Коронавирусот влезе во кланица во Белгија , опасност и за Франција

Најмалку 50 вработени во кланицата во Стаден во северозападна Белгија се заразени со корона вирусот, соопштија денеска градските власти.

Властите додадоа дека постои можност голем дел од заразените да живеат во соседна Франција.

Повеќе од 200 вработени во таа кланица близу француската граница се ставени во карантин и сите треба да бидат тестирани за коронавирус, изјави портпаролот на Вествел, Мануел Годерис.

„Од 225 вработени во карантин, досега се тестирани 193 лица. Добивме резултати од 164 лица, од кои 50 се заразени“, соопштија градските власти, додавајќи дека немале адреси на заразените лица, наведувајќи дека некои веројатно живеат во Франција.

Компанијата вработува вкупно 850 луѓе, а во првиот извештај се наведува дека шест лица биле заразени, две од Франција и патувале во Белгија на работа.

Властите го контактирале и романскиот конзул затоа што постои можност некои романски граѓани кои работат во кланицата да биле заразени со коронавирусот.

Коронавирусот во кланиците се појави на почетокот на епидемијата во неколку земји, вклучувајќи ги Германија, Франција и САД.

Експертите сè уште не можат да ја разберат причината за инфекцијата на тие места, сметајќи дека постои можност за близок контакт меѓу работниците или дека станува збор за лоша хигиена на уредите за ладење и вентилација.

Кланицата Вестлес е позната по свежото и преработено свинско месо. Тоа е важен европски производител и има клиенти во повеќе од 50 земји.

Во Белгија се заразени 71.158 лица од почетокот на епидемијата на коронавирус, од кои 9.859 починале.

Британка со најголеми гради:Не можам да го достигнам воланот(ФОТО)

Леја Паркер од Лондон вели дека е горда што ги има „најголемите гради во Велика Британија“ на 25-годишна возраст и што потрошила над 10.000 фунти на нив.

Иако ги сака своите 32NN гради, и ги прифаќа како дел од себе, Леја сепак се жали дека нејзиното секојдневие е тешко.

Таа вели дека не може да го достигне воланот, да трча и дека мора да спие со перница на стомакот.

Таа исто така вели дека некои мажи и праќаат негативни коментари дека „нејзината мајка треба да се срами од неа“, пренесува „Мирор“.

Но, Леја не дозволува коментарите да ја поколебаат, бидејќи е горда на своето тело и заработува големи пари од тоа.

„Имав пет оперативни постапки, првата ја платив сама“, вели Леја, висока околу 160 см.

Леја вели дека отсекогаш имала големи гради (30Е) и дека и пречеле кога била тинејџерка, но дека сега целосно ги прифатила.

„Мажите во мојата индустрија ги обожаваат, а големите гради станаа дел од мојот бренд“, вели таа.

Вели дека има болки во грбот и рамењата и дека оди во теретана за да остане силна, но и дека дефинитивно ќе оди на операција за намалување на градите кога ќе престане да се занимава со манекенство.

Жителите од улицата „Борис Сарафов“ на протест

Со поставување на семафори и лежечки полицајци да се стави крај на сообраќајниот хаос на улицата „Борис Сарафов“ во Ѓорче Петров, побараа жителите од оваа улица.

Со мирен протест и двочасовна блокада им порачаа на надлежните дека не се чувствуваат безбедно, бидејќи на градската улица нема ниту пешачки премини.

Доколку не се исполнат нивните барања, велат, нивните протестите ќе продолжат со 24 часовни блокади

За прв пат во историјата, три жени се во конкуренција за нов лидер на СТО

Три жени, од кои две се од Африка, се пласираа во вториот круг на изборите за следниот генерален директор на Светската трговска организација.

Претходно, бројот на кандидати беше намален од осум на пет, соопшти организацијата со седиште во Женева.

Светската трговска организација бара нов генерален директор кој ќе го замени Бразилецот Роберт Азеведо, кој се повлече од оваа позиција на крајот на август, една година порано од планираното.

25-годишното трговско тело никогаш не било предводено од жена или личност од Африка.

Петмината кои одат во следната рунда се кениската министерка Амина Мохамед, поранешната нигериска министерка за финансии Нгози Оконџо-Ивеала, поранешнастас јужнокорејска министерка за трговија Јо Мјунг-Хе, Мохамед ал-Тувајри од Саудиска Арабија и поранешниот британски министер Лиам Фокс.

Ова ги потврдува вчерашните наводи на Ројтерс дека се елиминирани Хесус Сиад од Мексико, Хамид Мамдух од Египет и Тудор Улјановски од Молдавија.

Наследникот на Азевед ќе се соочи со големи предизвици, бидејќи глобалните тензии и протекционизам растат за време на забавувањето предизвикано од Ковид 19, најочигледно помеѓу Пекинг и американската администрација на Доналд Трамп, и притисокот за започнување на реформите.

Вториот круг, во кој 164 членки на Светската трговска организација ќе ги изразат своите преференци, ќе трае од 24 септември до 6 октомври, а потоа бројот на кандидати ќе се намали на двајца. Светската трговска организација соопшти дека сака да избере победник на почетокот на ноември.

Трговските експерти и поранешни претставници на Светската трговска организација сметаат дека претседателските избори во Америка, закажани за 3 ноември, може да го продолжат процесот, иако тоа би значело дека рокот утврден од Светската трговска организација ќе биде пробиен.

Како и да е, Светската трговска организација соопшти дека процесот досега одел добро и дека сите членки учествувале во него.

„Целта е овој процес да заврши два месеца од почетокот - започна на 7 септември, па затоа треба да биде готов околу 7 ноември , а досега, сè е добро“, изјави портпаролот на Светската трговска организација Кит Роквел.

притисни ентер