Ковачевски: Очекувам успешна лидерска средба и договор за датум на изборите, без уценување

Премиерот Димитар Ковачевски очекува успешна лидерска средба во понеделник, на која ќе се договори датум за претседателски  и парламнетарни изброри на почетокот од мај, но не и договор за укинување на т.н. Пржинска влада...

Премиерот Ковачевски е оптимист за лидерската средба закажана за во понеделник во Собранието. Очекува таа да биде успешна и сите партии да седнат на маса без, како што рече, да има уценување на една политичка партија кон други и да се постигне договор за Изборен законик со препораките од ОБСЕ/ОДИХР, како и датум за избори. Според него финалниот збор за датумот за парламентарните и претседателските избори треба да го кажат партиите, но индиректно потврди дека 8 мај е прифатлив за двојни избори кои ќе бидат редовни, а верските празници Велигден и Рамазан испочитувани. Во однос на техничката влада Ковачевски потврди дека нема расположение таа да се укине сега, туку од следните избори.

„ Од она што може да се види во јавноста преку изјавите на политичките партии не постои консензуално решение за нејзино укинување сега на краток рок пред одржување на изборите, меѓутоа секако постои расположение да биде укината со важност од следните избори. И тоа не треба да биде пречка во однос на одржување на изборите, бидејќи обезбедува уште поголем демократски амбиент имајќи предвид дека на опозицијата и беше понудено да учествува во Владата заради продолжување на европскиот пат со половина од министерствата – понуда која се уште стои на маса, вели Ковачевски.

Премиерот повтори дека уставните измени се на дневен ред во Собранието, но кога и дали тие би се гласале до крајот на овој парламентарен состав конкретен одговор нема. Не сакаше директно да ја искоментира изјавата на помошник државниот секретар на САД за Европа, О’Брајан кој го критикуваше ставот на ВМРО-ДПМНЕ против уставните измени, но ја искористи неговата метафора за политиката на опозициската партија.

„ СДСМ ако погледенете низ годините ние ветивме интеграција на државата во НАТО и испорачавме. Споредете го тоа со една кола што ја гледате. Тоа е кола што ве вози во Вашингтон кадешто се депонирани потписите за членствот во НАТО. Тоа е кола што обезбеди почнување на преговорите со ЕУ. Ве води во Брисел. Од друга страна што имате? Имате кола направена од стиропор... Денот кога ќе станеме членка на ЕУ во 2030, ќе направиме настан на којшто нашите граѓани ќе можат да ги соберат пасошите кои што ги имаат земано од други држави за да можат да работат во ЕУ и да им ги вратиме на тие држави, да кажеме ова веќе не ни треба, бидејќи нашиот пасош ги има ѕвездите на ЕУ на македонскиот пасош, изјави Ковачевски.

Реагираа од ВМРО-ДПМНЕ. „Колата за која збори Таче му зариба, зошто наместо горивото изразено во милиони евра во тендери, наместо во народниот резервоар течеше во приватните џебови на власта“, велат од опозициската партија. Оттаму додаваат дека Ковачевски се бори, грчовито, како што велат, ДУИ да има премиер на техничката влада. Наредната изјава барем Ковачевски да трепне два пати како сигнал дека не е киднапиран од ДУИ, стои во реакцијата на ВМРО-ДПМНЕ

Жена дошла во банка со мртов човек за да подигне кредит: Тој е молчелив (Вознемирувачко видео)

Неверојатна приказна доаѓа од Рио де Жанеиро, каде жена била уапсена откако наводно се обидела да добие кредит од банка, во друштво на мртов човек?!

Приказната за прв пат ја објави ТВ Глобо од Бразил, а видеото се појави на социјалните мрежи.

На видеото гледаме жена која стои покрај блед постар маж во инвалидска количка. Се гледа како го држи за врат и го нарекува „чичко“.

Таа наводно се претставила како внука на мажот и побарала кредит од 3.400 долари.

„Вујко, слушаш ли? Треба да го потпишете договорот за заем. Ако не потпишеш, нема шанси, бидејќи не можам да го сторам тоа за тебе“, вели таа.

Вработената во банката, која ја снимила снимката, одговара: „Изгледа не му е добро, неговата боја“.

Жената возврати: „Таков е тој. Тој не зборува ништо“.

Вработените во банката набрзо повикале полиција.

