Ковачевски: Не е точно дека некои пратеници од СДСМ нема да ги поддржат уставните измени

Премиерот Ковачевски нема поединечно да ги убедува пратениците од ВМРО-ДПМНЕ да гласаат за уставните измени.

Премиерот Ковачевски нема поединечно да ги убедува пратениците од ВМРО-ДПМНЕ да гласаат за уставните измени, а вели дека не е опција ниту лидерска средба со претседателот на партијата Мицкоски. Тој тврди дека во редовите на опозициската партија има разногласие во однос на прашањето дали треба да се продолжи со евроинтеграциите преку вметнување на Бугарите во Уставот..

-Лидерска средба кажав нема да има, свикана од мене, со оглед на тоа дека во овој момент нема потреба од такво нешто. Одвоени средби јас ниту сум практикувал, ниту практикувам, ниту ќе практикувам. ВМРО – ДПМНЕ мора да одлучи дали тоа што го зборува по амбасади, дајте ни власт, и безусловно ќе го промениме уставот, ќе го каже и пред народот, односно дали ги лажат амбасадите или го лажат народот. Прво тоа прашање мора да го одговорат, како раководство па потоа да можеме да продолжиме со дискусијата, вели Димитар Ковачевски – претседател на Влада.

Ниту сопствените пратеници не му веруваат на Ковачевски, деветмина од СДСМ се против уставни измени, а еден од ДУИ бара пари за да гласа- одговорија од опозициската партија..

-ВМРО-ДПМНЕ има јасен став, дека промена на Уставот под бугарски диктат нема да прифати, и не знаеме дали Ковачевски има проблеми со слухот или халуцинации. Дали пратеници од СДС, поточно 3 од првата и втората изборна единица кажале дека ако се овие уставни измени на маса нема да ги гласаат, и дали 6 пратеници од внатрешноста им рекле дека уставните измени се најлошото нешто што може оваа влада да го направи. – стои во реакцијата на ВМРО-ДПМНЕ.

Ваквите наводи според премиерот се неточни, а шефот на дипломатијата Бујар Османи пак оцени дека на темата уставни измени Мицкоски градел политичка кариера. Откако ќе се објават амандманите за промена на уставот, граѓаните ќе се уверат дека во нив нема ништо лошо, порача Османи.

-Сакаат да прават политички кариери, тоа не е чесно кон своите избирачи и граѓани, сум оптимист и мислам дека Мицкоски на крај ќе излезе поразен. До ноември ако не се завршат, преговорите прекинуваат со сите административни и психолошки последици. Тоа значи пак ќе останеме изолирани во наредните 10 години за некаде во 2033 ги направиме уставните измени, меѓутоа возот отишол, луѓето избегале во Германија да работат, надежта е убиена во земјава, а треба само да се потврди тоа што го има во Уставот. Во категоријата “други” се и Бугарите, изјави Бујар Османи – министер за надворешни работи.

Планот на власта е собраниската процедура за промена на уставот да започне пред летото, во следните недели експертски групи да ги прецизираат амандманите, по што според најавите ќе следува и широка јавна расправа...

Ли: Австралија треба да ги остави настрана несогласувањата со Кина

Премиерот на Кина, Ли Кечијанг денеска вети нова двојка џиновски панди за зоолошка градина и ја повика Австралија да ги остави настрана несогласувањата со Пекинг.

Ли доцна синоќа пристигна во главниот град на сојузната држава Западна Австралија, Аделаида. Во Западна Австралија се произведува најголемиот дел од австралиското вино извезено во Кина, откако во март беа укинати царините, поради кои беше прекината трговијата во 2020 година.

Посета на Ли во Австралија е фокусирана на дипломатијата на пандите, обновувањето на трговските и дипломатските врски откако Кина ги рестартираше односите во 2022 година. Билатералните односи помеѓу Пекинг и Канбера беа нарушени за време на деветгодишното владеење на претходната конзервативна австралиска администрација.

Шефицата на австралиската дипломатија, Пени Вонг истакна дека посетата на Ли е резултат на „двегодишната многу фокусирана и трпелива работа на оваа влада за стабилизирање на односите и отстранување на бариерите во трговијата“.

- Ќе соработуваме кога можеме, нема да се согласуваме кога треба и ќе работиме на заштита на нашите национални интереси, посочи Вонг.

Ли синоќа по пристигнувањето во Австралија потенцира оти односите помеѓу Кина и Австралија по период на подеми и падови се вратиле на правиот пат.

- Историјата докажа дека заемното почитување, барањето заеднички јазик и ставањето настрана разликите, како и заемно корисната соработка се вредни искуства во развојот на кинеско-австралиските односи, наведе Ли.

Додека премиерот на Австралија, Ентони Албанез најави дека со Ли ќе разговара за неодамнешните судири меѓу воените сили на двете земји во Јужно Кинеско Море и Жолто Море.

Ли во Австралија допатува од Нов Зеланд, а неговата турнеја низ регионот ќе заврши во Малезија.

Зеленски: Путин нема да стави крај на војната

 Киев утре ќе одржи мировни преговори со Русија ако Москва се повлече од целата украинска територија, изјави претседателот на Украина, Володимир Зеленски по завршувањето на дводневната мировна конференција во Швајцарија.

- Но, Владимир Путин нема да стави крај на војната. Затоа, мораме да го спречиме со какви било средства, било воени или дипломатски. Западната помош не беше доволна за да се добие војната, но самитот покажа дека меѓународната поддршка за Украина не слабее, посочи Зеленски.

Прво реми на ЕУРО2024, Данска и Словенија одиграа 1-1

Данска и Словенија го одиграа вечерва првиот натпревар на ЕВРО2024 кој заврши без победник, ремизирајќи 1-1 во воведниот натпревар во групата Ц.

Данска, на дуелот во Штутгарт кој од трибините го следеа 60.449 гледачи, поведе во 17 минута со голот на Ериксен.

Словенија избегна стартен пораз во групната фаза со голот на Јанжа во 77 минута.

Првото коло во групата Ц ќе биде комплетирано вечерва со дуелот меѓу Англија и Србија.

притисни ентер