Коронавирусот скоро целосно го блокира турскиот туризам

Турскиот туризам скоро запре во април, како резултат на падот на бројот на странските посетители за над 99% под влијание на патните ограничувања за борба против пандемијата на коронавирус.

Само 24.238 странски посетители пристигнале во Турција во април, во споредба со 3,29 милиони во истиот месец лани, покажуваат податоците од Министерството за туризам.

Во првите четири месеци од оваа година, нивниот број е повеќе од преполовен, на 4,3 милиони.

Истанбул имал најмногу посетители, вкупно 2,3 милиони во првите четири месеци од 2020 година. Најголем број туристи доаѓаат од  Бугарија, од каде пристигнале скоро 400.000 посетители во Турција. Следува Германија со нешто повеќе од 356 илјади.

Во 2019 година, Турција имала вкупно 45 милиони странски посетители и 34,5 милијарди американски долари приходи од туризмот, што е исклучително важен за опаѓачката економија.

Оваа недела повторно започнаа да примаат резервации од странство за да ги рестартираат услугите за здравствен туризам за странците.

Хотелите во медитеранското одморалиште Анталија одделно ги започнаа подготовките за повторно отворање, во согласност со владините безбедносни прописи за контрола на пандемијата.

Турција ги запре сите меѓународни летови на 27 март за да го спречи ширењето на вирусот, потсетува ДПА.

Националниот оператор „Туркиш ерлајнс“ продолжи со укинувањето на меѓународните летови до 10-ти јуни, додека домашните летови се прекинати до 4-ти јуни.

притисни ентер