Македонија

Кратење на непродуктивните трошоци, најави Ристески

Кратење на непродуктивните трошоци, најави кандидатот за градоначалник на Македонски Брод, Ристески.

Во вториот круг од локалните избори што треба да се одржат претстојниот викенд, во Општина Македонски Брод во трка влегуваат Жарко Ристески од ВМРО -ДПМНЕ и коалицијата, кој во првиот круг освои 1418 гласови и Ацо Новески, независен кандидат со 1198 гласа. Со предност од 220 Ристески влегува во вториот круг, со реални шанси да стане идниот градоначалник на оваа општина.

Тој при денешното обраќање до граѓаните најави целосно кратење на непродуктивните трошоци поради економската и здравствена криза што ја зафати и нашата Република.

-Кратењето на непродуктивните трошоци ќе биде прва работна обврска што ќе ја спроведам веднаш по стапувањето на должност, градоначалник на Општина Македонски Брод.Во услови на светска економска и здравствена криза што ја зафати и Република Македонија, но и нашата општина, неопходно е да започнеме со намалување или целосно кратење на оние трошоци кои се непотребни, а дополнително претставуваат економски проблем и ја задолжуваат нашата општина-истакна Ристески и вети бришење на ставката репрезентација во наредните четири години.

Тој рече дека како иден градоначалник на Општина Македонски Брод ветува дека целосно ќе се откаже од финансиската ставка репрезентација за градоначалник и таа во иднина ќе изнесува нула денари.

-Со оваа моја одлука сакам на моите сограѓани да им соопштам дека нивните пари ќе бидат инвестирани во решавање на реални и вистински проблеми и реализација на многубројни проекти кои ќе имаат за цел да го направат Македонски Брод поубаво и подостоинствено место за живот на сите граѓани. Време е конечно да им погледнеме на проблемите со вистински очи и да се зафатиме со нивното решавање, бидејќи Македонски Брод заслужува да биде градот од кого ќе започне обновата и промените, додаде Ристески. /МИА

Регион

Маж од Подгорица исфрлил гола проститутка на улица, полицајците шокирани од полот (ФОТО)

Случајни минувачи кои пред неколку ноќи се нашле во елитната населба Мастер кварт во Подгорица биле сведоци на крајно бизарна сцена - на улица имало сосема гола проститутка.

Како што дознава Телеграф.рс., неименуван маж исфрлил целосно гола проститутка од станот на улица.

Околу 3 часот и 25 минути, случајни минувачи пријавиле во полиција дека преку Блажов мост кон Собранието на Црна Гора се движела сосема гола жена.

Се покажало дека е транс девојка.

Како што дознава Телеграф.рс, претходно дошло до расправија.

Предметната девојка била од Шпанија и работела како деловна придружба.

Била со партнерот и не сакала да соработува со полицијата. Таа била пренесена во Ургентниот центар за да се провери дали е повредена, но таа одбила помош.

Инаку, дотичната има профили на сајтови за придружба, на кои јасно се посочува дека е транс и дека сè уште не направила операција за промена на полот, објави Телеграф заедно со ВИДЕО.

Живот

Старателка призна дека убила дете и го фрлила во шахта: Имав син, му го одзедов животот (ВИДЕО)

Старателката Пами Меј (48) од Колумбус, Охајо, признала дека го убила момчето Дарнел Тејлор (5), а потоа го фрлила неговото тело во шахта.

Таа на 13 февруари годинава збеснала кога го видела како јаде грицки во креветот, а потоа решила да го казни, објави Ен-Би-Си.

Почнала да го дави со рацете, а кога сфатила дека момчето не е живо, телото го фрлила во шахта во близина на куќата во која живееле.

Телото на момчето било пронајдено неколку дена подоцна.

Пеми веднаш била уапсена и во полиција го признала убиството, а нејзиното признание е снимено на камера.

„Барем имаш деца. Имав син, но му го одзедов животот“, се слуша како Пем му кажува на еден од полицајците.

Во видеото таа открила дека решила да го убие Дарнел откако претходно во текот на денот го видела како се прикрадува со грицки во креветот.

Тоа толку ја налутило што точно планирала како да го убие момчето.

Во еден момент влегла во собата и почнала да го гуши. Таа рече дека момчето се обидело да се одбрани, но во еден момент престанало да се движи.

„Тогаш сфатив дека повеќе не е жив“, рече таа.

За време на полицискиот разговор, Пеми не покажала никакви емоции или знаци на каење.

Судењето на Пеми се очекува да започне на 25 април.

Свет

Аргентина бара партнерски статус во НАТО

Аргентина побара од НАТО да стане еден од глобалните партнери на тој безбедносен сојуз, изјави денеска министерот за одбрана Луис Петри во време кога неговата земја бара начин да ги зајакне врските со САД и Европската унија.

Аргентина во вторникот објави дека купува 24 американски борбени авиони Ф-16 од Данска, договор поддржан од Вашингтон.

Министерот Петри се сретна со заменик генералниот секретар на НАТО, Мирчеа Џоана и му врачи писмо во кое се изразува интересот на Аргентина да стане партнер на западната воена алијанса, објави министерот на X.

Според НАТО, глобалните партнери работат со членките на алијансата за споделување разузнавачки информации и учество во воени вежби.

Глобалните партнери на НАТО ги вклучуваат, меѓу другите, Австралија, Колумбија, Ирак, Јапонија, Јужна Кореја, Монголија, Нов Зеланд и Пакистан.

притисни ентер