Ковид-19 најважен предизвик за државата во следните месеци

Најголемата криза со која и денес сме соочени е пандемијата со Ковид-19 која останува најважен предизвик и во следните месеци

Најголемата криза со која и денес сме соочени е пандемијата со Ковид-19 која останува најважен предизвик и во следните месеци, но според сегашните проценки, не се очекува развој на пандемијата што би имал влијание врз општата безбедност во земјата, заклучи Советот за безбедност на вчерашната седница.

Шефот на државата Стево Пендаровски по седницата на Советот изјави дека во однос на мерките за справување со пандмијата во моментов генерално во Европа и во светот има само малку држави, кои се решаваат на ригидни мерки како оние кои ги имавме пред три или четири месеци, на пример со 96-часовен полициски час. Сепак, според него, ако дојде до поголема бројка на заразени, државата треба да има стратегија да се справи со тоа со друг сет мерки, кои би биле економски поиздржливи.

– Јас се согласувам негде да затегнеме, негде да попуштиме, меѓутоа на системско ниво, на ниво на цела територија мислам дека тоа што го поминавме треба да остане во историјата, истакна Пендаровски.

Шефот на државата и во видео-обраќање пред Генералното собрание на ОН нагласи дека оваа 2020-та година е несомнено една од најтешките години која ја живее човештвото во поновата историја, бидејќи пандемијата со Ковид-19 за само неколку месеци, освен што однесе безмалку еден милион човечки животи, остави длабоки последици во речиси секоја сфера од нашето живеење, за што ќе ни бидат потребни години додека целосно закрепнеме.

– Ковид-19 предизвика тектонски промени во поредокот кој го знаеме, но, ни овозможи и реален увид во националните капацитети на јавното здравје за справување со кризи од планетарни димензии. Ковид-19 е само уште една во целиот спектар од кризи со кои се соочуваме како човештво и ниту една од нив не е целосно изолирана од другите. Здравствената криза е истовремено и економска и социјална бидејќи предизвикува сиромаштија, а, сиромаштијата е плодна почва за екстремизам и конфликти, истакна Пендаровски.

Директорката на Универзитетската клиника за инфективни болести и фебрилни состојби, Милена Стевановиќ смета дека со доаѓањето на зимата ќе биде уште потешко да се заштитиме и да го намалиме ризикот од инфекција со новиот коронавирус, доколку строго и принципиелно сите не се придржуваме до препорачаните мерки.

– Поради ниските температури ќе бидеме затворени внатре, ако не се придржуваме на високите стандарди за одржување на хигиената, правилното користење на маската и избегнување собири каде не може да се обезбеди соодветна дистанца, ризикот од пренесување на инфекцијата ќе биде поголем, оценува Стевановиќ.

Според неа, во текот на зимскиот период има многу други горно-респираторни инфекции кои се пренесуваат на ист начин и со слични симптоми како и новиот коронавирус, па ќе биде и потешко да се диференцираат.

– Затоа, придржувајте се на препорачаните мерки за превенција, порачува Стевановиќ

Во услови на неизвесност со развојот на состојбата со Ковид-19 и во пресрет на стартот на новата учебна година Владата го усвои и Извештајот за работата на Комисијата за разгледување на поднесени барања од страна на основачи на училиштата за организирање на настава со физичко присуство.

Владата го прифати предлогот на Комисијата, согласност за настава со физичко присуство да добијат 169 основни училишта од кои шест државни училишта за деца со посебни образовни потреби, едно приватно училиште со одобрение за експериментална настава во основно образование, 15 централни општински основни училишта и 147 подрачни основни училишта.

Дадена е согласност за настава со физичко присутво и во четири средни училишта од кои две државни за деца со посебни образовни потреби, една приватно средно училиште и едно општинско средно училиште. Делумна согласност за реализација само на стручните предмети и практичната настава со физичко присуство добија 10 средни училишта – пет уметнички, четири општински училишта и Спортската академија.

Според најновите податоци, во последните 24 часа се регистрирани 183 нови случаи со Ковид-19 од направени 1.769 тестирања. Во истото деноноќие, во болнички услови починаа пет пациенти, а регистрирани се 102 оздравени пациенти.

Со последната статистика вкупниот број на Ковид дијагностицирани во земјава од почетокот на епидемијата достигна 17.049, од кои 14.186 оздравеа, 710 починаа, а цифрата на активни случаи изнесува 2.153.

