Свет

Кремљ објави кој е минималниот предуслов за крај на војната

Таканаречените референдуми за анексија на четирите окупирани украински региони нема да значат војна во Украина, изјави денеска портпаролот на Путин, Дмитриј Песков.

„Специјалната воена операција продолжува и оди понатаму“, рече Песков на редовниот брифинг со новинарите.

Четирите окупирани или делумно окупирани региони на Украина (Херсон, Доњецк, Луганск и Запорожје) одржаа т.н. „референдуми“ за приклучување кон Русија. Тие „референдуми“ се нелегални според меѓународното право, а Украина и голем број западни и други земји ги отфрлија како руско шоу за јавноста, велејќи дека нема да ги признаат.

Новинарите денеска го прашаа Песков што ќе се случи кога проруските лидери на тие четири региони ќе ги потпишат документите за анексија, односно дали руските граничари ќе бидат испратени во тие региони да ги чуваат новите граници.

Песков не сакаше да одговори кога ќе бидат потпишани договорите за анексија, само рече дека „Кремљ за тоа навремено ќе ја информира јавноста“.

На прашањето дали Русија ќе ги земе предвид постигнатите воени цели кога тие четири региони формално ќе бидат припоени кон Русија, Песков рече дека „целата територија на Народна Република Доњецк се уште не е ослободена“.

„Минималниот услов е да биде ослободена целата територија на Доњецката Народна Република“, рече Песков.

Македонија

Еден повреден во престрелка во паркот во Чаир

Во паркот на улица „Кемал Сејфула“ во Чаир денеска од огнено оружје било повредено едно лице. Случајот во СВР Скопје ги пријавиле од Универзитетската клиника по хируршки болести „Свети Наум Охридски“, каде бил пренесен повредениот.

- Денеска (02.12.2024) од ГОБ „Св.Наум Охридски“ во СВР Скопје е пријавено дека кај нив со повреда од огнено оружје бил донесен Џ.Х. од Скопје, кој според пријавеното, бил повреден во паркот на ул. „Кемал Сејфула“ во Скопје, информираат од МВР.

Полицијата информира дека се преземаат мерки за расчистување на случајот.

Фудбал

Германски клуб бил пред згаснување, неговите навивачи за два дена собрале милион евра

Љубителите на фудбалот во Германија се од посебен вид, а тоа го покажа уште еден случај во текот на претходната недела.

Имено, четвртолигашот Либек беше на работ на згаснување, се додека неговите поддржувачи не изреагираа.

Клубот од северот на Германија минатата недела објави дека е пред банкрот и дека треба да собере милион евра за да преживее за помалку од 48 часа. Секој би рекол - невозможна мисија.

Но...

Навивачите на Либек веднаш започнаа акција и во експресно време ги собраа потребните пари и собраа доволно за да го спасат клубот од згаснување. На настанот во Либек вчера вечер, претседателот на клубот, Дитер Гидел објави дека повеќе од 4.000 навивачи донирале пари и дека се собрани милион евра кои го спасиле клубот.

По 18 одиграни кола во четвртата лига на Германија, Либек е десетти на табелата во Регионалната лига Север со 25 бода, што е седум повеќе од зоната за испаѓање.

Свет

Израел запре ирански авион над Сирија под сомнение дека пренесува оружје за Хезболах

Два борбени авиони Ф-35 на израелските одбранбени сили (ИДФ) пресретнаа ирански товарен авион на компанијата Кешм Фарс Ер, осомничен дека носел оружје за Хезболах во Либан над Сирија.

Оваа акција се случила во ноќта меѓу саботата и неделата, дознава „Тајмс оф Израел“.

Ловците на израелското воздухопловство (ИАФ) го пресретнале иранскиот Боинг 747 и му наредиле да се врати назад, што и го направиле по кратко време.

Во последниве месеци, израелските одбранбени сили принудија неколку ирански товарни авиони да се вратат назад додека биле во сирискиот или ирачкиот воздушен простор, поради сомневање дека носат оружје за Хезболах. ИДФ соопшти дека, за време на прекинот на огнот, ќе продолжи да дејствува за да ги спречи сите испораки на оружје за либанската група, вклучително и напади врз пратки насекаде во Либан или Сирија.

Минатата недела, висок воен функционер рече дека ИДФ не само што ќе ги нападне пратките со оружје, туку дека режимот на сирискиот претседател Башар ал Асад ќе се соочи и со последици за помошта на Хезболах.