Македонија

Крекиќ: Сега е време за солидарност и почитување на препораките за заштита од Ковид-19

Солидарност кај младите во Европа и почитување на мерките за превенција од Ковид-19 се главните заклучоци на дигиталниот конгрес на пролетното собрание за избор на нови членови во Младите Европски Либерали - LYMEC.

На настанот земаа активно учество од Либерално-демoкратската младина – ЛИДЕМ.

„ЛИДЕМ требаше да биде за првпат домаќин на конгресот на LYMEC во Македонија, но поради епидемијата предизвикана од Ковид-19, се одлучи настанот да се организира виртуелно, користејќи дигитална платформа. На собранието учество земаа 200 делегати од цела Европа. Со ова покажавме дека во време на криза, ние, како млади луѓе може активно да работиме и да дискутираме за моменталната состојба во цела Европа. Би сакал да и честитам на нашата интернационална секретарка, Санда Крекиќ која беше изгласана за внатрешна ревизорка на Младите Европски Либерали" изјави претседателот на ЛИДЕМ, Димитар Ванчов.

Директорката на Либералниот Институт Скопје - Санда Крекиќ, која е магистер на науки во областа на финансии и банкарство, со новата функција во LYMEC, како внатрешна ревизорка е пред голем интернационален предизвик.

„Навистина би сакала да се заблагодарам на сите делегати кои што гласаа за мене и ми ја дадоа целосната доверба да бидам внатрешна ревизорка. Од денеска, тоа за мене претставува една поинаква страница во мојата политичка кариера, така што во LYMEC европското семејство, рамо до рамо ќе ги градам европските вредности. Сега е момент кога треба да се грижиме едни за други, да ја почитуваме социјалната дистанца и да покажеме солидарност. Сакам да им испратам порака до сите врсници активно да се вклучат во младинската политика и заедно да ги креираме европските либерални вредности" истакна Санда Крекиќ.

Младите Европски Либерали – LYMEC основана во 1976 година e интернационална младинска организација, преку промоција на своите либерални младински движења е дел од Алијансата на либерали и демократи во Европа. Нивната мисија е да имаат позитивно влијание на европско ниво, работејќи за подобра либерална Европа.

Регион

Маж од Подгорица исфрлил гола проститутка на улица, полицајците шокирани од полот (ФОТО)

Случајни минувачи кои пред неколку ноќи се нашле во елитната населба Мастер кварт во Подгорица биле сведоци на крајно бизарна сцена - на улица имало сосема гола проститутка.

Како што дознава Телеграф.рс., неименуван маж исфрлил целосно гола проститутка од станот на улица.

Околу 3 часот и 25 минути, случајни минувачи пријавиле во полиција дека преку Блажов мост кон Собранието на Црна Гора се движела сосема гола жена.

Се покажало дека е транс девојка.

Како што дознава Телеграф.рс, претходно дошло до расправија.

Предметната девојка била од Шпанија и работела како деловна придружба.

Била со партнерот и не сакала да соработува со полицијата. Таа била пренесена во Ургентниот центар за да се провери дали е повредена, но таа одбила помош.

Инаку, дотичната има профили на сајтови за придружба, на кои јасно се посочува дека е транс и дека сè уште не направила операција за промена на полот, објави Телеграф заедно со ВИДЕО.

Живот

Старателка призна дека убила дете и го фрлила во шахта: Имав син, му го одзедов животот (ВИДЕО)

Старателката Пами Меј (48) од Колумбус, Охајо, признала дека го убила момчето Дарнел Тејлор (5), а потоа го фрлила неговото тело во шахта.

Таа на 13 февруари годинава збеснала кога го видела како јаде грицки во креветот, а потоа решила да го казни, објави Ен-Би-Си.

Почнала да го дави со рацете, а кога сфатила дека момчето не е живо, телото го фрлила во шахта во близина на куќата во која живееле.

Телото на момчето било пронајдено неколку дена подоцна.

Пеми веднаш била уапсена и во полиција го признала убиството, а нејзиното признание е снимено на камера.

„Барем имаш деца. Имав син, но му го одзедов животот“, се слуша како Пем му кажува на еден од полицајците.

Во видеото таа открила дека решила да го убие Дарнел откако претходно во текот на денот го видела како се прикрадува со грицки во креветот.

Тоа толку ја налутило што точно планирала како да го убие момчето.

Во еден момент влегла во собата и почнала да го гуши. Таа рече дека момчето се обидело да се одбрани, но во еден момент престанало да се движи.

„Тогаш сфатив дека повеќе не е жив“, рече таа.

За време на полицискиот разговор, Пеми не покажала никакви емоции или знаци на каење.

Судењето на Пеми се очекува да започне на 25 април.

Свет

Аргентина бара партнерски статус во НАТО

Аргентина побара од НАТО да стане еден од глобалните партнери на тој безбедносен сојуз, изјави денеска министерот за одбрана Луис Петри во време кога неговата земја бара начин да ги зајакне врските со САД и Европската унија.

Аргентина во вторникот објави дека купува 24 американски борбени авиони Ф-16 од Данска, договор поддржан од Вашингтон.

Министерот Петри се сретна со заменик генералниот секретар на НАТО, Мирчеа Џоана и му врачи писмо во кое се изразува интересот на Аргентина да стане партнер на западната воена алијанса, објави министерот на X.

Според НАТО, глобалните партнери работат со членките на алијансата за споделување разузнавачки информации и учество во воени вежби.

Глобалните партнери на НАТО ги вклучуваат, меѓу другите, Австралија, Колумбија, Ирак, Јапонија, Јужна Кореја, Монголија, Нов Зеланд и Пакистан.

притисни ентер