Со четири новопримени пациенти, вкупниот број на хоспитализирани на Инфективната клиника во скопје изнесува 73, од кои на кислородна поддршка се 45 пациенти, а нема ниту еден на механичка вентилација.

Во болницата во Козле се хоспитализирани четири деца и четири мајки позитивни на Ковид-19 и едно дете и една мајка суспектни на вирусот, додека во ГОБ „8 Септември" вкупно се хоспитализирани 32 пациенти, од кои на респиратор се тројца.

Во болницата во Битола се хоспитализирани 22, во болницата во Штип 43, а на инфективните одделенија во Тетово, Охрид, Велес, Куманово, Прилеп, Гостивар, Струмица и Струга вкупно се хоспитализирани 158 лица, позитивни и сомнителни на Ковид-19. /МИА

Човек се бори за живот, откако пред другите патници во воз во Лондон бил прободен со нож(ВИДЕО)

19-годишен маж е уапсен под сомнение дека се обидел да убие маж што го избодел во воз во јужен Лондон.

Застрашувачките снимки го покажуваат моментот кога жртвата се борела за живот откако бил избоден со нож во воз меѓу железничките станици Бекенхам Јункшн и Шортлендс, пред шокираните патници, пренесува Метро.

На видеото, кое исто така е споделено на социјалните мрежи, се гледа како маж во црна јакна со качулка, црни панталони и заштитна маска мавта со огромен нож.

Се слуша како еден вознемирен патник извикува „f*****, запрете“, пред да повика полиција и да пријави „овој човек прободува некого во возот“.

Во соопштението, британската транспортна полиција рече: „Детективите апелираат сведоците да се појават откако еден човек беше сериозно повреден денеска на станицата Бекенхам.“

„Денеска околу 15.56 часот, добивме извештаи за двајца мажи кои се тепаат кога се качија на воз на железничката станица Шортлендс. Еден човек претрпе сериозни повреди што беа прободени со нож“.

„Полицајците интервенираа, заедно со колегите од Метрополитен полиција и лондонската брза помош, а жртвата беше пренесена во болница со повреди опасни по живот.“

Полицијата апелираше до сите сведоци да излезат.

Портпаролот на возовите соопшти: „Свесни сме за сериозен инцидент на едно од нашите возила попладнево. Работиме итно со британската транспортна полиција и бараме секој што има информации веднаш да се јави“.

„Сите наши возови се опремени со камери за видео надзор и ќе ја доставиме оваа снимка на британската транспортна полиција за да помогне во нивната истрага“.

„Имаме и интегриран тим за заштита, составен од колеги од Југоисточен, БТП и Network Rail, и веќе работиме заедно за да ги најдеме одговорните.

Ковачевски: СДСМ креира мерки за силна економија, ликвидни компании и европски животен стандард

Претседателот на Социјалдемократскиот сојуз на Македонија, Димитар Ковачевски денеска учествуваше и дискутираше на панел дискусијата насловена „Креираме развој преку поддршка на инвестиции“. 

Денешната трибина, како што посочи Ковачевски е добра можност да се сублимираат досегашните преземени мерки и резултатите од нив, во делот на поддршката на инвестициите и економијата, но истовремено и да се види што е она што треба да се преземе за уште подобри резултати.

Ковачевски посочи дека за силна економија е потребен ликвидно и силно стопанство, нови фабрики, раст на инвестициите, капитални инвестиции во инфраструктурата, развиено земјоделство, подобар животен стандард преку повисоки плати и пензии, пристап до ЕУ пазарите.

Справувањето со предизвици, поддршка на домашната економија и компаниите преку правилни таргетирани мерки, финансиска поддршка, раст на платите, беа во фокусот на дискусијата, кои воедно се и дел од столбовите во новата програма на СДСМ.

Ковачевски потенцираше дека правилните политики на Владата предводена од СДСМ, овозможија континуиран раст на платите и во време на криза.

"Минималната плата порасна на 22.500 денари, за само две години. Да не заборавиме дека во 2016 година беше само 8.000 денари, значи имаме неколкукратно зголемување на минималната плата. Во однос на просечната плата, нашето ветување беше дека ќе биде 500 евра просечна плата во 2024, денес гледаме дека е 650 евра. Тоа е резултат на целиот економски амбиент, иако бевме во време на криза. Невработеноста ја преполовивме од 25% на 12,8%. Значи преполовена невработеност, зголемена вработеност, во краток период. Просечната плата во 2028 година ќе достигне рекордни 1.100 евра, а минималната палта ќе достигне рекордни 600 евра", подвлече Ковачевски.

