Фабриката Грингор во Нортхемптон, во која работат околу 2.100 работници, објави дека некои вработени сега се во изолација.
Тие исто така велат дека првично имало 79 работници кои биле позитивни, но потоа решиле да тестираат повеќе лица приватно, по што се покажало дека има 213 позитивни, а нешто помалку од сто тестови сè уште се обработуваат.
Од компанијата велат дека тие се во постојан контакт со здравствените работници и градските власти и дека сите новозаразени лица ќе бидат испратени во изолација.
„Воведовме различни форми на социјално растојание и строги хигиенски процедури во сите наши простории, редовно ја мериме температурата на работниците и правиме се за да ги направиме луѓето безбедни. Благосостојбата на нашите колеги е нашиот приоритет број еден “, соопшти Грингор.
Луси Вајтман, директор на локалниот институт за јавно здравје, рече дека на вработените им било наредено да „дејствуваат веднаш“, откако бројот на заразени во градот се зголемил од 66 на 85 за една недела.
„Во Нортхемптон има остар скок на бројот на заразени лица минатиот месец, па од сите вработени е побарано веднаш да реагираат и да ги следат дополнителните мерки за да се избегне градскиот карантин и понатамошната интервенција на владата“, рече Вајтман.
Greencore е еден од најголемите производители на сендвичи во Велика Британија, произведува до милион сендвичи дневно , што се продаваат во најразлични продавници, кафулиња, аеродроми и слични места.
Веста за оваа инфекција доаѓа веднаш откако епидемиолозите се зафатиле со спречување на вирусот, кој започнал да се шири во центарот за дистрибуција на банани во Ковентри и каде десетина лица се тестирале позитивно за „Ковид-19“.
Овој случај е особено интересен со оглед на тоа што неодамна Светската здравствена организација рече дека нема докази дека коронавирусот се шири преку амбалажа со храна или храна и дека луѓето „не треба да се плашат од храна или испорака на храна“.
‘Нема докази дека храна или синџири на храна се вклучени во преносот на вирусот. Луѓето може да се релаксираат “, изјави Мајк Рајан од СЗО.
Но, ваквите и слични случаи можат да го променат мислењето и упатствата на СЗО.