Според собранискиот Деловник расправата за избор на новата влада трае најмногу два дена, а треба да се гласа најдоцна до 24 часот во недела. Веќе од 17-ти јануари, понеделник, новиот владин тим ќе се смести на „Илинденска“.
Првите топ три приоритети со кои новата Влада ќе се зафати се економски, најаваи Ковачевски.
Во врска соизборотна новите министри, Ковачевски вели дека ресорите се бирани според капацитетот на индивидуалците, а дел од министрите ги задржал оти добро работеле.
Од актуелните министри од СДСМ Бојан Маричиќ ротира на вицепремиерското место за евроинтеграции наместо Никола Димитров, а своите позиции ги задржуваат Фатмир Битиќи како вицепремиер за економски прашања, Оливер Спасовски како прв човек во МВР и Благој Бочварски во транспорт и врски.
-Предлогот беше таков, некои министри да одат од еден ресор во друг затоа што се покажале ефикасни во одредено министерство. Во однос на одредени решенија, некои министри останаа во своите ресори поради зголемувањето на перформансите на министерствата, го подигнале стандардот на работење и ги реализирале капителните проекти кои им биле планирани за 2021 година – рече Ковачевски.
Како што е познато од вчера, најголемо изненадување во списокот на Ковачевски е професорот по кривично право Никола Тупанчевски, како министер за правда, а новина е и името поранешната пратеничка на СДСМ, Славица Грковска, која треба да го замени Љупчо Николовски во вицепремиерската позиција за борба против корупција, додека тој ќе се врати во земјоделство..Досегашната пратеничка Славјанка Петровска како наследник на Шекеринска во одбрана, а за нова министерка за култура, пак, е предложена пратеничката и новата потпретседателка на СДСМ, Бисера Костадиновска-Стојчевска.
Ново име има и на чело на министерството за труд и социјална политика – Јована Тренчевска на местото на Јагода Шахпаска.Со договорот Заев-Гаши, се воведува и министер без ресор за дијаспора, а функцијата ќе ја извршува Џемаил Чупи..
Ковачевски и новите миинстри ќе седнат во фотељите следната недела, а дали ќе јадат од скап кујнски прибор, за кој актуелната Влада одвоила 37.000 евра, ќе се знае откако новиот премиер ќе ја разгледа набавката.. Ако има неправилности, ќе биде поништена, најави Ковачевски..