Ковачевски: Дел од коалиционите партнери изразија позитивни ставови

Дел од коалиционите партнери изразија позитивни ставови по однос на францускиот предлог.

Дел од коалиционите партенри на кои им беше презентиран францускиот предлог изразија позитивни ставови, останатите треба да се изјаснат периодот што следи, истакна премиерот Ковачевски на денешната прес-конференција по средбата со лидерот на ВМРО-ДПМНЕ, Христијан Мицкоски.

-Во однос на консултациите, ние веќе имавме првична средба со коалиционите партнери на кои што им беше презентирано, дел од тие коалициони партнери веќе изразија позитивни статови во однос на предлогот кој го имаме добиено, дел тоа ќе ги кажат своите ставови во идниот период ние нормално имаме комуникација со нашите коалициони партнери. Остана за консултација уште дел, јас утрово имав телефонски разговор со Зијадин Села, најверојатно утре ќе се видиме со вицепремиерот за европски прашања да му биде претставен, објаснет во сите делови, изјави Ковачевски.

Во однос на консултациите со Собранието и тоа кога одлуката ќе биде претставена во Влада, премиерот рече дека дискусијата во Собранието ќе се одвива во согласност со собраниските процедури, бидејќи како што рече, „Владата не може да наложува на кој начин ќе се води расправата“.

Премиерот Димитар Ковачевски во однос на ставовите изнесени од лидерот на опозициската ВМРО-ДПМНЕ Христијан Мицкоски по нивната средба изјави дека сите тие прашања не задираат во прашањето за македонски јазик кое што е чисто во преговарачката рамка и во сите документи на ЕУ, не задираат во идентитетот на македонскиот народ и во самобитноста од кој било аспект на македонскиот народ.

-Тоа е мултилатерален документ кој на Република Македонија и е испратен официјално од претседателството на ЕУ Франција, кој е преземен од новото претседателство Чешка. Во моето воведно обраќање кажав дека ова е предлог кој ги опфаќа нашите црвени линии дефинирани во резолуцијата која ја има донесено Собранието на Република Македонија, рече Ковачевски по средбата со Мицкоски во Клубот на пратениците.

За тоа кога ќе се случат уставните измени и тврдењата на Мицкоски, премиерот кажа дека сите партии имаа свои изјави во изминатиот период, некои се држат до своите изјави, како тој, некои ги менуваат тие изјави.

-Нашиот Устав предвидува дека граѓани кои се самоопределуваат на друг начин од македонскиот народ можат да бидат дел од Уставот. Тоа го побараа граѓаните кои се самоопределуваат како Црногорци, како Бугари и како Хрвати. Можеби ќе го побараат и други. Еѓипјанската заедница во земјава е многу значајна заедница. Поддржувањето на такво влегување во Преамбулата на Уставот е таква одговорност затоашто ние претставаме пример во Европа за најдобра уреденост на односите помеѓу сите граѓани по сите основи. Затоа сметам дека сите 120 пратеници во Собранието да го поддржат, рече Ковачевски.

Не одговори кога ќе биде отворен Уставот, туку рече дека смета оти во моментот кога ќе дојде да се одлучува за вклучување на овие граѓани во Преамбулата на Уставот дека сите ќе бидат на висина на својата задача и побара сите да го поддржат.

Според Ковачевски, позициите на Владата ќе бидат изградени врз основа на мислењата од консултираните страни што ќе бидат доставени.

-Откако ќе завршиме со консултативниот процес овие мислења ќе бидат доставени до Владата и врз основа на образложенијата Владата ќе ја достави одлуката и ќе ја испрати до ЕУ.

За предлогот на претседателот Стево Пендаровски искажан по денешниот состанок на Советот за безбедност, Ковачевски рече дека го поддржува и Владата ќе побара од преговарачите и нашите институциите да се придржуваат до донесените резолуции.

Градоначалникот на Венеција: Двајца арогантни идиоти го исмеваат нашиот град (ВИДЕО)

Градоначалникот на Венеција ги критикуваше „двајцата идиоти“ кои беа снимени како сурфаат на Големиот канал и ветуваат бесплатна вечера на секој што ќе ги идентификува.

Откако неговата жалба на Твитер стана вирална, Луиџи Бруњаро објави дека дуото е пронајдено и нивните скејтборди се конфискувани. Тој додаде дека ќе бидат третирани „како што заслужуваат“.

„Еве двајца арогантни идиоти кои го исмеваат нашиот град“, коментира Бруњаро, објавувајќи видео од сурферите на моторизирани даски на каналот, најпознатиот во градот.

„Итно треба да им дадеме поголеми овластувања на градоначалниците кога станува збор за јавната безбедност“, додаде тој.

Украинците најавуваат контраофанзива, го објавија и датумот

Наскоро би можела да започне долгоочекуваната контраофанзива на Украина за враќање на изгубената територија.

Националната разузнавачка служба за одбрана навести некои случувања денес, при што портпаролот рече: „Ќе има многу случувања низ фронтот во блиска иднина“.

Андриј Јусов продолжи: „Не станува збор за какви било обврзувачки датуми, сепак, мора да го земеме предвид факторот на Денот на независноста на Украина“. Денот на независноста на Украина е 24 август.

„Централната разузнавачка агенција веќе долго време вели дека август и септември ќе бидат исклучително важни периоди за понатамошен развој на целиот фронт“, рече тој.

Министерот Сали во посета на дебарската болница

Министерот за здравство Беким Сали ја посети Општата болница со проширена дејност во Дебар, која здравствени услуги нуди и за жителите од Општина Центар Жупа, а по потреба и за оние од долнореканскиот крај, Општина Маврово и Ростуше.

За посетата тој информираше преку објава на Фејсбук, во која наведува дека на оваа здравствена установа и се потребни инвестиции во опрема но и кадар.

-Имав прилика да ја посетам дебарската болница. Најпрво морам да му се заблагодарам на медицинскиот персонал, кој дава се од себе за да биде на услуга на граѓаните и нивните потреби. Болницата во Дебар веќе подолго време се соочува со недостиг на инвестиции, како во кадровско планирање, така и во професионална опрема, напиша Сали.

Додава дека во разговорот со пациентите, лекарите и персоналот на оваа болница, констатирале дека на болницата во Дебар и се потребни инвестиции во опрема и кадар за да се обезбедат најквалитетни здравствени услуги.

Болницата во континутет се соочува со недостиг пред се на лекари специјалисти. Неодамна се пензионираа неколу, а се очекува за неколку месеци во пензија да заминат и други лекари. Во меѓувреме најмалку седум лекари се на специјалзација по разни медицински гранки на клинките во Скопје.

По пензонирањето на досегашниот директор Баки Алили, познат специјалист за уво, грло и нос, вршител на должноста е педијатарот Севдие Коџа.

притисни ентер