Ковачевски во Стопанската комора: Новите инвестиции се резултат на стратешките политики

Новите инвестиции се резултат на стратешките политики, членството во НАТО и почетокот на преговорите со Европската Унија

Премиерот Димитар Ковачевски денеска оствари работна средба со претседателот на Стопанската комора на Македонија Бранко Азески и членовите на Управниот одбор на комората, на која присуствуваа и вицепремиерот задолжен за економски прашања, координација на економските ресори и инвестиции Фатмир Битиќи и заменик-министерот за финансии Филип Николоски.

Премиерот Ковачевски на средбата ги информираше претставниците на бизнис заедницата за работната посета во САД, за која, како што соопштуваат од владината прес-служба, посочил дека е од национална и државна важност.

- Нашата држава во овие клучни моменти доби многу силна поддршка од нашите најголеми и најважни стратешки партнери, САД, што е исклучително важна за иднината на земјата и за продолжување на европскиот пат. САД го цени нашиот придонес во глобалните процеси и тоа што сме земја фактор на регионалната стабилност. Македонската држава во својата понова историја имала поддршка од САД но ваква силна, изразена и ваква значајна за иднината на земјата, досега немала. Тоа мора да го имаме предвид. Особено сега во овие моменти, рече премиерот Ковачевски и порачал дека имаме целосна поддршка од САД и за уставните измени, што беше нотирано и во изјавата на Габриел Ескобар, но и на амбасадорката Анџела Агелер, колку е важно во национален, регионален, но и во глобален контекст Македонија да продолжи со евроинтеграциите кои се веќе започнати.

На средбата, премиерот Ковачевски информираше за разговорите со државните секретари Блинкен и Ескобар, кои потврдија дека евроинтеграциите на земјава се неповратен процес, но изразија загриженост за блокадата на опозицијата.

- Денес сме посветени и на натамошен напредок кон европските интеграции – и тие порано или подоцна ќе се случат, затоа што државата е на вистинскиот колосек и оттука има само напред. Македонија конечно има поволен и предвидлив деловен амбиент за компаниите и за нови инвестиции, што е резултат на стратешките политики, членството во НАТО и почетокот на преговорите со Европската Унија, рече премиерот Ковачевски.

При тоа премиерот Ковачевски посочи дека за бизнис заедницата е особено важна поддршката што државата ја има од САД, потенцирајќи дека влезот на странски познати компании кај нас, значи и повисок инвестициски рејтинг.

Кога една компанија напредува, тоа е мотив и друга компанија да влезе и да инвестира, рече премиерот Ковачевски, додавајќи дека со зголемениот број на инвестиции се отвора можност – наместо држава на евтина работна сила Македонија да биде држава на подобро платени работни места.

- Носиме инвестиции кои се брзорастечки. И со ова Македонија ја ставаме на мапата земји кои имаат капацитет за големи инвестиции и за инвестиции на 21 век, порача премиерот Ковачевски.

На средбата во Стопанската комора на Македонија, премиерот Ковачевски посочил дека бизнис заедницата е важна за креирање на економските политики на државата, бидејќи приватниот сектор е еден од двигателите на економијата.

Претседателот на Стопанската комора на Северна Македонија, Бранко Азески порачал дека комората и во иднина конструктивно ќе придонесува со мерки за подобрување на деловниот амбиент и притоа го акцентира напредокот кој земјата го постигна во меѓунационалниот дијалог.

Авио компанија е казнета со 300.000 долари - ги држеле патниците во авион и по 4 часа

Американското Министерство за транспорт го казни Воларис со 300.000 долари за кршење на федералните закони за одложување на летовите.

Авиокомпанијата мора да плати казна од 150.000 долари сега, со можност да се соочи со дополнителни 150.000 долари доколку има слични прекршоци во следната година.

Според прописите, меѓународните летови не можат да останат на платформата на аеродромот повеќе од четири часа без да им дозволат на патниците да излезат од авионот.

Воларис во текот на 2021 и 2022 година дозволи два лета да ја надминат оваа граница без да им даде можност на патниците да ги напуштат авионите.

Летот на Воларис 5892 од Гвадалахара до Далас Форт Ворт бил пренасочен кон меѓународниот аеродром Џорџ В. Буш на 17 август 2021 година и имало доцнење од пет часа и 32 минути.

Летот 826 од Мексико Сити до Чикаго О'Харе бил пренасочен кон Сент Луис на 23 јули 2022 година и имал четири часа и 35 минути доцнење на пистата.

