Ковачевски најавува избори во мај – власта и опозцијата блиску до договор за споени избори!?

Дали власта и опозицијата се поблиску до договор за споени претседателски и парламентарни избори на еден трошок, напролет? 

Иако се уште нема официјална потврда дека има приближување на партиските ставови за датумите за избори, премиерот Димитар Ковачевски денеска за првпат го спомена мај како месец во кој е можно да се организираат избори, потенцирајќи дека тие ќе бидат во редовен термин.

Во моментов, според премиерот Ковачевски, течат разговори за финализирање на Изборниот законик и вклучувањето во него на сите забелешки од страна на ОБСЕ/ОДИХР. Очекува многу скоро да се најдат и на владина седница и на седница во Парламентот.

-Во однос на изборите, 2024-та е изборна година и сметам дека постои доволно простор во месец мај да може да се организираат избори во нивниот редовен термин. Во однос на финалните ставови на политичките партии ќе ве информираме тогаш кога ќе се постигне еден поширок консензус во рамките на Парламентот, изјави Ковачевски во Прилеп.

Дека власта и опозицијата веројатно уште неделава ќе постигнат договор за споени избори, викендов најави и претседателот Стево Пендаровски... Претходно, пак, лидерот на ВМРО-ДПМНЕ Мицкоски, како и собранискиот спикер Џафери го посочија 8 мај како можен термин во кој би се одржале вториот круг од претседателските како и единствениот круг на парламентарните избори, со оглед дека првиот можен – 5 мај е Велигден..

Дека партиите се на чекор до овој договор индиректно потврди и Артан Груби, со најавата дека техничката влада би се формирала кон крајот на јануари или почетокот на февруари... Неа, според коалицискиот договор меѓу СДСМ и ДУИ, ќе ја предводи Албенец-премиер, а за модалитетите се уште се разговара, вели премиерот Ковачевски.

-Со ДУИ имаме јасен коалициски договор објавен во 2020 година, секако дека за модалитетите со нив се разговара, но целта за остварување европска коалиција која ќе предводи широк фронт е клучната работа што ќе ги обедини партиите на следните избори. Сите детали и кадровски решенија кои ќе следуваат, ќе бидат споделувани со јавноста како што ќе се носат од официјалните органи на партиите, изјави Ковачевски.

Премиерот е оптимист дека Алијанса за Албанците има капацитет да биде дел од нивната европска коалиција и покрај најавите од Таравари дека можно е да ја напуштат Владата. Смета дека со Алијанса може да делат заеднички вредности и визија за модерно општество и модерна просперитетна држава, но ќе остави, како што рече, партиските тела да ги носат финалните одлуки.

Најголемите гробишта на автомобили во светот

Во Америка се наоѓаат најголемите гробишта за автомобили, 300.000 автомобили, кои се отфрлени како последица на аферата „Фолксваген“ „Дизелгејт“се „погребани “на овие гробишта.

Големите гробници за автомобили не се само сцена од пост-апокалиптични филмови, тие се реалноста на нашето време.

Едноставно низ годините на економски кризи, војни, природни катастрофи и промени во индустријата, многу возила остануваат напуштени и заборавени во отпади.

Сигурно барем еднаш сте се запрашале како изгледа да видите неколку илјади автомобили паркирани еден до друг, во овој случај 300.000.

Ова се гробиштата на 300.000 автомобили кои беа отфрлени како резултат на скандалот „Дизелгејт“ на Фолксваген.

За време на оваа афера и откупувањето на своите автомобили, со спорни дизел мотори во САД, „Фолксваген“ потрошил околу 7,4 милијарди долари.

Од 500.000 дизели, дури 350.000 такви автомобили биле купени од нивните сопственици и паркирани на импровизирани депонии во САД. Според некои информации, на американско тло има околу 37 големи депонии на кои може да се најдат уредно паркирани 300.000 автомобили.

„Фолксваген“ ги паркирал таму и чека одобрение од американската влада за да изврши дополнителни тестови и поправки на овие возила за да се исполнат моментално важечките еколошки стандарди за издувните гасови.

Сепак, големо прашање е дали за тоа ќе добијат дозвола, а и да добијат, сосема е извесно дека нема да смеат да ги продаваат тие автомобили на територијата на САД, па „Фолксваген“ ќе мора да ги транспортира во некоја друга земја во светот. Како и да е, како и да е решението, потребни се многу пари.

За купување на овие возила, плаќање казни и обештетување, „Фолксваген“ потрошил повеќе од 25 милијарди долари вкупно во САД за аферата „Дизелгејт“.

Вкупно „Фолксваген“ требаше да купи околу 500.000 спорни дизел автомобили. Во текот на 2017 година се купени околу 335.000 возила, од кои само 13.000 се предадени, а 28.000 се уништени. Значи, во моментов има 294.000 преостанати автомобили на гробиштата на Америка.

Скандалот со емисиите на гас „Фолксваген“, познат како „Дизелгејт“ или „Емисинсгејт“ започна во септември 2015 година, кога Агенцијата за заштита на животната средина на САД издаде известување за прекршување на Законот за чист воздух до германскиот производител на автомобили „Фолксваген груп“.

Ли: Австралија треба да ги остави настрана несогласувањата со Кина

Премиерот на Кина, Ли Кечијанг денеска вети нова двојка џиновски панди за зоолошка градина и ја повика Австралија да ги остави настрана несогласувањата со Пекинг.

Ли доцна синоќа пристигна во главниот град на сојузната држава Западна Австралија, Аделаида. Во Западна Австралија се произведува најголемиот дел од австралиското вино извезено во Кина, откако во март беа укинати царините, поради кои беше прекината трговијата во 2020 година.

Посета на Ли во Австралија е фокусирана на дипломатијата на пандите, обновувањето на трговските и дипломатските врски откако Кина ги рестартираше односите во 2022 година. Билатералните односи помеѓу Пекинг и Канбера беа нарушени за време на деветгодишното владеење на претходната конзервативна австралиска администрација.

Шефицата на австралиската дипломатија, Пени Вонг истакна дека посетата на Ли е резултат на „двегодишната многу фокусирана и трпелива работа на оваа влада за стабилизирање на односите и отстранување на бариерите во трговијата“.

- Ќе соработуваме кога можеме, нема да се согласуваме кога треба и ќе работиме на заштита на нашите национални интереси, посочи Вонг.

Ли синоќа по пристигнувањето во Австралија потенцира оти односите помеѓу Кина и Австралија по период на подеми и падови се вратиле на правиот пат.

- Историјата докажа дека заемното почитување, барањето заеднички јазик и ставањето настрана разликите, како и заемно корисната соработка се вредни искуства во развојот на кинеско-австралиските односи, наведе Ли.

Додека премиерот на Австралија, Ентони Албанез најави дека со Ли ќе разговара за неодамнешните судири меѓу воените сили на двете земји во Јужно Кинеско Море и Жолто Море.

Ли во Австралија допатува од Нов Зеланд, а неговата турнеја низ регионот ќе заврши во Малезија.

Зеленски: Путин нема да стави крај на војната

 Киев утре ќе одржи мировни преговори со Русија ако Москва се повлече од целата украинска територија, изјави претседателот на Украина, Володимир Зеленски по завршувањето на дводневната мировна конференција во Швајцарија.

- Но, Владимир Путин нема да стави крај на војната. Затоа, мораме да го спречиме со какви било средства, било воени или дипломатски. Западната помош не беше доволна за да се добие војната, но самитот покажа дека меѓународната поддршка за Украина не слабее, посочи Зеленски.

притисни ентер