Ковачевски: Отворени се вратите за сите партии кои сакаат да се придружат

Македонија е под политичка уцена од ВМРО-ДПМНЕ и Левица, не прифаќаат уставни измени а не нудат ниту алтернативно решение- обвинува премиерот Димитар Ковачевски.

За аргументот на опозициските партии дека актуелниот парламентарен состав нема мандат за таква одлука, тој не се согласува и вели дека овие уставни измени се дел од евроинтеграциите и затоа треба да бидат изгласани од сите европски ориентирани партии. Дали Владата има двотретинско мнозинство Ковачевски нема одговор, но повтори дека е потребен консензус.

Велат ние не поддржуваме уставни измени. Зошто? Нема одговор. Кога нешто не поддржувате треба да имате алтернатива. Кога ќе прашате кој ви е планот- немаат план.

Ај покажете ми во програмата на ВМРО-ДПМНЕ каде стои дека ќе фрлаат молотови коктели и ќе прават насилни протести во Скопје? Каде стои во програмата на ВМРО-ДПМНЕ дека ќе ја блокираат работата на Собранието со вувузели, викање и насилие? Никаде не стои, а тоа го прават.

Ковачевски најави продолжување на консултациите за евентуално проширување на мнозинството со пратениците на Алијанса, но извесно е и дека и со нив, засега 2/3 мнозинство е недостижно..

Како компромис со опозицијата, Таравари предложи прво да се изгласаат уставните измени, а потоа да се прифати барањето за преврмени избори, но оваа опција од ВМРО-ДПМНЕ ја отфрлаат...

-Народот е изморен од претворање на политиката во естрада и во егзибиционалистички потези на лажење и лицемерие. Ако некој мисли дека може да се излезе и да се прави нешто за што не добил мандат тогаш тоа е негова одлика, но за ВМРО-ДПМНЕ е приоритет работите за кои што суштински се залагаат партиите да бидат тестирани на избори и да добијат мандат од граѓаните. рече Стоилковски.

Дали Алијанса ќе влезе во власта или ќе остане во опозиција, неофицијално ќе биде појасно до крајот на неделава до кога Таравари очекува од Ковачевски да добие понуда за три министерски места. Едно од нив се споменува дека е здравство, со кое раководи Беким Сали од Алтернатива, но министерот тврди дека се е во рамки на шпекулациите.

„Тоа се политички одлуки, сѐ уште нема конкретни разговори, нема преговори, сето ова е во делот на шпекулации што се повторуваат од септември наваму. Веќе петти месец се соочувам со прашањето дали ќе го отстапам министерството. Не е мое. Јас сум го наследил од некој министер, сигурно ќе го наследи некој после мене.

Од Алтернатива претходно соопштија дека нема да отстапат ниту една функција од тие кои ги добија преку договорот меѓу Заев и Гаши, а СДСМ и ДУИ засега се воздржани со став дека досега за кадри со Таравари немаат разговарано.

Сопругата на Арбен Таравари на 7 февруари се вработила во Министерството за образование

Сопругата на претседателскиот кандидат на албанската опозиција и лидер на Алијанса за Албанците, Арбен Таравари на 7 февруари е вработена во Министерството за образование.

Според одлуката, до која што дојде Канал 5 , Нора Таравари е вработена на местото помошник раководител на сектор за еквиваленција и нострификација во Министерството за образование.

Бреговиќ ја продал луксузната вила во центарот на Истанбул, пред 8 години ја платил 2 милиона

Музичарот Горан Бреговиќ ја продал вилата што ја купил во Истанбул во 2014 година, ексклузивно дознава Курир.

Имено, додека новинарите на споменатиот портал биле во Турција, дознале дека познатиот музичар повеќе не поседува имот во Истанбул. Тој пред точно десет години купил вила на Босфор, во елитниот дел на Истанбул, каде што недвижностите се најскапи, за што тогаш пренесоа бројни медиуми. Недвижностите во оваа населба на еден од најубавите градови во Европа вредат околу милион и пол евра, а Бреговиќ за својот искеширал дури два милиони. Сепак, засега не е познато за колку го продал.