Управата за заштита на потрошувачите во воздухопловството на Министерството за транспорт извршиле истрага и утврдиле дека ниту еден од исклучоците од т.н. Правилата за одложување на пистата не биле применливи за овие летови, објави денеска Транспорт.

Одделот наложи повеќе од 164 милиони долари казни против авиокомпании за кршење на правата на потрошувачите за време на администрацијата на Бајден.

Додик: Не ја прифаќаме резолуцијата, ќе предложиме разединување со БиХ

Милорад Додик, претседателот на Република Српска, во Сребреница изјави дека Босна и Херцеговина е доведена во најголемата политичка криза од која нема да излезе.

„Нема да ја прифатиме резолуцијата, а Српска, вели, ќе подготви извештај за прекршување на Дејтонскиот договор и ќе испрати договор за мирно раздружување до Федерацијата.“ Премиерот Радован Вишковиќ вели дека мирното раздвојување не е отцепување, објави РТС.

„Сребреница е дел од Република Српска, не се срамиме од ова место, ова е место каде живеат чесни луѓе од различни националности“. Вака Милорад Додик го започна своето обраќање по седницата на републичката Влада во Сребреница.

Тој рече дека ја цени болката и на белите и на црните марами и дека сите жртви треба да се третираат со почит. Но, она што тој нема да го прифати, вели тој, е резолуцијата за Сребреница и напорите за ревизија на историјата Таму, вели Додик, нема соработка.

„Затоа ќе ја подготвиме информацијата за прекршување на Дејтонскиот договор, ќе ја доставиме до Собранието во рок од 30 дена и ќе го претставиме нашиот предлог за Договор за раздружување. Сакаме да разговараме со нашите партнери во Федерацијата на мирен начин, да ги кажеме причините зошто сакаме да се разделиме и да се вратиме на суверенитет на РС“, рече Додик.

Премиерот Радован Вишковиќ потврдува дека републичката влада ќе направи договор за мирно раздружување во следните 30 дена. Договорот, вели тој, ќе биде препратен во Сараево.

„Ние не сакаме конфликти. Ова не е отцепување, мирното разединување не е отцепување. Ако некој не смета за геноциден народ, нема причина за соживот“, нагласува Радован Вишковиќ, премиер на РС.

Српска ќе бара поддршка за разединување од пријателските земји, но и во Парламентот во Белград.

Според Додик, Сребреница одамна е политичко прашање и со резолуцијата сега сакаат да му припишат колективна одговорност на српскиот народ. Затоа БиХ е во најголемата политичка криза од која, вели, нема да излезе.

„Која е целта на оваа резолуција? Да ни ја наметнете, дека сега ја прифаќаме како таква, бидејќи не е обврзувачка резолуција. Па, нема. Веднаш ви велам дека нема, нема да го славиме 11 јули како ваш ден, нема да одбележуваме ништо што е напишано таму“, нагласува Додик.

Венци беа положени за повеќе од три и пол илјади убиени Срби во Братунац и Сребреница, но не и во Меморијалниот центар во Поточари, бидејќи тоа не го дозволија.

Беше договорено да се разговара и за воспоставување заеднички датум за одбележување на страдањата на сите народи во Сребреница.

Во оваа и следната година од буџетот за Сребреница и Братунац ќе бидат издвоени десет милиони марки.

Небиу: Нашиот глас за резолуцијата за Сребреница мислам е соодветен на ситуацијата

„Се согласувам треба да имаме пријателски однос со Србија како што треба да имаме со Албанија, Бугарија и Грција“

Постои фактички судска одлука на меѓународниот суд, дека не е воено злосторство туку е геноцид и има луѓе кои што се осудени за тоа. Има луѓе кои што го прифаќаат или не го прифаќаат тоа меѓу тоа постои таква одлука и тоа е последната пресуда за геноцид на територијата на Европа. Дали треба Македонија да се меша? Го гледав листингот на сите земји членки на НАТО и сите земји членки на окружувањето. Словачка и Грција се воздржале, мислам Грција поради специјалниот однос со Србија што го има како пријател. Не е резолуција за Сребреница туку како ден за одбележување како геноцидот, не не ни резолуција за Србија, ни резолуција за Сребреница.

Се согласувам треба да имаме пријателски однос со Србија како што треба да имаме со Албанија, Бугарија и Грција, мислам нашиот глас е соодветен на ситуацијата, рече Бесим Небиу во Само Вистина.

притисни ентер