„Тој веќе беше мртов во банката. Главната работа е да се продолжи со истрагата за да се пронајдат членовите на семејството и да се дознае повеќе за случајот“, изјавил началникот на полицијата Фабио Луиз за ТВ Глобо.

Ако се покаже дека жената е виновна, таа може да биде одговорна за обид за измама.

Надлежните ги истражуваат околностите под кои мажот починал, а неговото тело е пренесено во Институтот за судска медицина.

Јонуз: Полека но сигурни влегуваме во „бугарско“ сценарио

„За година и пол до две сум сигурен дека ќе имаме предвремени избори“

Тоа што некој е помудар од тебе и тоа што подобро игра од шах од тебе, не значи дека ги надминал границите. Легитимно право, законско право е да се поставува услов. Алал да им е на Албанците 100:0 тепаат наспроти Македонците. Полека но сигурни влегуваме во „бугарско“ сценарио. За година и пол до две сум сигурен дека ќе имаме предвремени избори. На овие избори тврдам дека ВМРО-ДПМНЕ ќе „растури“ на овие избори затоа што имаат доследност, кичмата крива ли е, ја држат, другите се камелеон. Во Македонија овде кога би не оставиле сами да го делиме парчето торта, очите ќе си ги извадиме. Албанците тоа што го имаат, Македонците го немаат, а тоа е едиство, рече Агим Јонуз во Само Вистина.

Нарко босот „Ел Чапо“ се жали дека во затворот не му дозволувале никаков контакт со семејството

Мексиканскиот нарко бос Хоакин „Ел Чапо“ Гузман, поранешен водач на картелот Синалоа, тврди дека не смее да прима телефонски повици или посети во максимално безбедниот американски затвор во Колорадо, каде што издржува доживотна затворска казна.

Гузман, кој неколкупати бегаше од затворите во Мексико, на крајот на март му напиша писмо на судијата на Окружниот суд на САД, Брајан М.

Тој е осуден за водење на операција за шверц на дрога од индустриски размери и отслужува казна во затвор со максимална безбедност во Флоренс, Колорадо, според АП.

„Во мај 2023 година, објектот престана да ми ги пренесува повиците на моите ќерки, а јас седум месеци немав повици од нив. Прашав кога ќе ми дозволат да разговарам со моите ќерки и вработените ми кажаа дека агентот на ФБИ кој ги надгледуваше повиците не одговара“, напиша Гузман.

Ел Чапо смета дека е изложен на „дискриминација без преседан“ и дека официјалните лица го казнуваат со тоа што не му дозволуваат контакт со семејството.

Гузман, исто така, побарал од судијата да ја посети неговата сопруга Ема Коронел, но не кажа кога последен пат му било дозволено да ја види.

Коронел, исто така, се изјаснила за виновна за обвиненијата за трговија со дрога во 2021 година, но подоцна беше ослободена.

„Ве молам на Коронел да ѝ дозволите да ме посети и да ги донесете моите ќерки да ме посетат, бидејќи тие можат да ме посетат само кога се на одмор, бидејќи студираат во Мексико“, додаде Гузман во писмото до судијата. .

Судијата Коган одговори минатата недела, велејќи дека по изрекувањето на пресудата на Гузман, сè е на американското биро за затвори и дека нема моќ да интервенира.

Во декември, 95-годишната мајка на Гузман почина во северната мексиканска држава Синалоа, а таа наводно не го видела својот син откако беше испратен во затвор во Колорадо во 2019 година.

Гузман го предводеше картелот Синалоа во борбата против нарко бандите, во кои загинаа илјадници Мексиканци.

Тој двапати избегал од мексиканските затвори, еднаш преку тунел долг километар ископан низ ќелијата во која престојувал.

Откако беше екстрадиран во Њујорк, неговото тримесечно судење вклучуваше приказни за убиства, политички исплати, кокаин скриен во лименки халапења и пиштоли со скапоцени камења.

Во 2023 година, Мексико екстрадираше еден од синовите на Ел Чапо, Овидио Гузман Лопез, во САД за да се соочи со обвиненија за трговија со дрога и перење пари.

Се вели дека Гузман Лопез го водел картелот Синалоа за време на операциите за производство и извоз на фентанил во САД, за кој се верува дека предизвикува 70.000 смртни случаи годишно.

притисни ентер