара од Министерството за одбрана отстапување на 25 припадници на АРМ, кои ќе бидат вклучени во процесот на контрола и безбедност на територија на кавадаречката општина.

Ова е само еден од заклучоците кои ги донесе Кризниот штаб на денешниот седми по ред состанок.

Од Штабот ги потсетија вршителите на земјоделска дејност на кој начин можат да обезбедат непречено движење до нивните земјоделски имоти. Истовремено, нагласија дека ќе бидат санкционирани сите злоупотреби.

Информирајќи на прес – конференција за сите донесени заклучоци, градоначалникот Митко Јанчев додаде дека редовно, како и досега, ќе се врши дезинфекција, аеродезинфекција и превенција од пожари. Во Општина Кавадарци, рече тој, нема некои поголеми нарушувања на мерките во делот на полицискиот час за викендот.

-Со оглед на тоа дека ни беше прв викенд каде што повеќе од 48 часа луѓето беа на некој начин во изолација, земјоделците успеаја да си ги завршат нивните секојдневни дејности со претходната најава на кол центарот и со најавата до Министерството за земјоделие, така што генерално беше во ред и немаме некои поголеми прекршувања. Очекувам да издржиме за велигденските празници, да бидеме во домашна самоизолација, по препораките на Владата, со тоа да ја минеме и оваа седмица и мислам дека од наредната треба веќе да се разлабават сите мерки, изјави Јанчев на прес конференцијата.

Пијан Германец возел 12 километри во спротивна насока на автопат

Германската полиција во четвртокот вечерта запрела пијан возач кој возел во спротивна насока на автопатот во сојузната покраина Хесен повеќе од 12 километри.

Полицијата извести дека блокираната раскрсница Манхајм-Санхофен го навела 52-годишниот маж да погреши и да вози во спротивна насока.

Возачот бил запрен откако возел повеќе од 12 километри во правец на Франкфурт. За среќа, не предизвикал сообраќајна несреќа или инцидент. Од полицијата објаснија дека возачот згрешил бидејќи бил во алкохолизирана состојба, што било утврдено со земање крв.

Веднаш му била одземена возачката дозвола и против него е покрената кривична постапка. Очевидците се замолуваат да контактираат со полицијата, која ги следи сообраќајните услови во јужен Хесен.

Српски навивачи дивееле низ Виена со антиалбански пароли (ВИДЕО)

Навивачите на српската репрезентација синоќа маршираа низ главниот град на Австрија и извикуваа „Убиј, коли, додека Шиптар не постои“.

На социјалните мрежи се прошири видеото од српските навивачи како шетаат низ Виена по натпреварот меѓу Србија и Швајцарија на Светското првенство во Катар, на кој што Србија беше елиминирана од натпреварувањето.

Да потсетиме, синоќешниот натпревар во Катар не го одбележа само елиминацијата на Србија од Мундијалот, туку и вербалните и физички пресметки меѓу српската репрезентација и швајцарските репрезентативци со албанско потекло.

Украински гувернер: Ослободивме 13 населени места на истокот

Украинската армија ослободи 13 населени места во областа Луганск, најисточниот регион на Украина, изјави денеска шефот на регионалната администрација на мнозинскиот окупиран регион, Серхи Хајдај.

Гувернерот на Луганск наведува дека руските сили се уште ги гаѓаат ослободените села со артилерија. Најави и дека идната недела медицински екипи треба да ги посетат ослободените села, а властите организираат собирање огревно дрво за жителите, објави Хајдај на апликацијата Телеграм.

Оваа информација не е независно потврдена.

притисни ентер