При тоа, Ковачевски посочи дека во новата програма за 2024-2028 година предвидени се уште поголеми инвестиции, уште поголема поддршка за граѓаните, уште поголемо зголемување на минималната плата, на просечната плата и секако намалување на невработеноста, како дел од можностите кои што ги даде ЕУ.

„Прво економијата и поддршката на компаниите, инвестициите беа високо на агендата на Владата која јас ја предводев и на претходната Влада, природно доаѓа тоа бидејќи јас сум економист. Но уште поприродно доаѓа во време на криза кога мора да работите прво на спасување на ликвидноста на компаниите, второ спас на работните места и трето одржување на животниот стандард на граѓаните со оглед на тоа дека секој е погоден од кризата и компаниите и граѓаните и оние што се најзасегнати а тоа се ранливите категории на граѓани. И затоа во изминатите 7 години ние генерално имавме многу силен акцент ставено на економијата." – истакна Ковачевски.

Во наредниот 4 годишен период со новата програма на СДСМ планирани се 180 милиони евра директна финансиска поддршка на домашните компании за инвестиции во производство, 3,5 милијарди евра капитални инвестиции, особено во инфраструктурни проекти, од кои 2,7 ќе бидат само во патна инфраструктура а тоа значи вработување за македонската економија, зголемување на бројот на вработеност, а со тоа и раст на платите и раст на пензиите.

Со 100 милиони евра Владата предводена од СДСМ поддржа 919 компании, за разлика од пред 2017 година, кога имаше нула поддршка за домашните компании. Во последниот деветти пакет антикризни мерки, во вредност 662 милиони евра, 492 милиони евра се предвидоа за поддршка на приватниот сектор, преку мерки за одржување на ликвидноста на компаниите, конкурентноста, поддршка за инвестиции во обновливи извори, зачувување на работните места, поволни заеми за мали и средни претпријатија во износ од вкупно 2,6 милијарди евра преку антикризни мерки се вратија назад кај граѓаните и стопанството.

Ковачевски потенцираше дека секоја стратешка одука има стратешка цел, а тоа е развој на економијата, развој на приватниот сектор, нови вработувања и подобро платени работни места. Овие цели се исполнуваат со продолжување по европскиот пат и со обезбедување на европската иднина за граѓаните и државата.

Целта која ја застапува СДСМ и Коалицијата значи интеграција и европска иднина.

"Се друго се сценарија кои немаат економска логика, зад кои не стои никаква ниту политичка ниту економска калкулација и коишто ќе значат само враќање во некои неизвесни времиња. СДСМ нуди извесност, нуди надеж и напорна работа за да може да го оствари она што го заслужува Македонија, како земја која културолошки, економски и по секој друг основ и припаѓа на Европската Унија", рече Ковачевски, се наведува во партиското соопштение.

Папата им ги изми и им ги бакна нозете на 12 затворенички во Рим (ВИДЕО)

Папата Франциск им ги изми и бакна нозете на 12 затворенички во римски затвор, во симболичен обред на понизност и служба на Велики четврток.

Аргентинецот попладнево го посети женскиот затвор Ребибија, кој се наоѓа во североисточниот дел на италијанската престолнина.

Седејќи во инвалидска количка, 87-годишниот папа им ги изми нозете на сите 12 затворенички, од кои некои беа во солзи, пред да ги избрише со крпа и да ги бакне.

Светиот Отец се чинеше дека е во добра форма, иако во последните денови во медиумите се шпекулираше за неговата здравствена состојба поради честите инфекции кои во неколку наврати го спречуваа да ги заврши своите говори.

„Сите ние доживуваме мали и големи неуспеси“, рече Франциск во импровизирана проповед за време на миса одржана во срцето на затворот каде што се притворени 370 жени.

Неколку минути претходно Франциск се насмевна и се ракува со затвореничките. Во христијанската традиција, Велики четврток го означува денот кога Исус им ги измил нозете на апостолите за време на Тајната вечера.

Од неговото именување во 2013 година, Франциск е чест гостин на затворите или прифатните центри за бегалци, каде што им ги миел нозете на поранешните мафијаши, болни или маргинализирани луѓе.

Се очекува тој да ги води станиците на Крстот во Колосеумот во петок навечер.

притисни ентер