Поранешниот имот на семејството Бреговиќ гледа на теснецот што ги дели Европа и Азија од една страна, а шумата од друга.

- Пред извесно време се зборуваше дека Брега има куќа овде во Истанбул, но моите сознанија се поинакви. Никој од нас не поседува недвижен имот во тој дел на Босфорот, па најверојатно го продал својот. Не ги знам деталите, но го знам целото маало. Овде живеам 30 години и би знаел дека уште има куќа. Го сретнав неколку пати со пријатели во ресторани на европскиот брег на Босфор, но последниве години не го видов овде во Истанбул - вели агент за недвижности, по потекло од Србија, кој живее во Истанбул и продава луксузни вили и апартмани.

Иако познатиот член на Бијело Дугмет не одговорил на барањето на Курир, познато е дека Бреговиќ има куќи ширум светот: во Белград, Црна Гора, Париз, Загреб и Сараево. Тој е препознатлива личност во Турција, а популарност му ја донесе соработката со Емир Кустурица на филмовите „Hanging House“, „Arizona Dream“ и „Underground“. Пред една година ја компонираше музиката за претставата „Мустафа“, за која сценариото го напиша и режираше турскиот новинар Кан Дундар.

Николовски од Кочани: За 300% ги зголемивме субвенциите за ориз

Министерот за земјоделство, шумарство и водостопанство, Љупчо Николовски заедно со државниот советник за рурален развој, Трајан Димковски денеска беа во работна посета на Кочани.

Николовски заедно со државниот советник за рурален развој, Трајан Димковски денеска беа во работна посета на Кочани, каде остварија повеќе средби со земјоделците производители на ориз, добитници на мерката за набавка на специјализирани комбајни за жнеење на ориз и набавка на сушари за ориз.

„Ориозот, нашето македонско бело злато, со новиот модел за субвенционирање го издигнавме во листата на статешки важни култури за државата, а за оризопроизводителите креирани се мерки, со кој можат да го модернизираат и олеснат своето производство“, изјави министерот Николовски.

До сега за 300% се зголемени субвенциите за ориз. Со новиот модел за субвенционирање оризопроизводителите добиваат основна субвенција од 6.000 денари по хектар и дополнителна субвенција од 19.000 денари по хектар со употреба на сертифициран семенски материјал, или 12.000 денари по хректар доколку не се употреби сертифициран семенски материјал.

Оризопроизводителите, како и сите други земјоделци, на крајот од 2023 година, на своите сметки авасно ја добија основната субвенција, нагласи министерот Николовски.

Производителите на ориз, преку програмата за руруален развој, имаат на располагање мерка со која можат да набават специјализиран комбајн за жнеење на оризот, или сушара за ориз. Поддршка со која можат да го модернизираат своето производство. Ваквата можност, до сега, ја имаат искористено повеќе од 30 оризопроизводители, набавувајќи специјализиран комбајн за жнеење на ориз.

Македонскиот ориз, како важна култура ја заштитивме од увоз, со предвидена 35% заштитна царина, а го помагаме извозот на македонски ориз. Давајќи поддршка во трошоците за амбалажа на извезен македонски ориз. Висината на поддршката која ја даваме изнесува 2,5 денари за пакување во најлонска амбалажа до 500 грама, потоа 5 денари за пакување во најлонска амбалажа до 1 килограм и 10 денари по пакување во хартиена амбалажа до 1 килограм или по пакување во најлонска амбалажа од 3 до 5 килограми.

Од оваа година, како што ветивме пред земјоделците, поддршката за зелена нафта се зголемува за 100%, а оризопроизводителите сега ќе добиваат зелена нафта во износ од 3.200 денари по хектар.

Постојано, сите овие години, сме на терен меѓу земјоделците, ги слушаме нивните предлози, нивните барања и заеднички креираме мерки. Искрен партнер сме на секој еден земјоделец. Креираме мерки кои даваат резултати и го развиваат македонското земјоделство, соопштуваат од МЗШВ.

притисни ентер