Кремљ: Нападите на Донбас ќе ги третираме како напади врз Русија

Русија ќе ги смета обидите на Украина да ги врати териториите во Донбас како напади на свои територии, изјави денеска портпаролот на Путин, Дмитриј Песков.

Говорејќи на брифинг со новинарите во Москва, Песков се осврна на планираните референдуми во источна Украина, велејќи дека доколку се гласа за приклучување кон Русија, одредбите од рускиот Устав ќе важат и за новите територии. Песков рече дека процесот на пристапување на нови региони ќе потрае извесно време бидејќи за тоа е потребно одобрение од рускиот парламент и од претседателот.

„Не можам со сигурност да кажам колку долго ќе трае овој процес. Уверен сум дека ќе биде брз“, рече тој. Песков рече дека безбедноста на референдумот е обезбедена „на соодветно ниво“, со што „ќе се спречат обидите да се спречи гласањето“.

Во исто време, портпаролот на Кремљ рече дека Москва не ги отфрла мировните преговори со Украина, но нема знаци дека Киев е подготвен да им се придружи. „Процесот на преговори, се разбира, постои. Се бара за да се постигнат нашите цели. Но, како што веќе рековме, не ги гледаме предусловите за преговарачкиот процес“, рече тој.

Тој додаде дека украинската страна се повлече од преговарачкиот процес пред неколку месеци и „на различни нивоа - од највисоко до најниско – изјави дека ќе ги решава своите проблеми на бојното поле“.

Во вторник, четири украински окупирани региони - Доњецк, Луганск, Керсон и Запорожје - најавија референдум за приклучување кон Русија од 23 до 27 септември. Одлуката беше поздравена од руските власти и осудена од западните политичари, пренесе Индекс.хр.

Алегри по ремито со Каљари: На полувремето требаше сите да бидат сменети, вклучително и јас

Тренерот на Јувентус, Масимилијано Алегри се осврна на синоќешниот натпреварот со Каљари на којшто неговиот тим се спасуваше од пораз.

Средбата од 33. коло во Серија А заврши 2:2, а Јувентус изедначи во последните минути со автогол на Алберто Досена.

- Пропуштивме седум контранапади и постојано грешивме. Требаше да се бориме, но не влеговме во дуел-игра и ја направивме секоја можна грешка од технички аспект. Во вториот дел играта се промени и се подобривме. Не можете да му го дозволите на противникот таков почетокот на натпреварот на противникот. Примивме два гола. Секогаш е тешко да се игра и да се победи во Каљари. Фудбалот е тежок спорт кој се состои од дуели. Моравме да бидеме на нивното ниво, можеби да играме потехнички.

На полувреме мораше сите да бидат заменети, вклучително и јас. Сега ни преостанува борбата за место кое обезбедува пласман во Лигата на шампионите. Што се однесува до купот, мислам дека со една нога сме во финалето, рече Алегри.

На 23 април торинскиот тим ќе игра со Лацио во реваншот од полуфиналето на Купот на Италија. Првиот натпревар заврши со резултат 2:0 во корист на Јувентус.

На табелата во Серија А, Јувентус е трет со 64 бодови. Пред него се Милан со 69 и Интер со 83. /МИА

Хуманитарен настан за лекување на Кара Селовска

Општина Центар во сабота во Паркот на Франкофонија организира музички хепенинг за собирање средства за лекување на 12-годишната Кара Селовска, која се лекува во Барселона.

Настанот е во организација на сите осум основни училишта на подрачјето на општина Центар и со поддршка на Општина Центар.

Кара е ученичка во ООУ „Јохан Хајнрих Песталоци“ во Општина Центар, а поради сериозни компликации во моментот е хоспитализирана на клиниката во Барселона поради дијагностицирање на нејзината болест.

- Ова е втора акција која Општина Центар ја организира за собирање средства за лекување. Претходно, пензионерите од Центар организираа аукција на слики преку која собираа донации за Кара, информираат од Општината.

Њу Орлеанс последен избори плејоф во НБА-лигата

Кошаркарите на Њу Орлеанс пеликанс рано утрово забележаа победа над Сакраменто кингс со 105:98 во плејин натпреварот одигран на домашен терен.

Најефикасен играч на натпреварот беше Де'Арон Фокс ос Сакраменто кој постигна 35 поени.

Во победничкиот состав се истакна Брендон Инграм со 24 поени.

Пеликанс се пласираа во плејофот каде во првото коло ќе играат против Оклахома.

Покрај Њу Орлеанс место во разигрувањето за трофејот преку плејин обезбедија и Лос Анџелес лејкерс, Мајами Хит и Филаделфија.

Плејофот во најсилната кошаркарска лига на светот почнува вечер со натпреварите:

Кливленд кавалирс – Орландо меџик и

Минесота тимбервулвс – Феникс санс. /МИА

притисни ентер